فوتو: اشىق دەرەككوز
«قازگيدرومەت» مالىمەتىنشە, رەسپۋبليكانىڭ باسىم بولىگىندە نايزاعاي ويناپ, جاڭبىر جاۋادى. ال سولتۇستىك ايماقتاردا جاڭبىر قارعا ۇلاسۋى مۇمكىن. كەي جەرلەردە بۇرشاق جاۋىپ, داۋىلدى جەل تۇرادى دەپ كۇتىلەدى. سونداي-اق تۇنگى جانە تاڭعى ۋاقىتتا تۇمان تۇسەدى.
26 ءساۋىر كۇنى باتىس جانە سولتۇستىك-باتىس وڭىرلەردە, ال 27 ساۋىردە سولتۇستىك, شىعىس جانە ورتالىق ايماقتاردا تۇنگى تەمپەراتۋرا -2°C-قا دەيىن تومەندەپ, ۇسىك ءجۇرۋى مۇمكىن.
كۇندىزگى اۋا رايىنا كەلسەك, تەمپەراتۋرا بىرقاتار وڭىردە تومەندەيدى:
- سولتۇستىكتە – +10…+15°C;
- ورتالىقتا – +10…+18°C;
- شىعىستا – +7…+20°C.
ەلدىڭ باتىسىندا عانا اۋا تەمپەراتۋراسى بىرتىندەپ كوتەرىلىپ, كۇندىز +15...+20°C-قا دەيىن جىلىنادى دەپ بولجانعان.
ەسكە سالا كەتەيىك, بۇگىن, 24 ءساۋىر كۇنى رەسپۋبليكانىڭ باسىم بولىگىندە اۋا رايى قۇبىلمالى بولادى.
