"قازاقستان" سپورت سارايى

استانا. مۇڭايتپاسوۆ كوشەسى, 9-ءۇي ازياداعا 178 كۇن قالدى كەلەسى جىلى ەۋرازيا كەڭىستىگىنىڭ كەڭ تورىندە قىسقى ازيا ويىندارى جا­لاۋىن كوتەرەدى. قازاق سپورتى تا­ريحىندا ءمانى مەن ماڭىزى جاعىنان عاسىرعا تاتيتىن بۇل حالىقارالىق دەڭگەيدەگى جارىس ەلىمىزدە تۇڭعىش رەت وت­كىزى­لەتىنى بەلگىلى. سوندىقتان دا ونىڭ ازاتتىعىمىزدىڭ اق تاڭى قايتا اراي­لاپ اتقان كەزدەن بەرى وزگە ەلدەر­مەن تەرەزەسى تەڭ بولىپ, سوڭعى 20 جىل­دا الەمنىڭ 50 وزىق دامىعان ەل­دەرىنىڭ قاتارىنا ەنۋگە قابىلەتتىلىگىن ارتتىرىپ جاتقان قازاق ەلى ءۇشىن شىن مانىندە ءمانى مەن ماڭىزى زور وقي­عا بولاتىنى ءسوزسىز. قازىر قولدا بار دەرەكتەرگە قاراعاندا, الداعى اق ازيا ويىندارىنىڭ سپورتتىق جارىستارىمەن بىرگە ونىڭ اشىلۋ جانە جابىلۋ سالتاناتىن سارى قۇرلىقتا بۇرىن- سوڭدى بولماعان جاعدايدا وتكىزۋ ءۇشىن “2011 جىلعى ءVىى قىسقى ازيا ويىندارىن ۇيىم­داستىرۋ كوميتەتىنىڭ اتقارۋشى ديرەكتسياسى” اق جان-جاقتى دايىندالىپ, وسىناۋ ءدۇبىرلى دوداعا ارنالعان ەلىمىزدىڭ قوس قالاسىندا سالىنىپ جاتقان سپورت نىساندارىن مەر­زى­مىندە بىتىرۋگە باسا نازار اۋدارىپ جاتىر. اتالمىش ديرەكتسيانىڭ ءباسپاسوز قىزمەتىنىڭ حابارلاعانىنداي, بۇل كۇندەرى قىسقى ويىن­دار وتەتىن استانا جانە الماتى قالالارى­نىڭ قۇرىلىس نىساندارى اياقتالۋعا جاقىن قالدى. سونىڭ ىشىندە الماتىدا ايەلدەر اراسىندا حوككەي جارىسىنان وتەتىن بالۋان شولاق اتىنداعى سپورت سارايىندا جۇرگى­زىل­گەن كۇردەلى جوندەۋ جۇمىستارى جاقىندا ەل­باسى نۇرسۇلتان نازارباەۆ كەلىپ كورگەن كەز­دە بىتسە, استانا قالاسىندا قىسقى جارىس­تار­دىڭ اشىلۋ سالتاناتى بولاتىن “استانا-ارە­نا” ستاديونى تولىعىمەن تاپسىرىلىپ قوي­ىلدى. ال باسقا نىساندارعا كەلسەك, استا­نادا ەرلەر اراسىندا حوككەي ماتچتارىن وتكىزۋ جوسپارلانىپ وتىرعان “قازاقستان” سپورت سارايى, مانەرلەپ سىرعاناۋ مەن شورت-ترەككە ارنالعان رەسپۋبليكالىق ۆەلوترەك, كونكيگە بەيىمدەلگەن جابىق كونكي تەبۋ ستاديونىنىڭ قۇرىلىستارى وسى جىلدىڭ سو­ڭىنا قاراي تولىعىمەن بىتەدى دەلىنىپ وتىر. الماتىداعى قۇرىلىستىڭ جاعدايى دا شا­مامەن جەلتوقساندا اياقتالادى دەلىنۋدە. وسىلاردىڭ ىشىندەگى قۇرىلىس بويىنشا جاقىندا ءبىز “2011 جىلعى ءVىى قىسقى ازيا ويىندارىن ۇيىمداستىرۋ كوميتەتىنىڭ اتقا­رۋشى ديرەكتسياسى” اق ماماندارىمەن بىرگە “قازاقستان” سپورت سارايىنا بارعانىمىزدا ونىڭ ەدەندەرى مەن ەسىكتەرىنەن باستاپ, تو­بەدەن مۇز ايدىنىنا جارىق بەرەتىن پرو­جەك­تورلاردىڭ ءبارى تۇگەل اۋىستىرىلىپ, ورىن­دىقتار مەن كوپتەگەن