2010 جىلعى 12 شىلدە استانا قالاسى
Cوت-مەديتسينالىق, سوت-پسيحياتريالىق جانە سوت-ناركولوگيالىق ساراپشىلاردى اتتەستاتتاۋ جونىندەگى ەرەجەنى بەكىتۋ تۋرالى
“قازاقستان رەسپۋبليكاسىنداعى سوت-ساراپتاما قىزمەتى تۋرالى” قازاقستان رەسپۋبليكاسىنىڭ 2010 جىلعى 20 قاڭتارداعى زاڭىنىڭ 14-بابىنا سايكەس, سوت-ساراپتاما قىزمەتىن جەتىلدىرۋ ماقساتىندا, بۇيىرامىن:
1. قوسا بەرىلىپ وتىرعان سوت-مەديتسينالىق, سوت-پسيحياتريالىق جانە سوت-ناركولوگيالىق ساراپشىلاردى اتتەستاتتاۋ جونىندەگى ەرەجە بەكىتىلسىن.
2. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەديتسينالىق جانە فارماتسەۆتيكالىق قىزمەتتى باقىلاۋ كوميتەتى (ايدارحانوۆ ا.ت.) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى قامتاماسىز ەتسىن.
3. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ اكىمشىلىك-قۇقىقتىق جۇمىس دەپارتامەنتى (ف.ب. بيسميلدين) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ونىڭ رەسمي جاريالانۋىن قامتاماسىز ەتسىن.
4. “سوت-مەديتسينالىق, سوت-پسيحياتريالىق جانە سوت-ناركولوگيالىق ساراپشىلاردى اتتەستاتتاۋدى وتكىزۋ جونىندەگى نۇسقاۋلىقتى بەكىتۋ تۋرالى” قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2007 جىلعى 31 قاڭتارداعى № 64 بۇيرىعىنىڭ (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ مەملەكەتتىك تىركەۋ تىزىلىمىندە № 4558 تىركەلگەن, نورماتيۆتىك قۇقىقتىق اكتىلەرى بيۋللەتەنىندە جاريالانعان (2007 جىل, ناۋرىز, № 3, 240 - قۇجات) كۇشى جويىلدى دەپ تانىلسىن.
5. وسى بۇيرىقتىڭ ورىندالۋىن ءوزىم باقىلايمىن.
6. وسى بۇيرىق العاش رەسمي جاريالانعان كۇنىنەن ون كۇن وتكەن سوڭ قولدانىسقا ەنگىزىلەدى.
مينيستر ج.دوسقاليەۆ.
* * *
قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2010 جىلعى 12 شىلدەدەگى № 509 بۇيرىعىمەن بەكىتىلگەن Cوت-مەديتسينالىق, سوت-پسيحياتريالىق جانە سوت-ناركولوگيالىق ساراپشىلاردى اتتەستاتتاۋ جونىندەگى ەرەجەسى 1. جالپى ەرەجەلەر 1. وسى سوت-مەديتسينالىق, سوت-پسيحياتريالىق جانە سوت-ناركولوگيالىق ساراپشىلاردى (بۇدان ءارى – سوت ساراپشىلارى) اتتەستاتتاۋ جونىندەگى ەرەجە “قازاقستان رەسپۋبليكاسىنداعى سوت-ساراپتاما قىزمەتى تۋرالى” قازاقستان رەسپۋبليكاسى زاڭىنىڭ (بۇدان ءارى – سوت ساراپشىلارى) 14 - بابىن ناقتىلاۋ ماقساتىندا قابىلداندى جانە سوت-مەديتسينالىق, سوت-پسيحياتريالىق جانە سوت-ناركولوگيالىق ساراپشىلاردى اتتەستاتتاۋ ءراسىمىن رەگلامەنتتەيدى. 2. وسى ەرەجەدە مىناداي ۇعىمدار پايدالانىلادى: ۋاكىلەتتى ورگان – قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەديتسينالىق جانە فارماتسەۆتيكالىق قىزمەتتى باقىلاۋ كوميتەتى; سوت ساراپتاماسى ورگاندارى: 1) قازاقستان رەسپۋبليكاسى دەنساۋلىق ساقتاۋ مينيسترلىگىنىڭ سوت مەديتسيناسى ورتالىعى جانە ونىڭ اۋماقتىق بولىمشەلەرى; 2) قازاقستان رەسپۋبليكاسىنىڭ دەنساۋلىق ساقتاۋ سالاسىنداعى ۋاكىلەتتى ورگانىنىڭ سوت ساراپتاماسى ورگاندارىن, ونىڭ ىشىندە وزدەرىنىڭ فۋنكتسيالارىنا سوت-پسيحياتريالىق, سوت-ناركولوگيالىق ساراپتامالاردى جۇرگىزۋ جاتقىزىلعان دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارىنىڭ مامانداندىرىلعان پسيحياتريالىق جانە ناركولوگيالىق ۇيىمدارىن قامتيتىن سوت ساراپتاماسىنىڭ مەملەكەتتىك ۇيىمدارىنىڭ جۇيەسى جۇزەگە اسىرادى; اپەللياتسيالىق كوميسسيا – سوت ساراپشىلاردى اتتەستاتتاۋ كەزىندەگى تۋىنداعان تالاستاردى قاراۋ ماقساتىندا ۋاكىلەتتى ورگان قۇرعان كوميسسيا. سوت ساراپشىلاردى اتتەستاتتاۋ – سوت ساراپشىلارىنىڭ كاسىبي دەڭگەيىن, اتتەستاتتالۋشى تۇلعانىڭ اتقاراتىن لاۋازىمىنا سايكەستىگىن انىقتايتىن جانە سوت ساراپتامانى ءوندىرۋ قۇقىعىن بەرەتىن بىلىكتىلىك كۋالىگىن راستاۋ ءۇشىن مەرزىمدىك جۇزەگە اسىرىلاتىن ءراسىم. 3. اتتەستاتتاۋ كۋالىگى سوت-مەديتسينالىق, سوت-پسيحياتريالىق جانە سوت-ناركولوگيالىق ساراپتامانىڭ بەلگىلى ءبىر ءتۇرىن وندىرۋگە, اتتەستاتتالۋشى تۇلعانىڭ اتقاراتىن لاۋازىمىنا سايكەستىگىنە بىلىكتىلىك كۋالىكتىڭ زاڭدى كۇشىن راستايتىن قۇجات بولىپ تابىلادى. 4. اتتەستاتتاۋ كۋالىگىنىڭ سوت-مەديتسينالىق, سوت-پسيحياتريالىق جانە سوت-ناركولوگيالىق ساراپتامانىڭ بەلگىلى ءبىر ءتۇرىن وندىرۋگە قۇقىعىنا بىلىكتىلىك كۋالىگىنىڭ بولماۋى جانە ودان ايىرۋ كەزىندە, سونداي-اق ونى توقتاتا تۇرۋ جاعدايلارىندا زاڭدى كۇشى بولمايدى. 5. اتتەستاتتاۋدى سوت ساراپتاماسىن ءوندىرۋ قۇقىعىنا بىلىكتىلىك كۋالىگىن العاننان كەيىن ۋاكىلەتتىك ورگان قۇرعان جانە قۇرامىن ونىڭ ءبىرىنشى باسشىسى بەكىتەتىن اتتەستاتتاۋ كوميسسياسى بەس جىلدا ءبىر رەت جۇرگىزەدى. 6. اتتەستاتتاۋعا ساراپتامانىڭ بەلگىلى ءبىر ءتۇرىن ءوندىرۋ قۇقىعىنا بىلىكتىلىك قۇقىعى بار سوت-مەديتسينالىق, سوت-پسيحياتريالىق جانە سوت-ناركولوگيالىق ساراپشىلار جاتقىزىلادى. 2. اتتەستاتتاۋ ماتەريالدارىن قاراۋ ءراسىمى 7. سوت ساراپتاماسى ورگاندارى ۋاكىلەتتى ورگاننىڭ اۋماقتىق بولىمشەلەرىنە (بۇدان ءارى – اۋماقتىق دەپارتامەنتتەرىنە) مىنا قۇجاتتاردى تاپسىرادى: 1) مەملەكەتتىك ورگاننىڭ ءبىرىنشى باسشىسى بەلگىلەگەن مەرزىمدە اتتەستاتتاۋعا جاتقىزىلاتىن تۇلعالاردىڭ ءتىزىمى; 2) اتتەستاتتاۋعا جاتقىزىلاتىن سوت ساراپشىسىنا ۇسىنۋ; 3) جۇمىس ورنى بويىنشا كۋالاندىرىلعان كادرلاردى ەسەپكە الۋ جونىندەگى جەكە قاعاز; 4) جوعارى كاسىبي ءبىلىم تۋرالى نوتاريالدىق راستالعان ديپلومنىڭ كوشىرمەسى (عىلىمي دارەجەسى جانە عىلىمي اتاعى بار بولسا - نوتاريالدىق راستالعان ديپلومنىڭ كوشىرمەسى); 5) سوت-مەديتسينالىق, سوت-پسيحياتريالىق جانە سوت-ناركولوگيالىق ساراپتامانىڭ بەلگىلى ءبىر ءتۇرىن ءوندىرۋ قۇقىعىنا بىلىكتىلىك تاعايىنداۋ تۋرالى نوتاريالدىق راستالعان كوشىرمەسى; 6) ساراپشىنىڭ سوڭعى بەس جىلداعى قورىتىندىسىنا رەتسەنزيا; 7) سوڭعى بەس جىلداعى ماداقتاۋ جانە تارتىپتىك جازالار (بار بولسا) تۋرالى بۇيرىقتاردىڭ كوشىرمەلەرى; 8) بىلىكتىلىكتى, ماماندىقتى