ۇلتتىق بانك بيىل 6 ناۋرىزدا دا بازالىق مولشەرلەمەنى 18 پايىز دەڭگەيىندە قالدىرعان ەدى.
«ۇلتتىق بانكتىڭ اقشا-كرەديت ساياساتى جونىندەگى كوميتەتى بازالىق مولشەرلەمەنى جىلدىق 18 پايىز دەڭگەيىندە بەلگىلەدى. پايىزدىق ءدالىز +/- 1,0 پ.ت. قۇرادى», دەلىنگەن حابارلامادا.
يپوتەكالىق نارىق كەڭەيتىلدى: كوممەرتسيالىق بانكتەر جاڭا جۇيەگە قوسىلدى
ايتا كەتەيىك, بازالىق مولشەرلەمە ەكونوميكاداعى نەسيە, دەپوزيت جانە اقشا قۇنىنىڭ «باعىت بەرۋشى باعاسى» فاكتورى رەتىندە قىزمەت اتقارادى. بۇعان دەيىن ەلدىڭ باس بانكيرى تيمۋر سۇلەيمەنوۆ بازالىق مولشەرلەمەنى بەكىتۋ ءۇشىن جانار-جاعارماي باعاسى, كوممۋنالدىق تاريف قۇنى قالاي وسكەنىن, سونداي-اق بيزنەستىڭ جاڭا سالىق وزگەرىستەرىنە قالاي بەيىمدەلەتىنىن بايقايتىنىن اتاپ وتكەن بولاتىن.
وسىعان دەيىن Halyk Finance ساراپشىلارى دا ۇلتتىق بانك مولشەرلەمەنى وزگەرىسسىز قالدىرادى دەپ بولجاعان ەدى. مامانداردىڭ پايىمداۋىنشا, ينفلياتسيانىڭ باياۋلاۋى ءالى دە تۇراقسىز. سوندىقتان ماۋسىم ايىنداعى شەشىم دە قازىرگى كورسەتكىشتەن اۋىتقىماۋى ىقتيمال.