بولمەلەردىڭ قايتا جابدىقتالىپ جاتقانىنا, ال ونىڭ جانىندا سالىنىپ جاتقان قوسىمشا سىرعاناق كەشەنىنىڭ قۇرىلىسىنىڭ اياقتالۋعا جاقىن قالعانىنا كوز جەتكىزدىك. “قازاقستان” سپورت سارايى – ەلىمىزدىڭ قىس­قى سپورت تۇرلەرىنە ارنالعان ەڭ ءىرى نىساندارىنىڭ ءبىرى بولسا دا ول جاز شىعىپ, كۇز كەلگەندە سپورتتىڭ جازعى تۇرلەرىنەن دە جارىستار مەن باسقا دا مادەني شارالاردى وتكىزۋگە ابدەن لايىق سپورت ورداسى بولىپ سانالادى. سوندىقتان ونى ەلىمىزدىڭ وزگە سپورت نىساندارىنا ەسە جىبەرمەيتىن ەڭسەلى عيمارات دەسەك تە بولادى. بۇل نىسان استا­نانىڭ الماتىدان اقمولا قالاسىنا كوشى­رىلگەندە قولعا الىنىپ سالىنا باستاعانى بەلگىلى. ءسويتىپ, پرەزيدەنت ن.نازارباەۆتىڭ قولداۋىمەن تۇرعىزىلعان ول 2001 جىلى پايدالانۋعا بەرىلدى. وسى ۋاقىت ىشىندە سپورت سارايىندا كوپتەگەن حالىقارالىق, رەسپۋب­لي­كالىق تۋرنيرلەر مەن جارىستار, چەمپيو­ناتتاردىڭ نەشە ءتۇرلىسى بولىپ وتكەنى ءمالىم. سونىڭ ارقاسىندا ول استانانىڭ سپورت سا­لاسىنداعى ناعىز ايناسىنا اينالسا, ال قازىر ونسىز ەلوردادا وتەتىن قىسقى ازيا ويىن­دا­رىن كوزگە ەلەستەتە المايتىنىمىز راس. وسى جەردە ءسوز ورايى قىسقى ويىندارعا كە­لىپ تۇرعاندا, بۇل كۇندەرى “قازاقستان” سپورت سارايىنىڭ وعان جان-جاقتى دايىن­دا­لىپ جاتقانىن اتاپ وتكەنىمىز ءجون. سپورت نىسانىنىڭ باس ديرەكتورىنىڭ ءبىرىنشى ورىن­باسارى قوشقارباي قوسداۋلەتوۆتىڭ اي­تۋىنشا, قىسقى ويىندار وتكىزۋ ءۇشىن قايتا جوندەۋ جۇمىستارى باستالعان بىلتىرعى جىلدىڭ جەلتوقسان ايىنان بەرى ءبىراز جۇ­مىستار ىستەلىندى. ەندى وسى جۇمىستاردى 30 قا­زانعا دەيىن ءبىتىرۋ جوسپارلانۋدا. “قازىر سپورت سارايىن قايتا جوندەۋ جۇمىستارى جۇرگىزىلۋدە, – دەدى ول بىزبەن اڭگىمەسىندە. – مۇز ايدىنىن ءبىز حالىقارالىق تالاپتارعا ساي ەتىپ جاساپ, وعان جارىق بەرەتىن پرو­جەك­تورلاردىڭ ءبارىن ويىنداردى تىكەلەي ەفير ارقىلى كورسەتۋ ءۇشىن سايلاپ قويۋىمىز كە­رەك. قازىر سارايدا 140 پروجەكتور بولسا, ونىڭ كوبىسىنىڭ جارىق بەرۋ قۋاتى ءالسىز. سوندىقتان الداعى كەزدە ءبىز سودان ەكى ەسە از, بىراق الەۋەتى كۇشتى ءارى ساپالى پروجەك­تور­لاردى ورناتىپ, ونىڭ جارىق بەرۋ قۋا­تىن ارنايى كوميسسياعا تاپسىرۋدى جوس­پار­لاپ وتىرمىز. سونىمەن بىرگە سپورت سارايى­نىڭ اعاش ەسىكتەرىن مىندەتتى تۇردە جوعارى ستاندارتقا اۋىستىرىپ, جانكۇيەرلەر وتى­را­تىن جانە ولاردىڭ جاعالاي جۇرەتىن دالىز­دەردى, باسپالداقتار مەن باسقا دا ورىندارعا جوندەۋ جۇمىستارىن جاساۋىمىز كەرەك”. – حالىقارالىق تالاپ بويىنشا, – دەيدى ول ودان ءارى ءسوزىن جالعاپ, – مۇز ايدىنى