فوتو: الماتى قالاسى اكىمدىگى
قالا اكىمدىگىنىڭ دەرەگىنشە, سالانىڭ ينۆەستيتسياسى 39,4%-عا ءوسىپ, 198,8 ملرد تەڭگەگە جەتتى. جەكە ينۆەستيتسيا ەسەبىنەن 941 ءنومىرلى قوناق ۇيلەر, جاتاقحانالار جانە دەمالىس بازالارى بار 48 جاڭا نىسان اشىلدى.
الماتى حالىقارالىق دەڭگەيدە تانىلىپ كەلەدى. مىسالى, Bloomberg بويىنشا قالا الەمنىڭ 25 ۇزدىك قالاسىنىڭ قاتارىنا ەندى, ال Booking.com دەرەگىنشە, ورتالىق ازيانىڭ تەز دامىپ كەلە جاتقان 10 تۋريستىك باعىتىنىڭ ءبىرى. CNN جانە The Telegraph قالانى ايماقتىڭ نەگىزگى تۋريستىك نۇكتەسى رەتىندە اتاپ وتىر.
الماتى تاۋلارىنا تۋريست تارتۋدى تاۋلىگىنە 5 ەسەگە كوبەيتۋ كوزدەلىپ وتىر
ءىس-شارا ءتۋريزمى دە جاڭا دەڭگەيگە جوعارىلاعان. ماسەلەن, «ALA CRAFT 2025» حالىقارالىق قولونەر فەستيۆالى 15 ەلدەن شەبەرلەردى جيناسا, ىسكەرلىك MICE – ءىس-شارالارعا الەمنىڭ تۇكپىر-تۇكپىرىنەن 5,7 مىڭنان استام ادام قاتىسقان.
قالا ينفراقۇرىلىمىنىڭ دا دامۋى جالعاسىپ جاتىر. مىسالى, «الما-اراسان» تەرمالدى بۇلاعى قايتا جاڭارتىلدى, 10 تۋريستىك مارشرۋت كوركەيتىلدى, كۇن پانەلدەرى بار كەمپينگتەر مەن تاۋعا شىققاندا ەسەپكە الاتىن قۇرىلعى ورناتىلدى. تۋريستەر ءۇشىن 110 نىسانعا اۋديو نۇسقاۋلىق دايىندالدى, 27,5 مىڭ بۋكلەت شىعارىلدى, سونداي-اق نەگىزگى كورىكتى جەرلەردىڭ 5 تاكتيلدى مودەلى جاسالدى.
الماتى وبلىسىندا جىلىنا 600 مىڭ تۋريست قابىلدايتىن اينەك كوپىر سالىنادى
