ازيادانى ايشىقتايتىن فوتوكورمە

الماتى­لىقتار العاش رەت ءبىر جەردەن, ءبىر كورمەدەن الماتى مەن اس­تانا قالا­لارىندا وتەتىن قىسقى ازيا ويىندارىنا دايىن­دىق جۇ­مىستارىنىڭ جەتىستىكتەرىن تاما­شالاي الادى. وسىلايشا وڭتۇستىك استانادا “ازيادا-2011 قار­ساڭىندا” اتتى فوتوكورمەنىڭ تۇساۋى كەسىلدى. الماتى قوناقتارى ءۇشىن بارا­تىن جەر, تاماشالايتىن ورىن جەت­كىلىكتى. ءبىر عانا الماتىدا 15 كورمە مەن كوركەمسۋرەت گالەرەياسى جۇمىس ىستەيدى. ەندى ولاردىڭ قا­تارىنا 7-ءشى قىسقى ازيا ويىن­دارىن ناسي­حاتتاۋعا ارنالعان كورمە قوسىلىپ وتىر. سوناۋ 90-شى جىلداردىڭ ورتا بەلىنەن باستاپ قازاقستاندىق سپورت­شىلار قىسقى وليمپيادا دۇبىرىنە قوسىلعان بولسا, اراعا ساناۋلى جىلدار عانا سالىپ, ءوز ەلىمىز اق ازيادانىڭ الاۋىن جاقپاق. قازىردىڭ وزىندە 7-ءشى قىسقى ازيا ويىندارىن ۇيىمداستىرۋ كوميتەتىنىڭ اتقارۋشى ديرەكتسيا­سى بىرقاتار جەتىستىكتەرگە جەتىپ, دايىندىق بارى­سىنىڭ تابىستارىن بۇقاراعا تانىس­تىرىپ وتىرۋدى ءجون دەپ شەشكەن. الماتى قالاسىنىڭ تۇرعىندارى مەن تۋريستەر ازيادانىڭ دايىندىق كەزەڭدەرىن الەۋمەتتىك جارناما جا­ساۋ­دى كوزدەيتىن “ستوليچنىي” اتتى دۇكەن اۋماعىنداعى گالەرەيادان كورە الادى. كاسىپقوي ءفوتوتىل­شىلەردىڭ دايىندىق كەزەڭىنىڭ ەڭ قىزىقتى ساتتەرىن, سپورت­تىق نى­سان­داردىڭ ايشىقتى تۇستارىن “اۋ­لاعان” تۋىندىلارى دايىندىق بارىسىنان تولىققاندى اقپار بەرەدى. ايناش ەسالي. الماتى.