ارتتىرۋ كۋرستارىنان ءوتۋ تۋرالى سوت ساراپتاماسى ورگانىنىڭ باسشىسى راستاعان قۇجاتتاردىڭ كوشىرمەلەرى; 9) پسيحونەۆرولوگيالىق جانە ناركولوگيالىق ديسپانسەرلەردەن الىنعان انىقتاما; 8. اۋماقتىق دەپارتامەنتتەر سوت ساراپشىلارىنىڭ اتتەستاتتاۋ ماتەريالدارىن زەردەلەپ جانە تالداپ, ولاردى ۋاكىلەتتى ورگاننىڭ اتتەستاتتاۋ كوميسسياسىنا ونىڭ ءماجىلىسى باستالعانعا دەيىن 10 جۇمىس كۇنىنەن كەشىكتىرمەي جىبەرەدى. 3. اتتەستاتتاۋدى جۇرگىزۋ 9. اتتەستاتتاۋ 2 كەزەڭنەن تۇرادى: 1) تەستىلەۋ; 2) اڭگىمەلەسۋ. 10. قۇجاتتاردى قابىلداۋدى, سونداي-اق مامانداردى تەستىلەۋدى ۇمىتكەردىڭ نەگىزگى جۇمىس ورنى بويىنشا اۋماقتىق بولىمشەلەر جۇزەگە اسىرادى. 11. تەستىلەۋ اۆتوماتتاندىرىلعان كومپيۋتەرلىك تاسىلمەن ۇمىتكەردىڭ تاڭداۋى بويىنشا مەملەكەتتىك نەمەسە ورىس تىلدەرىندە جۇرگىزىلەدى. ناتيجەلەر ەكى دانادا باسىلادى, ونىڭ بىرەۋى ۇمىتكەرگە, ەكىنشىسى ۇمىتكەردىڭ قولى قويىلىپ, ءتيىستى مەملەكەتتىك ورگاندا ساقتالادى. ماماندىق بويىنشا تەست سۇراقتارىنىڭ سانى – 50. تەستىلەۋگە بەرىلەتىن جالپى ۋاقىت – 60 مينۋت. تەستىلەۋدەن ءوتۋ ءۇشىن شەكتى دەڭگەي 70 % دۇرىس جاۋاپتى قۇرايدى. 12. ەگەر تەستىلەۋ ناتيجەلەرى بەلگىلەنگەن شەكتى دەڭگەيدەن تومەن بولسا, ۇمىتكەر اتتەستاتتاۋدىڭ كەلەسى كەزەڭىنە جىبەرىلمەيدى. 13. اڭگىمەلەسۋدى جۇرگىزۋ ءۇشىن ۋاكىلەتتى ورگان مەديتسينالىق عىلىم جانە ءبىلىم, پراكتيكالىق دەنساۋلىق ساقتاۋ ۇيىمدارى, سوت ساراپتاماسى ورگاندارى جانە ۇكىمەتتىك ەمەس ۇيىمداردىڭ, ۋاكىلەتتى ورگان وكىلدەرى اراسىنان بىلىكتىلىك كوميسسياسىن (بۇدان ءارى - كوميسسيا) قۇرادى. 14. كوميسسيانىڭ ءماجىلىسى ۋاكىلەتتى ورگاننىڭ ءبىرىنشى باسشىسى بەلگىلەگەن مەرزىمدە, بىراق جىلىنا كەمىندە ەكى رەت جۇرگىزىلەدى. كوميسسيا قۇرامى كوميسسيا مۇشەلەرى جانە حاتشىدان تۇرادى. بىلىكتىلىك كوميسسياسى مۇشەلەرىنىڭ اراسىنان توراعا بولىپ ۋاكىلەتتى ورگاننىڭ وكىلى تاعايىندالادى. كوميسسيا مۇشەلەرىنىڭ سانى جەتى ادامنان كەم بولمايدى. 15. اڭگىمەلەسۋ ۇدەرىسىندە سوت ساراپشىسىنىڭ كاسىبي دەڭگەيى باعالانادى. 16. اتتەستاتتاۋ كوميسسياسىنىڭ شەشىمى كوميسسيا مۇشەلەرىنىڭ جالپى سانىنىڭ كەمىندە 2/3 قاتىسقاندا زاڭدى دەپ سانالادى. داۋىس بەرۋ ناتيجەلەرى ماجىلىسكە قاتىسقان كوميسسيا مۇشەلەرىنىڭ كوپشىلىك داۋسىمەن انىقتالادى. داۋىستار تەڭ بولعان جاعدايدا كوميسسيا توراعاسى داۋىس بەرگەن شەشىم قابىلدانادى. 17. اتتەستاتتاۋ ناتيجەلەرى بويىنشا اتتەستاتتاۋ كوميسسياسى مىنا شەشىمدەردىڭ ءبىرىن شىعارادى: 1) اتتەستاتتالدى; 2) اتتەستاتتالمادى. 18. اتتەستاتتاۋ ناتيجەلەرى وسى ەرەجەگە 1 – قوسىمشاعا سايكەس حاتتاما تۇرىندە راسىمدەلەدى. 19. اتتەستاتتاۋ كوميسسياسى اتتەستاتتاۋ كۋالىگىن بەرۋدەن باس تارتۋى جاعدايىندا ءماجىلىس حاتتاماسىندا باس تارتۋ دالەلەردى كورسەتەدى. 