باستى باعىت – بالالاردى قورعاۋ

كەشە اقوردادا ەلىمىزدىڭ مەملەكەتتىك حاتشىسى, پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى گۇلشارا ابدىقالىقوۆا بۇۇ بالالار قورىنىڭ (يۋنيسەف) قازاقستانداعى وكىلى يۋري وكساميتنىيمەن كەزدەستى. مەملەكەتتىك حاتشى يۋ.وك­سامي­ت­نىيدى لاۋازىمعا تاعايىن­دالۋىمەن قۇتتىقتاپ, قازاقستان مەن يۋنيسەف اراسىنداعى تابىس­تى ىنتىماقتاستىقتىڭ جالعا­ساتىنىنا سەنىم ءبىلدىردى. سون­داي-اق, گ. ابدىقالىقوۆا الەمدەگى جانە ەلىمىز­دەگى بالالاردىڭ جاعدايىن جاقسار­تۋداعى يۋنيسەف-ءتىڭ ماڭىز­دى ءرولىن, بۇۇ-نىڭ دامۋ ماق­ساتىنداعى كومەك كورسەتۋ جونىندەگى نەگىزدەمەلىك باعدارلاماسىن ورىن­داۋ بويىنشا ەلىمىزدەگى مەملە­كەتتىك ورگانداردىڭ بەلسەندى جۇ­مىسىن اتاپ ءوتتى. باق وكىلدەرىنە بەرگەن سۇح­باتىندا ءبىلىم جانە عىلىم ۆيتسە-ءمينيسترى ەسەنعازى يمانعاليەۆ اتالعان مينيسترلىك بۇۇ-نىڭ بالالار قورىمەن 1992 جىلى شارتقا قول قويعاندىعىن ايتا كەلە, وسى شارتتىڭ اياسىندا كوپتەگەن اۋقىمدى جۇمىستار اتقارىلىپ جاتقاندىعىن حابارلادى. 2012-2014 جىلدارعا ارنالعان ەكى جىلدىق باعدارلاما بار بولاتىن, سونىڭ بارىسىندا تەك قانا ءبىلىم جانە عىلىم مينيسترلىگى ەمەس, سونىمەن قاتار, دەنساۋلىق ساقتاۋ جانە الەۋمەتتىك دامۋ مينيسترلىگى, ادىلەت مينيسترلىگى جانە ىشكى ىستەر مينيسترلىگى بەلسەندىلىك تانىتتى. سونىمەن قاتار, بۇۇ بالالار قورىنىڭ قازاقستانداعى وكىلى يۋ.وكساميتنىي سوڭعى جيىرما جىل ىشىندە قازاقستان وزگە دە ەل­دەرمەن سەرىكتەس بولىپ كەلە جات­قاندىعىن ايتا كەلىپ, بىرىگىپ جاساعان جۇمىستار ناتيجەسىندە جاڭا تۋعان نارەستەلەر مەن بالالار ءولىمىنىڭ ازايۋىنا قول جەت­كى­زىلگەنىنە جانە دەنساۋلىق ساق­تاۋ مەن ءبىلىم بەرۋ سالاسىندا جەتىس­تىكتەر بار ەكەنىنە توقتالدى. باس­تى باعىتتاردىڭ ءبىرى دە بالالار قۇقىعىن قورعاۋ تۋراسىنداعى بىرلەسكەن شارالاردىڭ ارقاسىندا جۇزەگە اسىرىلىپ جاتقاندىعىن باستى نازاردا ۇستاعان ول, قازىرگى تاڭدا سەرىكتەستىك بارىسىندا كەزەكتى بەس جىلدىق باعدارلاما جاسالىپ جاتقاندىعىن اتادى. قازىرگى تاڭدا يۋنيسەف-پەن ءوزارا بايلانىس ارقىلى جانە 2010-2015 جىلدارعا ارنالعان ەلدىك باعدارلامانىڭ بارىسىندا وتباسى مەن قوعامنىڭ الەۋەتىن نىعايتۋ, الەۋمەتتىك جانە باسقارۋ ساياساتىن ازىرلەۋ, الەۋمەتتىك قورعاۋ جۇيەسىن جەتىلدىرۋ بويىنشا ءىس-شارالار تابىستى جۇزەگە اسىرىلۋدا. باعدارلاما باسىمدىقتارىنىڭ ءبىرى وڭتۇستىك قازاقستان جانە شى­عىس قازاقستان وبلىستارىنىڭ, بۇ­عان قوسا, سەمەي سىناق الاڭى مەن ارال ايماعىنداعى بالالاردىڭ جاع­دايىن جاقسارتۋ بولىپ تابىلادى. كەزدەسۋگە قاتىسۋشىلار بالالاردى قورعاۋدىڭ وزەكتى ماسە­لەلەرىن, ءبىلىم بەرۋ, دەنساۋلىق ساق­تاۋ جانە الەۋمەتتىك دامۋ سالا­لار­ىنداعى ىنتىماقتاستىقتىڭ كەلەشەگىن تالقىلادى. بۇل ورايدا ءانشى, قازىرگى ۋاقىتتا ۇلتتىق كوميسسيانىڭ جاڭادان قوسىلعان مۇشەسى بولىپ وتىرعان قاراقات ءابىلدينا قوعامداعى ايەلدەردىڭ ورنى مەن ءرولى تۋراسىنداعى ويىمەن ءبولىستى. ەلباسىنىڭ «وتباسى – باستى قۇندىلىعىمىز» دەگەن ءسوزىن مىسالعا كەلتىردى. ەلميرا ماتىباەۆا, «ەگەمەن قازاقستان».