27 تامىز، 2010

قازاق-تاتار ىنتىماقتاستىعى الداعى كەزدە دە وركەندەي بەرەدى

421 رەت كورسەتىلدى
25 تامىزدا اقوردادا ەلباسى نۇرسۇلتان نازارباەۆ تاتارستان رەسپۋبليكاسىنىڭ پرەزيدەنتى رۋستام ميننيحانوۆپەن كەزدەستى، دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. مەملەكەت باسشىسى ر.مينني­حا­­نوۆتى تاتارستان رەسپۋبليكا­سى­نىڭ پرەزيدەنتى قىزمەتىنە رەسمي كىرىسۋىمەن قۇتتىقتادى جانە قا­زاق­ستاننىڭ رەسەي فەدەراتسياسىنىڭ تاتارستان ءتارىزدى ءىرى وڭىرىمەن دوس­تىق پەن سەنىمگە نەگىزدەلگەن ءداس­تۇر­لى ىنتىماقتاستىعى قازىرگى قارقى­نىن جوعالتپاستان، ودان ءارى تابىس­تى دامي بەرەتىنىنە سەنىم ءبىلدىردى. كەزدەسۋ بارىسىندا ساۋدا-ەكو­نوميكالىق، عىلىمي-تەحنيكالىق جانە مادەني ىنتىماقتاستىقتى دامىتۋ ماسەلەسى تالقىلاندى. ءارىپ­تەستىكتىڭ پەرسپەكتيۆالى باعىتتارى رەتىندە ماشينە جاساۋ، مۇناي جانە مۇناي-حيميا سالالارى، اۋىل شا­رۋاشىلىعى، مادەني-گۋمانيتارلىق جانە عىلىمي-تەحنيكالىق ىنتى­ماق­تاستىق جانە وزگە دە سالالار اتاپ ءوتىلدى. ىنتىماقتاستىقتىڭ ما­ڭىزدى باعىتى يننوۆاتسيا سالاسى بولىپ تابىلادى. تاراپتار جول قۇ­رىلىسى جانە مۇناي-حيميا سالا­لارىنداعى بىرلەسكەن يننوۆاتسيا­لىق جوبالاردى ىسكە اسىرۋ مۇمكىندىگىن قاراستىرادى. سونىمەن قاتار، تاتارستان باس­شىلىعى قازاقستاندىق استىقتى ساتىپ الۋ نيەتىن ءبىلدىردى. قازاقستاندا “كاماز”، “قازان تىك­ۇشاق زاۋىتى” كاسىپورىن­دارى­مەن بىرنەشە بىرلەسكەن جوبالار تابىستى جۇزەگە اسىرىلۋدا. 2008 جىلى “كاماز-ينجينيرينگ” ءبىر­لەس­كەن كاسىپورنى 10،5 ميلليارد تەڭ­گەنىڭ ءونىمىن شىعارىپ، قازاق­ستاننىڭ جۇك كولىكتەرى رىنوگىنىڭ 75 پايىزىن قامتاماسىز ەتتى. قازاقستان رەسپۋبليكاسىمەن “تاتنەفت” ااق، “نيجنە­كامسك­نەف­تەحيم” ااق، “نيجنەكامسك­شينا” ااق، “كاما” ساۋدا ءۇيى” ااق، “كازانورگسينتەز” ااق، “المەتەۆ قۇبىر زاۋىتى” ااق جانە تاتارستاننىڭ وزگە دە كاسىپورىندارى ىنتىماقتاستىق جاساپ كەلەدى. جۋرناليستەرگە ارنالعان بري­فينگتە تاتارستان رەسپۋبليكاسى­نىڭ پرەزيدەنتى استانا قۇرى­لى­سىنىڭ قارقىنىنا تاڭدانىسىن ءبىلدىردى. – مۇندا جاسالعاننىڭ ءبارى دە جوعارى الەمدىك دەڭگەيدە اتقارىل­عان. كوپتەگەن نىسانداردىڭ الەمدە بالاماسى جوق. ءبىز مۇندا كەلگەن سايىن ۇيرەنىپ قايتامىز، – دەدى ر.ميننيحانوۆ. تاتارستان پرەزيدەنتى قازاقستان ەكونوميكاسىن دامىتۋداعى نۇر­سۇلتان نازارباەۆتىڭ رولىنە جوعارى باعا بەردى. نۇرسۇلتان نازارباەۆ – ءبىز ءۇشىن ۇلگى-ونەگە. بۇل – پوست­كە­ڭەس­تىك كەڭىستىكتەگى ۇلت ليدەرىنىڭ جار­قىن مىسالى، سونىڭ ارقاسىندا رەس­پۋبليكا گۇلدەنىپ، داعدارىستىڭ بار­لىق سالدارلارىن تابىستى ەڭ­سەرە ءبىلدى. نۇرسۇلتان ءابىش ۇلى – بۇل تۇلعا، مەملەكەتتى وسىنداي لي­دەر­دىڭ باسقارىپ وتىرعانى قازاق­ستان ءۇشىن باقىت، – دەپ اتاپ كور­سەتتى ر.ميننيحانوۆ. * * *

