01 قىركۇيەك، 2010

اكادەميالىق ۇتقىرلىق ۇتىمدىلىعى

670 رەت كورسەتىلدى
ۇلتتىق مەكتەپتىڭ ۇلى مۇراتى بولون پروتسەسى اياسىنداعى ستۋ­دەنتتەردىڭ اكادەميالىق ۇتقىرلى­عىنا ۇلكەن ءمان بەرىلەدى. بولون دەكلاراتسياسى ستۋدەنتتەردىڭ باسقا وقۋ ورىندارىنا اۋىسۋىنا جانە سايكەستى قىزمەتتەر الۋىنا ەرەكشە كوڭىل بولە وتىرىپ، بۇل اۋىسۋدىڭ ەركىندىگىن ءتيىمدى جۇزەگە اسىرۋدا كەدەرگىلەردى ەسكەرۋ ارقىلى ۇتقىر­لىعىنا جاعداي جاساۋ ماقساتىن جاريالايدى. بولون پروتسەسىنىڭ ءمىن­دەتتەرى: جۇمىسقا تۇرۋ مۇمكىن­دىگىمەن ازاماتتاردىڭ ۇتقىرلىعىن دامىتۋ باعىتىنىڭ نەگىزگى كىلتى رەتىندە جوعارى ءبىلىمنىڭ ەۋروپالىق ايماعىن قۇرۋ; ەۋروپانىڭ ينتەل­لەك­تۋالدى، مادەنيەتتى، الەۋمەتتىك جانە عىلىمي-تەحنيكالىق الەۋەتىن قالىپتاستىرۋ مەن نىعايتۋ; دۇنيە جۇزىندە جوعارى مەكتەپتىڭ بەدەلىن كوتەرۋ; باسقا ءبىلىم جۇيەلەرىمەن ەۋ­روپالىق جوعارى وقۋ ورىندارىنىڭ باسەكەگە قابىلەتتىلىگىن قامتاماسىز ەتۋ; جوعارى ءبىلىمنىڭ ۇلتتىق جۇيەلەرىنىڭ ۇلكەن ۇيلەسىمدىلىگى مەن سالىستىرمالىلىعىنا قول جەتكىزۋ; ءبىلىم ساپاسىن ارتتىرۋ; مادەني قۇندىلىقتاردى دامىتۋدا وزدەرىن جاڭا گۋمانيستىك سانا تۇسىنىكتى قولداۋشى، تاراتۋشى رەتىندە ساناي­تىن ۋنيۆەرسيتەتتەردىڭ ورتالىق ءرولىن كوتەرۋ. بولون دەكلاراتسياسىنا قوسىل­عان مەملەكەتتەر وزدەرىنە بەلگىلى ءبىر ناقتى مىندەتتەر الادى، اتاپ ايت­قاندا، بولون پروتسەسىنىڭ نەگىزگى تالاپتارىنا ساي ۇلتتىق ءبىلىم جۇيەلەرىن رەفورمالاۋ مىندەتى. بولون پروتسەسىنىڭ مىندەتتى پارامەترلەرى جوعارى ءبىلىمنىڭ ءۇش دەڭگەيلىك جۇيەسى، – ەستS اكادە­ميا­لىق كرەديتتەرىنىڭ جۇيەسى،  جوو ستۋدەنتتەرىنىڭ، وقىتۋشىلارى­نىڭ جانە اكىمشىلىك قىزمەتكەر­لە­رىنىڭ اكادەميالىق ۇتقىرلىقتارى، ديپ­لومعا ەۋروپالىق قوسىمشا، جوعارى ءبىلىمنىڭ ساپاسىنا باقىلاۋ، ءبىرىڭ­عاي ەۋروپالىق زەرتتەۋ كەڭىستىگىن قۇرۋ بولىپ تابىلادى. بولون پروتسەسىنىڭ فاكۋلتاتيۆتى پارامەترلەرى: دايىنداۋ باعىتى بوي­ىنشا ءبىلىم مازمۇنىن ۇيلەس­تى­رۋ; تاڭداۋ كۋرستارى، ستۋدەنتتەردى وقى­تۋدىڭ سىزىقتىق ەمەس تراەك­تو­رياسى، مودۋلدىك جۇيە، قاشىقتان وقىتۋ، ەلەكتروندى كۋرستار; وقىتۋ­شىلار مەن ستۋدەنتتەردىڭ اكادە­ميالىق رەيتينگىلەرى. بولون جۇيەسىن قازاقستاندا ەنگىزۋدىڭ ماقساتتارى دەپ تومەندەگى جايلار ايتىلادى: ءبىلىم، وقۋ سا­پا­سىن قامتاماسىز ەتۋ; قازاق­ستاننىڭ جوعارى ءبىلىم جۇيەسىنىڭ باسەكەگە قابىلەتتىلىگىن قامتاماسىز ەتۋ جانە ونىڭ ەۋروپالىق جوعارى ءبىلىم كە­ڭىستىگىنە ينتەگراتسيالاۋ; ستۋدەنت­­تەر­دىڭ اكادەميالىق ۇتقىرلانۋلا­رىنا العىشارت جاساۋ; حالىقارالىق ۇلگىلەرگە سايكەس كەلەتىن جوعارى وقۋ ورىندارى ديپلومدارىنىڭ مويىندالۋى مەن بالامالىلىعى; ۇلتتىق جانە حالىقارالىق دەڭگەي­دەگى ەڭبەك رىنوگىندا وتاندىق ۋنيۆەرسيتەتتەر ديپلومدارىنىڭ مويىندالۋىن قامتاماسىز ەتۋ; قۇزىرەتتىلىكتى قالىپتاستىرۋ; وزدىگىنەن ءبىلىم الۋ دەڭگەيىن ءوسىرۋ مەن ءۇزىلىسسىز وقۋدى قامتاماسىز ەتۋ. سونىمەن، اكادەميالىق ۇتقىر­لىق بولون پروتسەسىنىڭ نەگىزگى ءبىر قۇراۋشىسى بولىپ تابىلادى. اكا­دەميالىق ۇتقىرلىقتىڭ ماڭىزدى ەرەكشەلىگى – ستۋدەنتتەرگە وقۋ ءۇر­دىسى اياقتالعاننان كەيىن باسقا جوو-دا، بازالىق جوو-دا وقىعان پاندەرى ەسەپتەلەدى نەمەسە ولار ءبىر مەزگىلدە ءبىلىمى تۋرالى ەكى قۇجات الۋىنا مۇمكىندىك بەرىلەدى. بولون پروتسەسىندە اكادەميالىق ۇتقىرلىقتىڭ ەكى ءتۇرى اجىراتى­لادى: تىگىنەن جانە كولدەنەڭىنەن. تىك ۇتقىرلىقتى ستۋدەنتتىڭ شەتەل­دىك جوو-دا تولىق ءبىلىم الۋى، كول­دەنەڭدى سوندا تەك بەلگىلى ءبىر شەك­تەلگەن ۋاقىتتا وقۋى (سەمەستر، جىل، بولىنگەن ساعات) دەپ ءتۇسىنۋ كەرەك. تەوريالىق تۇرعىدا ستۋدەنت وقىعىسى كەلەتىن جوو-نى ءوزى تاڭداي الادى. تاجىريبەدە ستۋدەنتتىڭ ۇت­قىر­لىعى ولاردىڭ دەربەستىگىمەن ءجۇ­زەگە اسپايدى، ويتكەنى بارلىق جوو-لار وقۋعا قابىلداۋدى ۇلتتىق زاڭناماعا سايكەس جۇرگىزەدى. ءسىرا، العاشقى كەزدە ۇتقىرلىقتى جوو دەڭ­گەيىندە قامتاماسىز قاجەت بو­لار. سەبەبى جوو ەكى ۋنيۆەرسيتەتتە دە وقىلاتىن پاندەردىڭ ءوزارا موي­ىندالۋى مەن بالامالىلىعى جانە الىنعان اكادەميالىق ناتيجەلەر تۋرالى كەلىسىم-شارت جاساۋعا، ءبى­رىككەن وقۋ باعدارلامالارىن جا­ساۋ­عا قۇقىلى. ستۋدەنتتەردىڭ شەتەل­دەردە وقۋىنا جانە شەتەلدىك جوو-نىڭ ءبىلىم تۋرالى ديپلوم الۋىنا زاڭدى نەگىزى بولىپ جوو-لار ارا­سىن­داعى كەلىسىم-شارت سانالادى. سو­نىمەن اكادەميالىق