بار سپورت سارايى بىزدىكىندەي 4500 ادامعا ەمەس, 5000, ءارى كەتسە 5500 ادامعا ارنالىپ سالى­نۋى كەرەك. سوندا عانا ول حالىقارالىق دەڭ­گەيدەگى سپورت كەشەنى بولا الادى. دەگەنمەن ونىڭ پىكىرىنشە, استاناعا جارىسقا كەلەتىن حوككەي كوماندالارىنىڭ ءبارى مۇز ايدىنىنىڭ سىرعاناۋ كوەففي­تسيەنتىن باس بارماقتارىمەن باعالاپ كەتەدى ەكەن. مۇنىڭ ءوزى 2001 جىلى سالىنعان سپورت سارايى ايدىنىنىڭ ءالى دە بولسا سىر بەرمەي كەلە جاتقانىن بىلدىرسە كەرەك. ال اتالمىش سارايدىڭ جانىندا جاڭادان سالى­نىپ جاتقان قوسىمشا سىرعاناۋ كەشەنىنە كەلەر بولساق, ونىڭ قۇرىلىسىن جۇرگىزىپ جاتقان “شار-قۇرىلىس” جشس-ىنداعى وسى نى­ساننىڭ جۇمىسىنا جاۋاپتى باس ينجەنەر اندرەي كوۆالەنكونىڭ ايتۋىنشا, كومپا­نيا­نىڭ وزىندە 450 ادام ىستەسە, وسى جەردەگى قۇرىلىسپەن 250-دەن استام جۇمىسشى اي­نالىسۋدا. ء“بىزدىڭ كومپانيا سپورت سارايى­نىڭ قوسىمشا سىرعاناۋ الاڭىنىڭ قۇرى­لى­سىن جۇرگىزىلگەن تەندەر ارقىلى جەڭىپ الدى, – دەدى ول. – بىزبەن بىرگە وسى جۇمىستى ىستەۋگە بىرنەشە كومپانيا دا ءوز ۇسىنىس­تارىن بەرگەن بولاتىن. الايدا, “شار-قۇ­رىلىس” جشس قالاداعى ەڭسەلى عيماراتتار­دى, كوگالداندىرۋ جۇمىستارىن جاساۋدا ءبى­راز تاجىريبەسى بار كومپانيا رەتىندە ءبارىنىڭ كوڭىلىنەن شىعىپ, وسى جۇمىستىڭ قۇرى­لىسىنا جىبەرىلدى. قازىر كەشەننىڭ نەگىزگى بولىگى 80 پايىزعا, ال سىرتقى جۇمىستارى 95 پايىزعا اياقتالدى. جۇمىستىڭ ءبارى مەرزى­­مىنەن بۇرىن جاسالىنىپ جاتىر”. سونىمەن بىرگە ونىڭ ايتۋىنشا, سپورت كەشەنىنىڭ سىرت جاعىن كوگالداندىرۋ مەن اباتتاندىرۋ جۇمىستارى وسى اپتادا باستالىپ, جاقىن ۋاقىتتا بىتسە, ودان كەيىن كوپىر جانىنان اۆتوتۇراق سالىناتىن بولادى. ال ىشكى جۇمىستارعا كەلسەك, قازىر كەشەن جارىق, سۋ, جەلدەتكىش سياقتى ەڭ ءبىرىنشى كەزەككە كەرەك جابدىقتارمەن قامتاماسىز ەتىلىپ وتىر. جالپى قوسىمشا سىرعاناۋ كەشەنىندە ءبىر تريبۋنا سالىنسا, وندا 1500-دەن استام ادام جارىستى تاماشالاي الاتىن بولادى. وسى­نىڭ بارىمەن 15-20 مەردىگەر كومپانيالار جۇمىس ىستەۋدە. داستان كەنجالين, سۋرەتتەردى تۇسىرگەن  ورىنباي بالمۇرات. ءجۇز جولدىق جاڭالىقتار * حوككەيشىلەر ەلباسى كۋبوگىن ساراپقا سالادى. ۇستىمىزدەگى جىلعى 10-14 تامىز ارالىعىندا استاناداعى “قازاقستان” سپورت سارايىندا شاي­بالى حوككەيدەن قازاقستان رەس­پۋب­ليكاسىنىڭ پرەزيدەنتى نۇرسۇلتان نازارباەۆتىڭ كۋبوگى ءۇشىن حالىق­ارالىق تۋرنير وتكىزىلەدى. وعان رە­سەي, بەلارۋس, لاتۆيا جانە قازاق­ستان سىندى ءتورت ەلدىڭ ءبىر-بىردەن جاساقتارى قاتىسادى. جانكۇيەرلەر تۋرنيردە كونتينەنتالدى حوككەي ليگاسىندا وينايتىن جۇلدىزداردىڭ ونەرىن تاماشالاي الادى. بيىل تۇڭ­عىش رەت سورەدەن شىققالى تۇرعان بۇل تۋرنير “نۇر وتان” حالىقتىق پارتياسى مەن قازاقستان شايبالى حوككەي فەدەراتسياسىنىڭ باستا­ما­شى بولۋىمەن ۇيىمداستىرىلىپ وتىر. ءتۋرنيردىڭ كۇنتىزبەسىنە ساي تو­مەندەگى كوماندالار مىناداي كۇن­دەرى ءوزارا كەزدەسەدى: 10 تامىز. 