ەلباسى قابىلدادى

مەملەكەت باسشىسى نۇرسۇلتان نازارباەۆ كەدەن وداعىنا قاتىسۋشى مەملەكەتتەردىڭ ىشكى ىستەر مينيسترلەرى: رەسەي فەدەراتسياسىنان – راشيد نۇرعاليەۆتى، بەلارۋس رەسپۋبليكاسىنان – اناتولي كۋلەشوۆتى، قازاقستان رەسپۋبليكاسىنان – سەرىك بايماعانبەتوۆتى قابىلدادى، دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. مينيسترلەر مەملەكەت باسشىسىنا استانادا وتكەن كەدەن وداعىنا قاتىسۋشى مەملەكەتتەر ىشكى ىستەر مينيسترلەرى كەڭەسىنىڭ قورىتىندىلارى، اتاپ ايتقاندا، قازاقستان، بەلارۋس جانە رەسەي قۇقىق قورعاۋ ورگاندارىنىڭ ۇيىمداسقان قىلمىسقا، ەسىرتكى بيزنەسىنە جانە زاڭسىز كوشى-قونعا قارسى كۇرەستەگى، بىرىڭعاي كەدەندىك كەڭىستىكتە اقپاراتتار الماسۋداعى ىنتىماقتاستىعىن دامىتۋ ماسەلەسى تۋرالى باياندادى. جۋرناليستەرگە ارنالعان بريفينگتە راشيد نۇرعاليەۆ پەن اناتولي كۋلەشوۆ قازاقستاندا جۇرگىزىلىپ جاتقان قۇقىق قورعاۋ جۇيەسىن رەفورمالاۋعا جوعارى باعا بەردى. – بىزدە، رەسەيدە دە ىشكى ىستەر مينيسترلىگىن جاڭعىرتۋ ءىسى جۇرگىزىلۋدە. وندا دا ءبىرىنشى مىندەت – وزگە قۇرىلىمدارعا ەش اۋىرتپالىقسىز بەرۋ ارقىلى ءتان ەمەس مىندەتتەردەن بوساتىپ، بار نازاردى قىلمىسپەن كۇرەسكە شوعىرلاندىرۋ. مەن قازاقستاننىڭ قۇقىق قورعاۋ جۇيەسىن جاڭعىرتۋدىڭ نەگىزگى باعىتتارىن قولدايمىن، – دەدى رەسەي ىشكى ىستەر ءمينيسترى. ر.نۇرعاليەۆ رەفورما قازاقستاننىڭ قۇقىق قورعاۋ قۇرىلىمدارى جۇ­مى­سىنىڭ اشىقتىعى مەن ناقتىلىعىنا مۇمكىندىك تۋعىزاتىنىن اتاپ ءوتتى. قازاقستاندا جۇرگىزىلىپ جاتقان رەفورمانىڭ باستى ماقساتى – پوليتسيا جۇمىسىن جاقسارتۋ. بۇل ىشكى ىستەر ورگاندارىنىڭ جۇمىسىن ەل حالقىنا ەتەنە ەتۋگە جول اشادى، – دەپ اتاپ ءوتتى ا.كۋلەشوۆ.
سوڭعى جاڭالىقتار

دوللار باعامى قايتا ءوستى

قارجى • بۇگىن، 16:12

ۇقساس جاڭالىقتار