نەمىس دەلەگاتسياسى ورالدا بولدى

جاقىندا گەرمانيا فەدەرا­­تيۆ­تىك رەسپۋبلي­كاسىنىڭ دەلەگاتسياسى ارنايى جۇمىس ساپارىمەن باتىس قازاقستان وڭىرىندە بولدى. دەلە­گاتسيا ماقساتى – ەكى ەلدىڭ ساۋدا-ەكونوميكالىق بايلانىسىن ودان ءارى ورىستەتۋ. مەيمانداردى گەر­ما­نيانىڭ الماتىداعى باس كونسۋلى گەرولد امەلۋنگ باستاپ كەلدى. باس كونسۋلدى وبلىس اكىمى باقتىقوجا ىزمۇحامبەتوۆ ارنايى قابىلدادى. كەزدەسۋدە باتىس قازاقستان وب­لىسى مەن گەرمانيا اراسىنداعى قارىم-قاتىناستىڭ قالىپتى دامىپ كەلە جاتقانى ايتىلدى. ماسەلەن, 2009 جىلى ءوڭىر مەن گەرمانيا اراسىنداعى ساۋدا اينالىمى 47,2 ملن. اقش دوللارىن قۇراسا, بي­ىلعى جىلدىڭ التى ايى ىشىندە بۇل كورسەتكىش 41,9 ملن. اقش دوللا­رىنا جەتتى. وڭىردە گەرمانيا كا­پي­تالىنىڭ قاتىسۋىمەن “باتىس قا­زاقستان قۋات سەرۆيس”, “جايىك­لەي­پتسيگەنەرگو”, “ورال-ULM” جشس سياقتى بىرنەشە كومپانيا جۇمىس ىستەيدى. سونداي-اق “سۆ پليۋس”, “نۇر­جانار”, “اگروتراست”, “اق قاي­نار” سياقتى ونداعان كاسىپ­ورىن گەر­مان قوندىرعىلارىمەن جۇمىس جا­ساپ, ءونىم كولەمىن ارتتىرۋعا, سا­پاسىن كوتەرۋگە قول جەتكىزىپ وتىر. ساپار بارىسىندا گەرمانيانىڭ الماتىداعى باس كونسۋلدىعى ورال­داعى قالالىق كورمە زالىندا “قا­زىر­گى گەرمانيا” جانە “جاڭعىر­تى­لاتىن قۋات – گەرمانيادا جاسال­عان” تاقىرىبىنداعى ەكى كور­مەسىن وتكىزدى. باقتىقوجا ىزمۇحامبەتوۆ قالا­لىق كورمە زالىندا بولىپ, جاڭا قۋات كوزدەرى تەحنو­لو­گيالارى جونىندە دەلەگاتسيا وكىلدەرىمەن پىكىرلەستى. جىلجىمالى قوس كورمەنىڭ اشى­­لۋ سالتانا­تىن­دا وبلىس اك­ى­مىنىڭ ءبىرىنشى ورىنباسارى نۇرلان نوعاەۆ گەرمانيا فەدەراتيۆتىك رەسپۋبليكاسى مەن قازاقستان رەس­پۋبليكاسىن دوستىق, ارىپتەستىك قا­رىم-قاتىناس بايلانىستىرىپ وتىرعانىن اتاپ ءوتىپ, كورمەلەردىڭ جۇمىسى باتىسقازاقستان­دىق­تارعا قا­زىرگى گەرمانيا جونىندە جاڭا ماع­لۇماتتار الۋعا مۇمكىندىك بەرە­تى­نىنە, بۇل كەزدەسۋدىڭ جان-جاقتى باي­لانىستاردىڭ نىعايۋىنا, حالىق­تاردىڭ ودان ءارى ىنتىماقتاسۋىنا قىزمەت ەتەتىندىگىنە سەنىم ءبىلدىردى. گەرولد امەلۋنگ ءوز سوزىندە كور­مەنى اشۋ گەرمانيانىڭ قازاق­ستان­داعى جىلى شەڭبەرىندەگى اۋ­قىمدى شارانىڭ ءبىر بولىگى ەكەنىن, مۇنىڭ ەكى ەلدى جاقىنداستىرۋعا, وزىق تاجىريبە الماسۋعا, نەمىس ەلىن