جەتكىنشەكتەر جەڭىسپەن ورالدى

سوڭعى كەزدە ەگەمەن ەلىمىزدىڭ جەر-جەردەگى ونەرپاز جەتكىنشەك­تەرىنىڭ الەمدىك سايىستاردا توپ جا­رىپ جۇرگەندەرى ءجيى ەستىلىپ قالىپ ءجۇر. سەمەيدەگى “تۇمار حانىم” دەپ اتالاتىن جەتكىنشەكتەردىڭ حالىق­تىق بي ءانسامبلى سونداي ونەر جۇل­دىزدارىنىڭ بىرىنەن سانالادى. قۇرىلعانىنا بيىل جەتى جىل تو­لىپ وتىرعان بۇل انسامبل وسى ۋا­قىت ىشىندە بىرنەشە رەت حالىق­ارالىق ونەر جارىستارىندا توپ جارىپ ۇلگەردى. ايتالىق, ول وسى­دان ءۇش-ءتورت جىل بۇرىن يسپا­نيانىڭ لورەت-دە-ماار قالاسىندا وتكەن دارىندى بالالاردىڭ حا­لىقارالىق فەستيۆالىندە جۇلدەلى ەكىنشى ورىن­عا يە بولعان ەدى. ال 2008 جىلى بۇ­لار ۋكراينانىڭ ودەسسا قالاسىندا “زۆەزدوچكا” دەگەن اتپەن وتكەن حا­لىقارالىق كون­كۋرستان باس بايگەنى قانجى­عا­لارىنا بايلاپ كەلگەن-ءدى. ەندى, مىنە, اتالعان انسامبل جۋ­ىردا عانا تۇركيادان ولجالى ورال­دى. تۇركيادا يوگۋرت ءونىمىن ون­­دىرۋمەن اتى شىققان سيليۆري دە­گەن قالا بار. “بارلىق الەمنىڭ دا­رىندى بالالارى” دەگەن اتپەن وت­كىزىلگەن حالىقارالىق فەستيۆالدە سە­مەيلىك جەتكىنشەكتەر ءبىرىنشى ور­ىندى جەڭىپ العان كورىنەدى. وعان الەم­نىڭ توعىز ەلىنەن جاس ونەر­پازدار قاتىسىپتى. – بۇل ونەر سايىسىنا بىزدەن 15 جاسقا دەيىنگى ارالىقتاعى 15 جەت­كىنشەك قاتىستى, – دەيدى انسامبل جەتەكشىسى سانيرا سىدىقتەگى, – كەزەكتى سايىسقا سەگىز بي دايىنداپ اپارساق, سونىڭ بەسەۋى ءوزىمىزدىڭ ۇلتتىق بيلەر. كەيدە بىزدە بي جوق دەگەن ءسوزدى ەستىپ قالامىز. ونىڭ ءبا­رى بەكەر ءسوز. قاي جەرگە بارماي­ىق بيىمىزگە دە, ۇلتتىق كيىمدەرى­مىزگە زور قىزىعۋشىلىق تانىتادى. سونىڭ ءبارى بىزگە دە ۇلكەن قولداۋ بولىپ, جەڭىس تورىنەن كورىنۋدەمىز. سانيرا مۇراتقىزى ارال قالاسىنىڭ تۋماسى. سوندا ونەرپاز وتباسىندا ومىرگە كەلگەن. اكەسى مۇ­رات سىدىقوۆ كومپوزيتورلار ودا­عى­نىڭ مۇشەسى, قازاقستاننىڭ ەڭ­بەك سىڭىرگەن قايراتكەرى, ارال قا­لاسىنىڭ قۇرمەتتى ازاماتى. شەشەسى بازار قوستاەۆا دا تاماشا ءانشى. وسى وڭىردە كەزىندە وتباسىلىق حالىق ءانسامبلىن دە العاشقى بولىپ قۇرعان وسىلار. سانيرانىڭ ەرى نۇر­زات قايرانوۆ تا ونەر ادامى, سەمەيدەگى اسكەري وركەستردە قىزمەت ەتەدى. وتباسىلىق جاعدايمەن سەمەيگە كەلگەن سانيرا وسىدان جەتى جىل بۇرىن جەتكىنشەكتەردىڭ “تۇمار حانىم” بي ءانسامبلىن قۇرۋعا مۇ­رىن­دىق بولعان. قازىردە انسامبل قۇرامىندا 90 بالا بار. ونىڭ با­سىم بولىگى ۇيىرمە جۇمىسىنا اقىلى تۇردە قاتىسادى. جاس ونەرپازدار­دىڭ كيىمدەرى دە اتا-انالاردىڭ موينىندا. ءتىپتى شەتەلدەردە ءوتىپ جاتاتىن ءتۇرلى جارىستارعا دا جول شىعىنىن اتا-انالار وزدەرى كوتەرىپ الىپ جاتادى. ەلىمىزدىڭ اتىن شى­عارىپ جۇرگەن جاس ونەر ۇجىمىنىڭ اركىمنىڭ بوساعاسىندا جۇرگەنى ءوز الدىنا ءبىر اڭگىمە. بارىنەن دە بۇ­رىن ءتيىستى ورىنداردىڭ بۇلار جەڭىمپاز بولىپ كەلىپ جاتقاندا قۇتتىقتاۋعا دا جارامايتىنى كوڭىلگە كولەڭكە ۇيىرتەدى. ال ەرتەڭگى شارالار وسىلاردىڭ اراسىندا جۇرمەسىنە كىم كەپىل؟! داۋلەت سەيسەن ۇلى, سەمەي.