فوتو: اشىق دەرەككوز
اق ۇيدە وتكەن كەزدەسۋلەرگە يزرايل مەن ليۆان ەلشىلەرى قاتىسىپ, تاراپتار اراسىنداعى ديالوگتىڭ ەكىنشى كەزەڭى وتكىزىلگەن. ترامپ كەلىسسوزدەردىڭ ناتيجەسىن «وتە ءساتتى» دەپ باعالاپ, اقش ليۆانعا «حەزبوللا» توبىنا قارسى قورعانىس جۇيەسىن نىعايتۋعا كومەكتەسەتىنىن ايتتى.
سونىمەن قاتار ول الداعى ۋاقىتتا يزرايل پرەمەر-ءمينيسترى بينيامين نەتانياحۋ جانە ليۆان پرەزيدەنتى جوزەف اۋنمەن كەزدەسۋ جوسپارلانىپ وتىرعانىن جانە بيىل ەكى ەل بەيبىت كەلىسىمگە كەلۋ ىقتيمالدىعى جوعارى ەكەنىن اتاپ ءوتتى.
كەلىسسوزدەرگە «حەزبوللا» وكىلدەرى قاتىسپاعان. توپ وكىلدەرى اتىستى توقتاتۋ رەجيمىن قولدايتىنىن, بىراق يزرايل تاراپىنان كەلىسىم تولىق ساقتالۋى ءتيىس ەكەنىن مالىمدەگەن. سونداي-اق ولار تىكەلەي كەلىسسوزدەرگە قارسى ۇستانىمىن ءبىلدىردى.
مەملەكەت باسشىسى يزرايل پرەزيدەنتىنە قۇتتىقتاۋ جەدەلحاتىن جولدادى
اتىستى توقتاتۋ تۋرالى ۋاعدالاستىق وتكەن اپتاداعى ۆاشينگتونداعى كەلىسسوزدەردەن كەيىن جاسالىپ, قاقتىعىستار دەڭگەيىن ايتارلىقتاي تومەندەتكەنىمەن, ليۆاننىڭ وڭتۇستىگىندە شيەلەنىس ءالى دە جالعاسىپ جاتىر.
نۇربولات امانبەك