تانىپ-بىلۋگە قىزمەت ەتەتىنىن جەت­كىزدى. سونداي-اق كورمەنى اشۋعا كو­مەك كورسەتكەن وبلىس اكىمدىگىنە العىسىن ءبىلدىردى. “قازىرگى گەرمانيا” تاقىرى­بىنداعى جىلجىمالى كورمەدە وسى كۇنگى گەرمانيا ءومىرىنىڭ ءتۇرلى اس­پەكتىلەرى كورىنىس تاپقان. بۇل ەلدىڭ كوپ قىرلى قوعامدىق, الەۋمەتتىك جانە مادەني ءومىرى بەرليندىك فو­توگراف تورستەن ەلگەردىڭ فوتو­كوم­­پوزيتسيالارىندا ايقىن بەينە­لەنگەن. ال ەكىنشى قۋات تاقىرى­بىنداعى كورمەدە گەرمانيانىڭ ەنەر­گەتيكا جونىندەگى “Dena” اگەنت­تىگىنىڭ جۇمىستارى كورسەتىلگەن. گەرمانيا تىركەلگەن پاتەنت سانى ءجو­نىنەن الەمدە ءبىرىنشى ورىندا بولسا, بۇل اگەنتتىك قۋاتتى ءتيىمدى پايدالانۋ سالاسىندا ساراپتامالىق ورتالىق سانالادى. كورشى رەسەي­لىكتەر “Denaمەن” تىعىز بايلانىس ورناتىپ, قۋات كوزدەرىن ۇنەمدەۋ, جاڭا كوزدەرىن ورناتۋ جۇمىستارىنا كىرىسكەنى ءما­لىم. كورمەدەگى 24 بان­نەر­دە قۋات ءوندىرۋدىڭ ءتۇرلى كوزدەرى مەن قۋاتتى ۇنەمدەۋ جولدارى كو­رىنىس تاپ­قان. قازىرگى ۋاقىتتا گەر­مانيا پايدالانىپ وتىر­عان قۋات­تىڭ 15 پايىزىن وسى جاڭارتىلعان قۋات كوزدەرىنەن, ياعني جەلدەن, سۋ مە­ن كۇننەن الادى. ءبىزدىڭ ەلىمىز تا­ياۋداعى كەلەشەكتە قاجەتتى قۋاتتىڭ 5 پايىزىن وسىنداي كوزدەردەن الۋدى ماقسات ەتۋدە. جالپى الەمدە تابيعاتپەن ۇيلەسىمدى, جا­ڭار­تىلعان قۋات كوزدەرىنە دەگەن قىزىعۋ­شى­لىق ار­تىپ وتىر. ونىڭ سەبەبى تۇسىنىكتى دە, تابيعات قوي­ناۋىنداعى قازبا بايلىق شەكسىز ەمەس. ال جىل وتكەن سايىن قۋاتتى تۇتىنۋشىلىق دەڭ­گەيى جىل­دام وسۋدە. ءبىزدىڭ وبلى­سى­مىزدا دا قۋاتتى كوبىرەك قا­جەت­سى­نەتىن جاڭا ءوندىرىس ورىن­دارى, قۇرى­لىس­تار, تۇرعىن ءۇيلى جاڭا شاعىن اۋداندار, ءتۇرلى نى­ساندار ىسكە قوسىلۋدا. سوندىقتان مۇنداي وزىق ين­نوۆاتسيالى تەحنو­لوگيالار كورمەسىنىڭ كەلە­شەك­تە تەحنولوگيا­لار ترانسفەرىنە جول اشارى كامىل. “الگوريتم” تەحنوپاركىندە گەرمانيالىق مەيماندار وبلىستاعى بيزنەس وكىلدەرى, باسقارما, دەپار­تا­مەنت باسشىلارى, دەنساۋلىق ساقتاۋ سالاسى ماماندارىمەن كەزدەستى. جي­ىندى اشقان وبلىستىق ونەر­كا­سىپ جانە كاسىپكەرلىك باسقارما­سى­نىڭ باستىعى رۋسلان ساپارعاليەۆ قوناقتاردى تانىستىرىپ شىققان­نان كەيىن ءسوز كەزەگى گەرمانيا ەكو­نوميكاسىنىڭ ورتالىق ازياداعى وكىلدىگى جەتەكشىسىنىڭ ورىنباسارى, گەرمانيا