ۇتقىرلىق­تىڭ ماڭىزدى شارتى جوو-لار­دىڭ حالىقارالىق ىنتىماقتاستىعى بولىپ تابىلادى. وقۋ باعدارلاما­لا­­رىنىڭ، پاندەردىڭ ءوزارا سانالۋى ءتارتىبىنىڭ كەلىسىمى ءبىلىم تراەكتو­ريالارىن ساقتاۋعا، ماماندىقتار شەڭبەرىندە مامانداندىرۋدى قا­لىپتاستىرۋ، رىنوك پەن جۇمىس بەرۋشىلەردىڭ تالاپتارىن ەسكەرۋگە شاقىرادى. شەتەلدەگى جوو-دا وقىتىلاتىن پاندەر ىنتىماقتاستى جاقتاردىڭ مەملەكەتتىك ءبىلىم ستاندارتتارىنىڭ عىلىمي-تەوريالىق دەڭگەيلەرىنە سايكەس كەلۋى كەرەك. بۇل جەردە ءمىن­دەتتى پاندەرمەن بىرگە وسى ۇردىستە جوو-نىڭ بەلسەندى ءرولىن پايىم­داي­تىن ەللەكتيۆتى قۇراۋىشتارعا دا بايلانىستى. م.وتەمىسوۆ اتىنداعى بقمۋ-دە شەتەلدەگى جوو-لاردىڭ جوعارى ءبى­لىك­تى وقىتۋشىلارىن تارتۋ ارقىلى ءبىلىم باعدارلامالارىن بىرىگىپ ءجۇ­زەگە اسىرۋ تاجىريبەسى كەڭ كولەمدە قولدانىلىپ كەلەدى. ءبىلىم باعدارلامالارىن بىرلەسىپ جۇزەگە اسىرۋ بقمۋ-عا سەرىكتەس جوو-لار وقىتۋشىلارىن شاقىرۋ­مەن دە، سونىمەن قاتار سەرىكتەس جوو-عا بقمۋ-دىڭ ستۋدەنتتەرىن جىبەرۋ ارقىلى دا ورىندالادى. ءبىزدىڭ ۋنيۆەرسيتەتتىڭ ستۋدەنت­تەرى جەكەلەگەن ماماندىقتاردىڭ بىرقاتار پاندەرىن وقىپ ۇيرەنىپ، ما­ماندانۋ ءۇشىن گەرمانياعا، پول­شاعا، رە­سەيدىڭ ماسكەۋ، ۋليانوۆ، ساراتوۆ، ۆولگوگراد قالالارىنا بارادى. ماگيسترانتتاردىڭ سىناق ىسىنە دە ۇلكەن ءمان بەرىلەدى، اتاپ ايت­قاندا، 2008 جىلى رەسەيدىڭ مەم­لە­كەتتىك تۋريزم جانە سەرۆيس ۋنيۆەر­سي­تەتى بقمۋ-دىڭ 22 ماگيسترانتىن عىلىمي سىناق ىسىنەن وتۋگە قابىل­دادى. 2009 جىلى ءبىزدىڭ ۋنيۆەرسي­تەتتىڭ 38 ماگيسترانتى ماسكەۋ قالاسىنداعى رەسەيدىڭ حالىقتار دوستىعى ۋنيۆەرسيتەتىندە عىلىمي سىناق ىسىنەن ءوتتى. م.وتەمىسوۆ اتىنداعى باتىس قا­زاقستان مەملەكەتتىك ۋنيۆەرسي­تەتى تۇركيا ۇكىمەتىمەن حالىقارا­لىق الماسۋ باعدارلاماسىن جۇزەگە اسىرىپ كەلەدى. 2005 جىلدان باستاپ بقمۋ-دان تۇركيا وقۋ ورىندا­رىنا ماگيستراتۋراعا وقۋعا 8 ءبىتى­رۋشى تۇلەك، اسپيرانتۋراعا – 1، ال PhD دوكتورانتۋراعا 1 ادام ءجى­بە­رىلدى. ال تۇركيادان ۋنيۆەرسيتەتكە وقۋعا 6 ستۋدەنت الىندى. گازي ۋنيۆەرسيتەتىمەن (ىستام­بۇل، تۇركيا) كەلىسىم-شارت بويىن­شا “تۋريزم”، “شەت ءتىلى: ەكى شەت ءتىلى” ماماندىعىندا وقيتىن بقمۋ ستۋدەنتتەرى تۇركيادا تۋريستىك كە­شەندەر مەكەمەلەرىندە تاجىريبەدەن وتۋگە جىبەرىلەدى. م.