20. اتتەستاتتاۋ كۋالىگىن بەرۋ نەمەسە بەرۋدەن باس تارتۋ تۋرالى شەشىم اتتەستاتتاۋ كوميسسياسىنىڭ شەشىمى نەگىزىندە ۋاكىلەتتى ورگان باسشىسىنىڭ بۇيرىعى تۇرىندە راسىمدەلەدى. 21. اتتەستاتتاۋ كۋالىگى وسى ەرەجەگە 2 – قوسىمشاعا سايكەس نىسان بويىنشا اتتەستاتتاۋ ءماجىلىسىنىڭ وتكىزىلگەن كۇنىنەن باستاپ ءبىر اي ىشىندە 5 جىلعا بەرىلەدى. 4. قورىتىندى ەرەجە 22. اتتەستاتتاۋ جۇرگىزۋ كەزىندە تۋىنداعان تالاستاردى دەنساۋلىق ساقتاۋ سالاسىنداعى ۋاكىلەتتى ورگاننىڭ اپەللياتسيالىق كوميسسياسى قارايدى نەمەسە سوت تارتىبىمەن قارالادى. 23. اپەللياتسيالىق كوميسسيانىڭ تەرىس قورىتىندىسى ماماندىعى بويىنشا كەمىندە 108 ساعات بىلىكتىلىكتى ارتتىرۋ كۋرسىنان وتكەن ۇمىتكەردىڭ تەك التى اي وتكەن سوڭ اتتەستاتتاۋدان قايتا ءوتۋى ءۇشىن نەگىز بولىپ تابىلادى.* * *
سوت-مەديتسينالىق, سوت-پسيحياتريالىق جانە سوت-ناركولوگيالىق ساراپشىلاردى اتتەستاتتاۋ بويىنشا ەرەجەسىنىڭ 1 – قوسىمشا اتتەستاتتاۋ كوميسسياسى ءماجىلىسىنىڭ 20__جىلعى “____” _________ № ____ حاتتاماسى 1. تەگى, اتى, اكەسىنىڭ اتى ____________________________________________________________ 2. لاۋازىمى _____________________________________________ ____________________________________________________________ 3. اتتەستاتتاۋ كوميسسياسى مۇشەلەرىنىڭ “قوسىلامىن” ______, “قارسىمىن” _____ داۋىس بەرۋ ناتيجەلەرى. 4. اتتەستاتتاۋ كوميسسياسىنىڭ شەشىمى ____________________________________________________________ ____________________________________________________________ ____________________________________________________________ قولدارى: كوميسسيانىڭ توراعاسى: _________________________ كوميسسيانىڭ مۇشەلەرى: _________________________ ______________________________________________ ______________________________________________ ______________________________________________ ______________________________________________ ______________________________________________ كوميسسيانىڭ حاتشىسى: _________________________ * * * سوت-مەديتسينالىق, سوت-پسيحياتريالىق جانە سوت-ناركولوگيالىق ساراپشىلاردى اتتەستاتتاۋ بويىنشا ەرەجەسىنىڭ 2 – قوسىمشا اتتەستاتتاۋ كۋالىگى وسى اتتەستاتتاۋ كۋالىگى____________________________________________ (تەگى, اتى, اكەسىنىڭ اتى) ___________________ ماماندىعى بويىنشا سوت ساراپشىلىق اتتەستاتتاۋدان وتكەنى تۋرالى بەرىلدى. شەشىمدى شىعارعان ءتيستى ورگان باسشىسىنىڭ 20__جىلعى “____”_________№ _____بۇيرىعى تىركەۋ № ______ بەرىلگەن كۇنى: 20__جىلعى “____”_________ كۋالىك 20__جىلعى “____”_________دەيىن جارامدى ونى بەرۋ تۋرالى شەشىم شىعارعان مەملەكەتتىك ورگان باسشىسىنىڭ قولى ____________________________________________________________ م.و. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2010 جىلعى 13 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 6391 بولىپ ەنگىزىلدى.
