فوتو: اشىق دەرەككوز
جاڭا جۇيە بانكارالىق ءموبيلدى تولەمدەر ينفراقۇرىلىمى نەگىزىندە جۇمىس ىستەيدى جانە كليەنتتەرگە ءارتۇرلى بانكتەر اراسىندا تەلەفون ءنومىرى ارقىلى اقشا اۋدارۋ, سونداي-اق QR-كود ارقىلى تولەم جاساۋ مۇمكىندىگىن قاراستىرادى.
ۇلتتىق بانك مالىمەتىنشە, ءتيىستى زاڭعا ەنگىزىلگەن وزگەرىستەر كۇشىنە ەنگەننەن كەيىن بولشەك تولەمدەرمەن جۇمىس ىستەيتىن بارلىق بانكتەر جۇيەگە قوسىلۋعا مىندەتتەلەدى. بانكتەر بەلگىلەنگەن مەرزىمگە دەيىن تەحنيكالىق دايىندىقتان ءوتىپ, كليەنتتەرگە جاڭا سەرۆيستەردى ۇسىنۋى ءتيىس.
قازىرگى ۋاقىتتا 16 بانك جۇيەگە قاتىسۋىن راستاعان. ونىڭ ىشىندە 12-ءسى – بانكارالىق اقشا اۋدارىمداردى, 7 بانك جانە «قازپوشتا» QR-تولەمدەردى ىسكە قوسقان.
ۇلتتىق بانك جۇيەنىڭ تەحنيكالىق تۇرعىدان تولىق دايىن ەكەنىن, الايدا ەنگىزۋ قارقىنى ءار بانكتىڭ ىشكى دايىندىعىنا بايلانىستى ەكەنىن اتاپ ءوتتى. بىرىڭعاي QR جۇيەسىن ەنگىزۋ بانكتەردىڭ ءوز جەكە تولەم سەرۆيستەرىن دامىتۋىنا شەكتەۋ قويمايدى.