وتەمىسوۆ اتىنداعى باتىس قا­زاقستان مەملەكەتتىك ۋنيۆەرسي­تەتىندە باكالاۆريات جانە جوعارى وقۋ ورنىنان كەيىنگى ءبىلىم باعدار­لامالارىن جۇزەگە اسىرۋعا قاتىسۋ ءۇشىن جاقىن جانە الىس شەتەل­دەر­دەن وقىتۋشى-عالىمدار شاقىرى­لا­دى. ولار دوكتور كارل كاينەر (ماينتس قالاسى، گفر); دوكتور گەر­حارد بيكەس (ماينتس قالاسى، گفر); تاريح عىلىمدارىنىڭ دوكتورى، پروفەسسور، راەن كوررەسپوندەنت-مۇشەسى د.ا.كيسيلەۆا (ماسكەۋ قالاسى، رەسەي); ساياساتتانۋ عىلىم­دارىنىڭ دوكتورى، پروفەسسور ا.ك.ما­گومەدوۆ (ۋليانوۆ قالاسى، رەسەي); فيزيكا-ماتەماتيكا عىلىم­دا­رىنىڭ دوكتورى، پروفەسسور ا.ا.چي­­بيلەۆ (ورىنبور قالاسى، رەسەي); تاريح عىلىمدارىنىڭ كان­ديداتى، دوتسەنت گ.ب.گولۋب (سامارا قالاسى، رەسەي) جانە تاعى باسقالار. اكادەميالىق ۇتقىرلىقتى ءجۇ­زە­گە اسىرۋ ماقساتىندا م.وتەمىسوۆ اتىنداعى بقمۋ سەرىكتەس جوو-مەن كەلىسىم-شارتقا قول جەتكىزۋ نەگ­ى­زىن­دە قوس ديپلومدى ءبىلىم باعدارلا­ما­لارىن بەلسەندى تۇردە جەتىلدىرىپ كەلەدى، بۇل بىرلەسكەن قوس ديپلومدى ءبىلىم باعدارلاماسىن جاساۋدى جانە جۇزەگە اسىرۋدى، الىنعان اكادەميا­لىق ناتيجەلەردى جانە ەكى ۋنيۆەر­سيتەتتە وقىلاتىن ماماندىقتاردىڭ بالامالىلىقتارىن، سايكەستىگىن مويىنداۋ جاقتارىن قاراستىرادى. قوس ديپلومدى ءبىلىم بەرۋ ءتو­مەندەگىدەي جولدار ارقىلى جۇزەگە اسىرىلادى. ءبىلىم بەرۋ باعدارلا­مالارىنا سايكەس جانە سەرىكتەس جوعارى وقۋ ورنىنا ستۋدەنتتەردى قابىلداۋ مۇمكىنشىلىگى، سونىمەن قوسا وقىتۋدىڭ ءارتۇرلى فورمالا­رىن پايدالانا وتىرىپ ەكى جوعارى وقۋ ورنىندا ءبىلىم الۋ. مىسالى، ن.گ.چەر­نىشەۆسكي اتىنداعى سا­راتوۆ مەملەكەتتىك ۋنيۆەرسيتەتىمەن قول قويىلعان كەلىسىم-شارتقا ءساي­كەس باكالاۆريات بويىنشا 3 كۋرستى بىتىرگەن جانە تولىق ەمەس جوعارى ءبىلىمى بار م.وتەمىسوۆ اتىن­داعى بقمۋ ستۋدەنتتەرى كەلىسىم-شارت نە­گىزىندە ن.گ.چەرنىشەۆسكي اتىن­داعى ساراتوۆ مەملەكەتتىك ۋنيۆەر­سي­تەتىنە سىرتتاي وقۋ ءتۇرى بويىنشا وقۋعا قابىلدانىپ، ەكى ۋنيۆەر­سي­تەت­تە ءبىر ۋاقىتتا وقۋعا مۇمكىندىك الادى. سونىمەن قاتار، ماماندىق­تار­دىڭ ۇقساستىعى نەگىزىندە م.