دامۋ دەڭگەيى دىتتەگەندەي بولماق

كەشە پرەمەر-مينيستر كارىم ءماسىموۆتىڭ توراعالىعىمەن ۇكىمەتتىڭ كەزەكتى وتىرىسى بولىپ ءوتتى. وندا “2011-2015 جىلدار­داعى ەلىمىزدىڭ الەۋمەتتىك-ەكونو­ميكالىق دامۋ بول­جامىنىڭ جو­باسى”, “قازاقستان رەس­پۋب­ليكاسى ۇلتتىق قورىنان 2011-2013 جىل­دارى بولىنەتىن كەپىلدەندىرىلگەن ترانسفەرتتەر تۋرالى” زاڭ جو­باسى, “رەسپۋبليكالىق جانە وبلىستىق بيۋد­جەتتەر استانا رەس­پۋبليكالىق ما­ڭىزداعى قالا­لار بيۋدجەتتەرى اراسىن­داعى جال­پى ترانسفەرتتەر كولەمى ءجونىن­دەگى” زاڭ جوباسى, 2011-2013 جىل­دارعا ارنالعان رەسپۋبليكالىق بيۋدجەت جوباسى قارالدى. العاشقى ءۇش ماسەلە بويىنشا يندۋستريا جانە جاڭا تەحنو­لوگيالار ءمينيسترى جانار ايتجانوۆا بايانداما جاسادى. ول 2011-2015 جىلدارداعى ەلىمىزدىڭ الەۋمەتتىك-ەكونوميكالىق دامۋ بولجامىنىڭ جوباسى الەمدىك ەكونوميكانىڭ, الەمدىك تاۋار رىنو­گىنىڭ احۋالدارىنىڭ بول­جامدارىن, سو­نىمەن بىرگە ەلى­مىز­دىڭ ەكونومي­كا­لىق سالالارىنىڭ 2010 جىلعى قاڭتار-شىلدە ايلارى اراسىنداعى دامۋ ۇردىستەرىنىڭ جاع­دايىن ەسكەرە وتىرىپ جاسال­عاندىعىن اتاپ كورسەتتى. حالىق­ارا­لىق ۆاليۋتا قورىنىڭ بولجام­دارى­نا سايكەس 2010-2011 جىلدار ارالى­عىندا الەمدىك ەكونومي­كانىڭ ءوسىمى 4-5 پايىزدى قۇ­راماق. وسىعان باي­لا­نىستى ەلىمىزدىڭ الەۋمەتتىك-ەكونو­مي­كالىق دامۋىنىڭ بولجامى 2011-2015 جىلدار ارالىعىنداعى مۇناي باعا­سىنىڭ بولجامىن دا ەسكەرە وتىرىپ جاسالعان. با­رىنشا كونسەرۆاتيۆتى بولجامدار بويىنشا, بۇل مەرزىمدە مۇناي باعاسىنىڭ باررەلى ورتاشا ەسەپپەن 65 اقش دوللارى كولە­مىندە بولادى دەپ كۇتىلۋدە. الەمدىك تۇتىنۋ دەڭگەيىنىڭ ءبىرتىن­دەپ قالپىنا كەلۋىنە بايلانىستى 2011-2015 جىلدار ارا­لىعىندا مەتالدىڭ الەمدىك باعاسى ورتاشا ەسەپپەن 10-15 پايىز ارتپاق. مىنە, وسى جاعدايلاردى ەسكە­رە كەل­گەندە ەلىمىزدىڭ ىشكى جالپى ءونىمى­نىڭ ءوسىمى 2011 جىلى – 3,1, 2012 جىلى – 3,3, 2013 جىلى 3,5 پايىز, ال 2015 جىلعا تامان ورتا ەسەپپەن 4,1 پايىز بولادى دەپ بولجانىپ وتىر. ەلىمىزدە جۇزەگە اسىرىلىپ جاتقان يندۋستريا­لان­دىرۋ جوبالارى جانە وتاندىق ءونىم­دەردىڭ ەكسپورتقا شىعارى­لۋى­نىڭ ارتۋىنا بايلانىستى 2011 جىلى ونەر­كاسىپ ءوسىمى – 3,6, 2012-2013 جىلدارى 3,9 پايىز دەڭگەيىندە بولماق. جالپى, جوبالاۋ كەزەڭىندە ءوسىم ورتاشا ەسەپ­پەن جىلىنا 5 پايىز بولادى دەپ كۇ­تى­لۋدە. 2011-2015 جىلدار ارالىعىندا اۋىل شارۋاشىلىعى جالپى ءونىمىنىڭ ءوسىمى ورتا ەسەپپەن جىلىنا 4,3 پايىز دەڭگەيىندە بولىپ, 2015 جىلى 4,8 پايىز­دى قۇرايدى. سونىمەن بىرگە ەلى­مىزدىڭ كولىك جانە ساۋدا سالالارىندا دا ەداۋىر ءوسۋ دەڭگەيى بولجانىپ وتىر. ۇلتتىق بانكتىڭ بولجامى بويىنشا 2011-2015 جىلدار ارالىعىندا ينفليا­تسيا دەڭگەيى 6-8 پايىز ءدالىزى ارالى­عىندا بولماق. ەڭبەك جانە حالىقتى الەۋمەتتىك قورعاۋ مينيسترلىگىنىڭ بول­جامى بويىنشا ەلىمىزدەگى جۇمىس­سىز­دىق دەڭگەيى 2011 جىلى 6,4 پايىزدان 2015 جىلى 5,5 پايىزعا تومەندەيدى. 2011-2013 جىلدارعا ارنالعان رەسپۋبليكالىق بيۋدجەت جوباسى تۋرالى قارجى ءمينيسترى بولات جامىشەۆ حابارلاما جاسادى. الدىن-الا جاسالعان جوبا بوي­ىنشا 2011 جىلى رەسپۋبليكالىق بيۋدجەت ءتۇسىمى 4 055,2 ملرد. تەڭگە كولەمىندە بەلگىلەنىپ, 2010 جىلدىڭ انىقتالعان جوسپارىنان 676,9 ملرد. تەڭگە نەمەسە 20 پايىز ارتىق بولادى دەپ بولجانىپ وتىر. ال 2012 جىلى بيۋدجەت ءتۇسىمى 4380,1 ملرد. تەڭگە, 2013 جىلى 4786 ملرد. تەڭگە بولادى دەپ بولجانۋدا. رەسپۋبليكالىق بيۋدجەتتىڭ 2011 جىلعا ارنالعان شىعىندارى 4657,7 ملرد. تەڭگە, 2012 جىلى 4961,9 ملرد. تەڭگە, 2013 جىلى 5168,3 ملرد. تەڭگە كولەمىندە بەلگىلەنگەن. ۇكىمەت وتىرىسىنا ۇسىنىلعان جوبالاردى ۇكىمەت مۇشەلەرى ءبىر­اۋىزدان ماقۇلدادى. وتىرىستى پرەمەر-مينيستر كارىم ءماسى­موۆ قورىتىندىلاپ, قارال­عان ماسەلەلەر بويىنشا اتقارىلاتىن جەدەل شارالارعا بايلانىستى ءتيىستى ورگاندارعا ناقتى تاپسىر­مالار بەردى. جىلقىباي جاعىپار ۇلى.