ەكونوميكاسىنىڭ قازاق­ستانداعى وكىلى عاليا جۇنىساليە­ۆاعا ءتيدى. – گەرمانيا ەكونوميكاسىنىڭ وكىلدىگى قازاقستاندا 1994 جىلى اشىلعان بولاتىن. ال 2000 جىلدان استانادا ارنايى كەڭسە اشىلدى. وكىلدىك بۇكىلالەمدىك ساۋدا پالا­تا­لارىنىڭ نەگىزگى جەلىسىنىڭ بولىگى بولىپ ەسەپتەلىنەدى. ال گەرمانيادا ءDىHK – ساۋدا-ونەركاسىپ پالاتاسى رەتىندە بەلگىلى. 2008 جىلدان وكىلدىك قىرعىزستان, تاجىكستان, تۇركى­مەن­ستان جانە وزبەكستان وڭىرلەرىنە دە قانات جايا باستادى. ءبىز ەندى ەلى­مىز­دىڭ باتىس وڭىرىمەن دە تەرەڭىرەك قارىم-قاتىناس جاساۋعا ءازىرمىز, – دەدى عاليا جۇنىساليەۆا. “سيمەنس قازاقستان” جشس ديرەكتورى تسۆينگەنبەرگەر كايدىڭ ايتۋىنشا, وزدەرىنىڭ كونتسەرنى الەمدە ەلەكترونيكا جانە ەلەكترو­تەحنيكا بۇيىمدارىن وندىرۋدە جەتەكشى ورىنعا يە. ءوز قىزمەتىن ونەركاسىپ, ەنەرگەتيكا جانە دەنساۋ­لىق ساقتاۋ سالاسى بويىنشا ءجۇر­گىزەدى. قازاق­ستان رىنوگىندا جۇمىس جاساپ جاتقانىنا 15 جىل بولعان. استاناداعى “بايتەرەك”, “اقوردا” سياقتى كوپتەگەن ءىرى نىسانداردى جا­رىقتاندىرۋدى وسى “سيمەنس قازاقستان” كومپانياسى اتقارعان. كاسىپورىن قولتاڭباسىن ەلىمىزدىڭ ەنەرگەتيكا, ءوندىرىس جانە مەديتسينا سالالارىنان كوپتەپ كەزدەستىرۋگە بولادى. ال ء“Wىrtgen ءىnternatىonal GmbH” كومپانياسى وكىلدىگىنىڭ باسشىسى امان­گەلدى ەلعونوۆ تاۋ-كەن سالاسىندا, جول قۇرىلى­سىندا, جولدى اسفالتتاۋ جۇمىستارىندا كەڭىنەن پايدالانىلاتىن جوعارى ساپالى نەمىس ماشينالا­رىنىڭ مۇمكىندىكتەرى جونىندە اڭگىمەلەدى. “Bosh ءThermotechnىk GmbH” كوم­پانياسىنىڭ باس ديرەكتورى ۆلا­ديمير كولومىتسىن جينالعان­دارعا كاسىپورىن وندىرەتىن جىلىتۋ جۇيە­سىنىڭ وزىق تەحنيكالارىن تانىس­تىر­دى. بۇدان سوڭ “جايىق­قۇبىر­تەح” جشس ديرەكتورى حولگەر نۋمريح ءوز كەزەگىندە كومپانيانىڭ مۇناي-گاز قۇبىرلارىن تازالاۋ, اۋا جانە سۋ استى قۇبىر جەلىسى جۇيە­سىن جاساۋ, گاز قۇبىرى جەلىلەرىن كەپ­تىرۋ, ۋلترا­دىبىسپەن ىشكى تازالاۋ جۇمىستارىن جۇرگىزۋ باعىتىنداعى جەتىستىكتەرىن ايتىپ بەردى. تاعى بىرەر كومپانيانىڭ وسىن­داي تانىستى­رىلىمى وتكەننەن كەيىن گەرمانيالىق قوناقتار جەر­گىلىكتى بيزنەس وكىلدەرىنىڭ سۇراق­تارىنا جاۋاپ بەردى. مۇنداي ىسكەرلىك بايلانىس ال­داعى ۋاقىتتا دا جالعاسپاق. تەمىر قۇسايىن, ورال.