وتە­مى­سوۆ اتىنداعى بقمۋ-دىڭ “بيو­لو­گيا”، “گەوگرافيا”، “تاريح”، “حا­لىق­ارالىق قاتىناستار”، “ماتە­ما­تيكا”، “الەۋمەتتانۋ”، “فيزيكا”، “ايماق­تانۋ”، “حيميا”، “زاڭتانۋ” ما­مان­دىقتارىنداعى باكالاۆر-ءتۇ­لەك­تەردى ن.گ.چەرنىشەۆسكي اتىن­دا­عى سارا­توۆ مەملەكەتتىك ۋنيۆەر­سي­تەتىنە كە­لىسىم-شارت بويىنشا ما­گيستراتۋراعا قابىلداۋ قاراستى­رىلعان. م.وتەمىسوۆ اتىنداعى باتىس قا­زاقستان مەملەكەتتىك ۋنيۆەرسي­تەتى قوس ديپلومدى ءبىلىم بەرۋدە ءبىر­لەسكەن باعدارلامالاردى كەلەسىدەي مودەلدەر بويىنشا جۇزەگە اسىرىپ كەلەدى: ەكى سەرىكتەس جوعارى وقۋ ور­نىن­دا ءبىر ماماندىق بويىنشا ءبى­لىم الىپ ەكى جوعارى وقۋ ورنىنىڭ تەڭ دارەجەلى ديپلومىن الۋ; سەرىك­تەس جوعارى وقۋ ورىندارىندا ءبىر-بىرىنە جاقىن ماماندىق بويىنشا ءبىلىم الىپ ەكى جوعارى وقۋ ورنى­نىڭ تەڭ دارەجەلى ديپلومىن الۋ; بقمۋ-دا ءبىر ماماندىق بويىنشا ءبىلىم الا وتىرىپ سەرىكتەس جوعارى وقۋ ورنىندا قوسىمشا بىلىكتىلىگىن ارتىرۋ نەگىزىندە بقمۋ-دىڭ نەگىزگى ديپلومى مەن سەرىكتەس جوعارى وقۋ ورنىنىڭ قوسىمشا بىلىكتىلىگىنىڭ ديپلومىن الۋ. “مەنەدجمەنت” ماماندىعى بوي­ىنشا ماگيسترلەردى بىرلەسە دايىن­داۋ ماقساتىندا رحدۋ-مەن (رەسەي حالىقتار دوستاستىعى ۋنيۆەرسي­تەتى) كەلىسىم-شارتقا قول قويىلدى. جانە دە وقۋ جوسپارىنداعى 24 ءپان­نىڭ ءىش­ىن­دە 7-ەۋى بقمۋ-داعى باعدارلا­ما­عا قاتىسۋشىلار وقيتىن ماگيس­ترا­­­تۋرانىڭ “ەكونوميكا” مامان­دى­عى­نىڭ وقۋ جوسپارىمەن ءوزارا سايكەس كەلەدى دەپ ەسەپتەلىپ وتىر. وقۋ­­دى اياقتاعاننان كەيىن باعدار­لا­ماعا قاتىسۋشىلار “ەكو­نوميكا” مامان­دى­عىنىڭ بقمۋ ماگيسترى جانە “مە­نەدجمەنت” ماماندىعى بويىن­شا رحدۋ ماگيس­ترى دەگەن اكادەميا­لىق دارەجەسى بار ديپلومعا يە بولادى. ەكونوميكالىق ماماندىقتار بويىنشا باكالاۆرياتتا ءبىلىم الۋ­شىلارعا ارنالعان رحدۋ-مەن “مۇناي-گاز بيزنەسىنىڭ مەنەدجەرى” قوسىمشا بىلىكتىلىگىن الۋ ءۇشىن بىرلەسكەن ءبىلىم باعدارلاماسى قۇ­راس­تىرىلدى. وقۋدى اياقتاعاننان كەي­ىن تۇلەكتەر بقمۋ باكالاۆ­رى­نىڭ ديپلومىن جانە رحدۋ-نىڭ قوسىمشا بىلىكتىلىك ديپلومىنا يە بولادى. وقۋ رحدۋ-دىڭ پروفەس­سور-وقىتۋشىلار قۇرامىنىڭ كو­مەگىمەن م.