15.00. “دينامو” (ريگا, لاتۆيا) – “دي­نا­مو” (مينسك, بەلارۋس). 19.00. “با­رىس” (استانا, قازاقستان) – “ات­لانت” (ماسكەۋ وبلىسى, رەسەي). 11 تامىز. 15.00. “اتلانت” – “دينامو” من. 19.00. “بارىس” – “دينامو” ر. 13 تامىز. 15.00. “اتلانت” – “دي­نا­مو” ر. 19.00. “بارىس” – “دينامو” من. 14 تامىز. 13.00. 3-4 ورىندار ءۇشىن ويىن. 17.00. 1-2 ورىندار ءۇشىن ويىن. * قازاقستان بوكسشىلارى بريتا­­نيادا جاتتىعۋعا كىرىستى. شىلدەنىڭ اقىرعى كۇنى ەلىمىزدىڭ ەڭ تاڭداۋلى بىلعارى قولعاپ شەبەرلەرى 10 كۇندىك وقۋ-جاتتىعۋ جيىنىن وتكىزۋ ءۇشىن بريتان ارالىنا اتتانىپ كەتتى. ءبىزدىڭ قۇراما وسى كۇندەرى مۇندا سونداي-اق انگليا, كۋبا جانە قى­تاي جاساقتارىمەن ماتچتىق كەز­دە­سۋلەر وتكىزەدى. بۇل قۇراما كومان­دانىڭ ازيا ويىندارى الدىنداعى باستى سىناعى بولماق. قۇرامانىڭ باس جاتتىقتىرۋشىسى مىرزاعالي ايتجانوۆ وزىمەن بىرگە ءبىرجان جا­قىپوۆ (48), ميراس جاقىپوۆ (51), دانيار تولەگەنوۆ (54), ءمادي شولاقوۆ (57), سامات باشەنوۆ (60), دانيار ەلەۋسىنوۆ (64), سەرىك ساپيەۆ (69), نۇرداۋلەت جارمانوۆ (75), المات سەريموۆ (81), ۆاسيلي لەۆيت (91), يۆان دىچكو (+91) ەسىمدى بوكسشىلاردى اكەتتى. * “استانا” مەنشوۆ پەن ارويا­نى الۋعا ارەكەت جاساپ جاتىر. كو­ماندا قاتارىنان “تۋر دە فرانس­تىڭ” ءۇش دۇركىن جەڭىمپازى يسپان­دىق البەرتو كونتادوردىڭ كەتەتىنى بەلگىلى بولعاسىن كلۋب باسشىلىعى ونىڭ ورنىن باساتىن لايىقتى ۆەلوسيپەدشىلەردى تابۋعا شۇعىل قام جاسادى. قازىر ولار “ۆۋەلتانىڭ” ەكى مارتە جەڭىمپازى, “دجيرو” چەم­پيونى رەسەيلىك دەنيس مەنشوۆپەن (Rabobank) جانە ءCaىsse d Epargne ليدەرى داۆيد اررويومەن كەلىسسوز جۇرگىزۋدە. ال وسىنىڭ الدىندا حورۆات روبەرت كيسەرلوسكيمەن كەلىسىم-شارت جاسالدى. * ەندىگى قوناقتار – ومان فۋتبولشىلارى. قازاقستان قۇراماسى ۇستىمىزدەگى جىلعى 11 تامىز كۇنى استاناداعى جابىق ستاديوندا ومان كومانداسىمەن جولداستىق كەزدەسۋ وتكىزەدى. وسىعان وراي قۇرامانىڭ باس جاتتىقتىرۋشىسى بەرند شتورك 3 تامىزدا دايىندىقتى باستاعالى وتىر. ول شاقىرعان 22 فۋتبولشى تالعارداعى جاتتىعۋ بازاسىنا جي­نالادى. وسى جەردەن ولار 9 تامىزدا ەلورداعا كەلەدى. “ەگەمەن-اقپارات”.