جارىستار كۇندەلىگى

ميني-فۋتبول. سەربيادا وتكەن الەمنىڭ ستۋدەنتتەر اراسىنداعى ءXىى چەمپيوناتىندا نەگىزىن قا­راعاندىنىڭ “تۇلپار” كومانداسى قۇرايتىن قازاقستان قۇراماسى 6-ورىنعا تابان تىرەدى. قازاقستاندىق ستۋدەنتتەرى ءوز توبىندا قىتاي, برا­زيليا جانە سلوۆاكيا كومان­دا­لارىن تيىسىنشە 7:1, 3:2, 7:0 ەسەپ­تەرىمەن ۇتىپ شىقتى. ال شي­رەك فينالدا الاڭ يەلەرى – سەرب­تەردەن 4:5 ەسەبىمەن جەڭىلۋگە ءماج­بۇر بولدى. سودان كەيىن پولياك­تار­مەن 5-6 ورىندار ءۇشىن بولعان شايقاستى اۋەلى 2:2 ەسەبىمەن تەڭ اياقتاپ, ەكىنشى رەت وتكىزىلگەن كەز­دەسۋدە 2:3 بولىپ جەڭىلىپ قالدى. ال قورىتىن­دى ناتيجەدە رەسەيلىك­تەرمەن بول­عان فينالدىق ايقاستا 3:2 ەسەبىمەن الدا بولعان برازيليا قۇراماسى ءبىرىنشى ورىنعا شىقتى. ءۇشىنشى ورىن – سەربيا, ءتورتىنشى ورىن ۋكراينا قۇرامالارىنا بۇيىردى. حوككەي. وسكەمەندە وتكەن قا­زاقستان كۋبوگى ءۇشىن جارىستا رۋد­نىيدىڭ “گورنياك” كوماندا­سى­نىڭ باعى جاندى. كەندى قالانىڭ حوك­كەيشىلەرى فينالدا قاراعان­دى­نىڭ “سارىارقاسىنان” 3:0 ەسە­بى­مەن باسىم ءتۇستى. ءۇشىنشى ورىنعا اتى­راۋدىڭ “بەيبارىس” كومان­دا­سىن 5:2 ەسەبىمەن ۇتقان وسكە­مەن­نىڭ “كاز­تسينك-تورپەدوسى” ورنالاستى. ۆولەيبول. الماتىدا ايەلدەر كوماندالارى اراسىندا ەلىمىزدىڭ كۋ­بوگى ءۇشىن سايىس ءوتىپ جاتىر. وسى كەزگە دەيىن ءۇش تۋردىڭ ويىن­دارى وينالدى. ونىڭ قورى­تىن­دى­سى بويىنشا “قاراعاندى”, “شى­عىسسۆينەتسستروي”, “مەتاللۋرگ”, “استانا-2”, “گراتسيا KZ”, “تسسكا-الماتى” كوماندالارى شيرەك فينالعا شىعىپ, جارتىلاي فينالدىڭ 4 جولداماسى ءۇشىن كۇرەسەتىن بولدى. جەڭىل اتلەتيكا. قازاقستان­دىق ولگا رىپاكوۆا بەلگيانىڭ بريۋسسەل قالاسىندا ءوتىپ جاتقان جەڭىلاتلەتيكالىق “بريلليانت ليگانىڭ” سوڭعى كەزەڭىندە ءۇش سە­كى­رىستىڭ جالپى قورىتىندىسى بوي­ىنشا ەكىنشى ورىندى جەڭىپ الدى. ليگا چەمپيونى اتاعىنا كۋبالىق يارحەليس ساۆينە قول جەتكىزدى. ونىڭ كەزەڭدەردە جيناعان ۇپايى ءبىزدىڭ ولگامەن بىردەي شىقتى (22). الايدا, كەزەڭدەردەگى باس ءجۇل­دەسىنىڭ سانى (4) جاعىنان باسىم­دىق تانىتىپ, ءبىرىنشى ورىنعا لايىقتى دەپ تابىلدى. وليمپيادا. سينگاپۋردە مارەگە جەتكەن جاسوسپىرىمدەر اراسىنداعى ءبىرىنشى وليمپيالىق ويىنداردىڭ قورىتىندىسىندا قازاقستان جاس تۇلەكتەرى كوماندالىق 24-ءشى ورىن­عا يە بولدى. ءبىرىنشى ورىن 24 ال­تىن مەدال العان قىتاي كوماندا­سى­نىڭ ەنشىسىندە كەتسە, 18 ءبىرىنشى ورنى بار رەسەي قۇراماسى ەكىنشى بولدى. ءۇشىنشى ورىنعا 11 باس ءجۇل­دەمەن وڭتۇستىك كورەيا سپورت­شى­لارى ورنالاستى. “ەگەمەن-اقپارات”.