وتەمىسوۆ اتىنداعى با­تىس قازاقستان مەملەكەتتىك ۋنيۆ­ەر­سيتەتىنىڭ نەگىزىندە جۇرگىزىلەدى. بقمۋ-دىڭ ءبىلىم بەرۋ باعدار­لا­مالارىنا سايكەس ۋنيۆەرسيتەت ستۋ­دەنتتەردى سەرىكتەس جوعارى وقۋ ور­نىنىڭ ديپلومىن جانە قوسىمشا بىلىكتىلىك الۋ ماقساتىندا سول وقۋ ورندارعا دا وقۋعا جىبەرىپ وتىرادى. حالىقارالىق تۋريزم جانە مادە­نيەت ينستيتۋتىندا (بىدگوشش قالا­سى، پولشا) بقمۋ-دىڭ ءبىر توپ ستۋدەنتتەرى “تۋريزم” مامان­دى­عى بويىنشا ءبىلىم الۋدا. ستۋ­دەنت ءوز ەركىمەن 1 كۋرس قانا وقىپ، “تۋرين­فورماتور” قوسىمشا بىلىك­تى­لىك ديپ­لومىن الا الادى نەمەسە بارلىق كۋرستى اياقتاپ، جوعارى ءبىلىمى بار ء“تۋريزمدى ۇيىمداستىرۋ مامانى” ديپلومىنا يە بولا الادى. سونىمەن قوسا، ستۋدەنتتەردىڭ اكادەميالىق بەلسەندىلىكتەرىنىڭ وسى ۋاقىتقا دەيىن كەڭ اۋقىمدى دامىماعانىن اتاپ وتكەن ءجون. بۇعان تومەندەگىدەي فاكتورلاردىڭ اسەرىن اتاپ كەتۇگە بولادى. بىرىنشىدەن، اكادەميالىق بەل­سەن­دىلىكتىڭ قازىرگى تاڭدا كوبىنە ستۋ­دەنتتەردىڭ باسىم بولىگى نەگىزىنەن قازاقستاننان شەتەلدەرگە شىعۋ ار­قىلى جۇزەگە اسۋدا. ال، كەرىسىنشە، شەتەلدەردەن قازاقستانعا كەلىپ جات­قان ستۋدەنتتەردىڭ سانى ازىرگە از. ەكىنشىدەن، باكالاۆرياتقا قارا­عاندا ماگيستراتۋراعا قىزىعۋشى­لىقتىڭ كوپ ەكەندىگىن اتاپ وتكەن ءجون. ۇشىنشىدەن، قازاقستاندىق ستۋ­دەنتتەردىڭ شەتەلدەردىڭ تىلدەرىن مەڭ­گەرۋىنىڭ ءالى دە ناشار بولۋى ءبىر­دەن-ءبىر ۇلكەن كەدەرگى بولىپ تا­بى­لادى. الايدا ستۋدەنتتەردىڭ قا­زاق-ورىس تىلدەرىن جەتىك مەڭگەرۋى رەسەي وقۋ ورىندارىمەن تىعىز ىن­تى­ماق­تاس­تىقتا بولۋعا زور سەپتىگىن تيگىزۋدە. تورتىنشىدەن، ستۋدەنتتەردىڭ اكا­دەميالىق بەلسەندىلىكتەرى حالىق­ارا­لىق دەڭگەيدە تەگىن جۇزەگە اس­پايتىندىعى دا انىق. شەتەلدە ءبى­لىم الىپ جاتقان ستۋدەنتكە ءوزىنىڭ تا­ماقتانۋىنا، جول شىعىنىنا، تۇر­عىلىقتى ورنىنا كولەمدى قارا­جات قاجەت ەكەنى انىق. بۇل ءوز كەزە­گىندە قارجىلىق ماسەلەنىڭ تۋ­ىن­داۋىنا اكەلىپ سوقتىرادى. دەمەك، اكادەميالىق بەلسەن­دى­لىك تۇجىرىمداماسىن ناقتى انىق­تاۋ قاجەت. سونىڭ ىشىندە، نورما­تيۆتىك قۇقىقتىق بازا قۇراستىرىپ، بولوندىق