مۇحيتتىڭ ارعى جاعىنان كەلگەن جولداۋ

اقش مەملەكەتتىك حاتشىسى حيللاري كلينتون قازاقستان رەسپۋبليكاسى كونستيتۋتسياسىنىڭ 15 جىلدىعىن اتاپ وتۋگە وراي ءوزىنىڭ سالەمدەمەسىن جولدادى. ء“بىزدىڭ ەلدەرىمىزدىڭ ءوزارا سىيلاستىعى مەن مۇددەلەرى تىعىز ارىپتەستىكتىڭ نەگىزى جانە ءبىزدىڭ ەلدەرىمىزدىڭ وركەندەۋى مەن قاۋىپسىزدىگىن قامتاماسىز ەتەدى”, – دەپ اتاپ وتكەن ءوزىنىڭ جولداۋىندا اقش مەملەكەتتىك حاتشىسى. ول ەلىمىزدىڭ كونستيتۋتسياسى اقش-تىڭ امەريكالىق دەمو­كرا­تيانى كەپىلدىك ەتۋدە ۇستانىپ وتىر­عان قاعيداتتارىنا پارا-پار ەكەندىگىن ايتا وتىرىپ, قازاقستان كونستيتۋتسياسىنىڭ نەگىزگى قاعيدات­تارىنا جوعارى باعا بەردى جانە قازاقستاننىڭ وسى جىلى ەقىۇ توراعالىعىنا قول جەتكىزۋىندە ءدال وسى جەتىستىكتەر ارقاۋ بولدى دەپ اتاپ وتكەن. “سىزدەردىڭ كونستيتۋ­تسيالارىڭىز قازاقستان حالقىنىڭ الداعى ۋاقىتتاعى جەتىستىكتەرىنە نەگىز بولادى جانە ءبىزدىڭ ەلدەرىمىز اراسىنداعى تىعىز بايلانىستىڭ كەپىلى بولادى”, – دەلىنگەن حاتتا. سونىمەن قاتار, قازاقستان الداعى بولاتىن ەقىۇ سامميتىندە ءوزىنىڭ دەموكراتيالىق دامۋعا قاتاڭ ۇستانىمىن تاعى دا پاش ەتەرىنە سەنىمىن بىلدىرگەن. ءوز جولداۋىنىڭ سوڭىندا مەملەكەتتىك حاتشى اقش-تىڭ قازاقستانمەن بىرلەسە وتىرىپ “بەيبىت جانە گۇلدەنگەن بولاشاق قۇرىلىسى جونىندەگى” جۇمىستارىن جالعاستىرۋ مىندەتتەرىن قۋاتتادى. مۇحيتتىڭ ارعى جاعىنان كەلگەن جولداۋ استانا مەن ۆاشينگتون اراسىنداعى ساياسي ۇنقاتىسۋدىڭ جوعارى دەڭگەيىنىڭ جانە ءوزارا سىيلاستىقتىڭ شىنايى بەلگىسى بولىپ تابىلادى. نۇربەك الماشوۆ.