بۇل – ساليقالى ساياسات جەمىسى

كەشە «قازاقستان جاستارى كون­گرەسى» زاڭدى تۇلعالار بىرلەستىگىنىڭ وكىلدەرى 26 ساۋىردە وتەتىن قازاقستان پرەزيدەنتىن كەزەكتەن تىس سايلاۋعا بايلانىستى ءوز وي-پايىمدارىمەن ءبولىسىپ, مالىمدەمە جاسادى. ءمالىم­دەمەنى بىرلەستىكتىڭ اتقارۋشى ديرەكتورى ايدىن ءسابيتوۆ وقىپ بەردى. وندا بىلاي دەلىنىپتى: «ءبىز, «قازاقستان جاستارى كونگرەسىنىڭ» مۇشەلەرى, ەلدەگى جاستاردىڭ ەڭ ءىرى بىرلەستىگىنىڭ وكىلدەرى قازاقستان رەسپۋبليكاسىنىڭ پرەزيدەنتى, ەلباسى نۇرسۇلتان ءابىش ۇلى نازارباەۆتىڭ كانديداتۋراسىنىڭ ۇسىنىلۋىن ءبىراۋىزدان قولدايمىز. تاۋەلسىزدىككە قول جەتكەننەن بەرگى جىلدارى ەلىمىزدىڭ ەكونوميكاسى وركەندەپ, حالىقتىڭ ءال-اۋقاتى جاقسارىپ, مادەنيەتىمىز جاندانىپ, قازاقستان الەم الدىندا بەدەلدى ەلگە اينالدى. ەلىمىزدىڭ وسى كۇنگە دەيىنگى قول جەتكىزگەن جەتىستىكتەرى مەن حالىقارالىق ارەناداعى بەدەلى ەلباسىمىزدىڭ ساليقالى ساياساتىنىڭ جەمىسى دەپ بىلەمىز». سونداي-اق, ا.ءسابيتوۆ «مەم­لەكەت ءبىزدىڭ سانامىزدا ەرتەڭگى كۇنگە دەگەن سەنىمدىلىكتى وياتادى. ماسەلەن, ەلباسى باستا­ما­سىمەن قولعا الىنعان «2050-سترا­تەگياسى» مەن «نۇرلى جول» جاڭا ەكونوميكالىق ساياساتى قازاق­ستاننىڭ جاقىن 5 جىلدىڭ ىشىندە عالامدىق گەوساياسي جانە ەكونوميكالىق قيىندىقتاردى ەڭسەرۋىنە جول اشاتىن بولادى. ول ءۇشىن ءبىزدىڭ ەلىمىزدە بارلىق جاعداي قاراستىرىلعان. ياعني, قازاقستان جاستارىنىڭ جوعارى ءبىلىم الىپ, جاقسى جۇمىسقا ورنالاسۋلارىنا, الەمنىڭ جەتەكشى وقۋ ورىندارىندا ءدارىس الىپ, وزدەرىنىڭ كاسىبي بىلىكتىلىكتەرىن ارتتىرۋلارىنا دا مۇمكىندىكتەر بەرىل­گەن», – دەدى. وسىلاي دەي كە­لە, ول بۇل ويدى بارشا قازاق جاس­تا­رىنىڭ قولدايتىنىنا سەنىم ءبىلدىردى. ءلايلا ەدىلقىزى, «ەگەمەن قازاقستان». استانا.