جۇيەنىڭ قاتىسۋشى ەلدە­رىمەن جانە قازاقستاننىڭ ءبىلىم بەرۋ سالاسىندا قارىم-قاتىناس جاسايتىن ەلدەرىمەن كەلىسە وتىرىپ، تالقىلاۋ كەرەك. وسىعان وراي ۋني­ۆەرسيتەتتە ۇتقىرلىق ءۇردىسىن جۇزەگە اسىراتىن ۇيىمداستىرۋشىلاردى دايىنداۋ جانە ولاردىڭ قىزمەتىن رەسپۋبليكا دەڭگەيىندە قاراستىرۋ، قابىلداۋ شارتتارىمەن، اكادەميا­لىق كۇنتىزبە قۇرۋمەن اينالىساتىن توپتاردى قۇرۋ، شەتەلدەردىڭ جوعارى وقۋ ورىندارىنان الىنعان بىلىك­تىلىكتى مويىنداۋ جانە شەتەلدىك جوو ديپلومدارىن نوستريفيكا­تسيالاۋ جۇيەسىن ءارى قاراي جەتىلدىرۋ; ستۋدەنتتەردىڭ تىلدىك دايىندىق­تا­رىن تۇبەگەيلى جاقسارتۋ; جازعى ۋني­ۆەرسيتەتتەر اشۋ، قاشىقتان وقىتۋ جۇيەسىن دامىتۋ، قازاقستاندىق جو­عارى وقۋ ورىندارىنىڭ بازاسىندا شەتەل جوعارى وقۋ ورىندارىنىڭ ديپلومىن الۋ مۇمكىندىگىن كەڭەيتۋ، شەتەل جوعارى وقۋ ورىندارىنىڭ وقىتۋشىلارىن شاقىرتۋ ارقىلى اكادەميالىق ۇتقىرلىقتى جۇزەگە اسىرۋدى تۇرلەندىرۋ قاجەت. اكادەميالىق ۇتقىرلىقتىڭ جۇزەگە اسۋ قاعيداسىنىڭ ءتۇر-سيپاتى ءارتۇرلى بولۋى مۇمكىن، بۇل ءوز كەزە­گىندە اتالعان ۇردىسكە كەدەرگى تۋدىرمايدى، كەرىسىنشە ونىڭ وڭ جاقتارى دا بار. قازىرگى تاڭدا ءار ەلدىڭ ءبىلىم بەرۋ جۇيەسىندە ماڭىز­دى وزگەشەلىكتەردىڭ بولۋىنا باي­لانىستى ستۋدەنتتەردىڭ اكادەميا­لىق بەلسەندىلىگىن جۇزەگە اسىرۋ كوبىنە جوعارى وقۋ ورىندارى ار­قىلى جۇرگىزۋگە بولادى. نەگىزگى ماسەلە، جوعارىدا اتالىپ وتكەندەي، ءموبيلدى باعدارلامالار بازاسىنىڭ جوقتىعى، ءار ەلدەردە ءبىلىم بەرۋ جۇيەسىنىڭ نورماتيۆتىك-قۇقىقتىق بازاسىنىڭ الۋاندىلىعى جانە قار­جىلىق مۇمكىنشىلىكتىڭ شەكتەۋلىلىگى بولىپ تابىلادى. الايدا، بۇل ءۇردىس كەڭەيتىلىپ، ءارى قاراي دامۋى قاجەت، ويتكەنى وتاندىق ءبىلىم بەرۋ جۇيەسى بۇگىنگى تاڭدا حالىقارالىق تالاپ­تار­عا ساي ساپالى جەتىلۋگە باعىت­تال­عان. ەڭ باستىسى، بۇل كولەمدى ءۇردىس، ءبىرىنشى كەزەكتە، ءبىلىم الۋشىلار مەن جۇمىس بەرۋشىلەردىڭ مۇدەلە­رىنە باعىتتالعان. تۇياقباي رىسبەكوۆ، م.وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ رەكتورى، تاريح عىلىمدارىنىڭ دوكتورى، پروفەسسور. ورال.
سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار