مىندەتتەر ايقىندالدى

كەشە پرەمەر-ءمينيستردىڭ ورىنباسارى ب.ساپارباەۆتىڭ توراعالىعىمەن الەۋمەتتىك سالا­داعى كەڭ اۋقىمدى ماسەلەلەردى تالقىلاۋ بويىنشا سەلەكتورلىق ءماجىلىس ءوتتى. وعان قاتىسۋشىلار وتان قورعاۋشىلار كۇنىن مەرەكەلەۋ بويىنشا تۇجىرىمدامانىڭ جوباسىن جانە ءىس-شارالار جوس­پارىن تالقىلادى. اتالعان قۇجاتتاردا مەرەكەنى ناسيحاتتاۋ, جاستار اراسىندا پاتريوتتىق سەزىمدەردى كۇشەيتۋگە قاتىستى ءىس-شارالار ايقىندالعان. ۆي­تسە-پرەمەر مەملەكەتتىك ورگان باس­شىلارىنىڭ نازارىن جوسپار­دىڭ ۋاقتىلى جانە ساپالى ورىندالۋى قاجەتتىگىنە اۋداردى. سونىمەن قاتار, ماجىلىستە جۇ­مىسشىلاردىڭ ەڭبەك قۇ­قىق­تارىنىڭ ساقتالۋى جانە وعان كەپىلدىگى مەن جالاقىنى ۋاقتىلى بەرۋ ماسەلەلەرى قاراستىرىلدى. وبلىس باسشىلارىنىڭ قاتىسۋىمەن وتكەن سەلەكتور بارىسىندا ەڭبەك­اقىنى ۋاقتىلى تولەمەي وتىرعان كاسىپورىندار ناقتى اتالىپ, جۇمىسى تالقىعا ءتۇستى. ب.ساپارباەۆ مۇددەلى مەم­لەكەتتىك ورگاندارعا ەڭبەكاقى ءجو­نىندە بەرەشەكتىكتى جويۋ بويىنشا  ءتيىستى شارالاردى قابىل­داۋدى تاپسىردى. «باستى ماقسات – الەۋمەتتىك شيە­لەنىستى تۋعىزباۋ, دەدى ۆيتسە-پرەمەر. الەۋمەتتىك تۇراق­سىز­دىققا جول بەرمەۋ ماقساتىندا الدىن الا ءتيىستى شارالار قابىلداۋ قاجەت. وسىعان وراي مەملەكەتتىك ورگانداردىڭ باسشىلارىنا ورىن الۋى مۇمكىن كەلەڭسىز جاعدايلاردى دەر كەزىندە شەشۋ ماقساتىندا اپتا سايىن قاراستىرۋ تاپسىرىلدى. سونداي-اق, ماجىلىستە قىزىل­شاعا قارسى جۇرگىزىلگەن ەكپەنىڭ ارالىق ناتيجەلەرى تالقىلاندى. يممۋنيزاتسيا ناتيجەسىندە جارامسىز بەلگىمەن 396 ادام ءجۇ­گىنىپ, 264-ءى ەمحاناعا تۇسكەن. قا­زىرگى تاڭدا ولاردىڭ بارلىعى ساۋىققان. دارىلىك, مەديتسينالىق جانە مەدتەحنيكالىق قۇرالدارعا ۇلتتىق ساراپتاما جاساۋ ورتالى­عىنىڭ ارالىق ناتيجەلەرىنە ءساي­كەس ونىڭ قۇرامىندا اۋىتقۋ باي­قالماعان. سوڭعى ساراپتاما 20 ساۋىرگە دەيىن بەلگىلى بولىپ, الداعى ۋاقىتتا ەگۋ جۇمىستارىن جۇرگىزۋ قاجەتتىلىگى ايقىندالادى. ب. ساپارباەۆ: «20 ساۋىرگە دەيىن ءبىز بارلىق سەبەپتەردى انىقتاپ, قانداي اعاتتىق كەتكەنىن ايقىنداپ, الداعى ۋاقىتتا سول قاتەلىكتەرگە بوي الدىرماۋدى شەشۋىمىز قاجەت. ەگەر كىنالىلەر بولسا, ولار  جازاسىن الۋى ءتيىس», دەدى. سونىمەن قاتار, ءماجىلىس بارىسىندا اقمولا وبلىسىنىڭ كا­­لاچي جانە باتىس قازاقستان وب­لى­سىنىڭ بەرەزوۆكا اۋىل­دار­ىنداعى ورىن الىپ جاتقان جاع­­دايلار تالقىلاندى. جۇمىس توبىنىڭ جەتەكشىسى, ەنەر­گە­­تيكا ۆيتسە-ءمينيسترى ت.اح­سامبيەۆ بايانداعانداي, قازىر­­گى تاڭدا كالاچي اۋىلىندا ۇلت­­تىق يادرولىق ورتالىقتىڭ ءبىر توپ ماماندارى اتالمىش ءوڭىر­دىڭ ەكولوگيالىق جاعدايىن زەرت­تەۋ بويىنشا جۇمىستى جالعاس­تىرۋدا. ۆيتسە-ءمينيستردىڭ ايتۋىن­شا پراگا قالاسىنىڭ راديا­تسيالىق قورعاۋ ۇلتتىق ينستيتۋتى مەن ماسكەۋ قالاسىنىڭ فەدە­رالدىق مەديتسينالىق-بيولوگيا­لىق اگەنتتىگى جۇرگىزگەن ساراپتا­مالاردىڭ ناتيجەلەرى كورسەتكەندەي كالاچي اۋىلى تۇرعىندارىنىڭ رادوندىق ساۋلەلەنۋى مەن «ۇيقى سيندرومىنىڭ» ءوزارا قاتىسى جوق. ءماجىلىس سوڭىندا ب.ساپارباەۆ كالاچي جانە بەرەزوۆكا اۋىلدارىندا ورىن الىپ وتىرعان جاع­دايلاردى انىقتاۋ جۇمىس­تارىن جالعاستىرۋدى جانە اۋىل تۇرعىندارىنا ساپالى مەدي­تسينالىق قىزمەت كورسەتۋ, ەكولو­گيالىق احۋالدى ۇنەمى قاداعالاپ وتىرۋدى تاپسىردى, دەپ حابارلادى پرەمەر-ءمينيستردىڭ ءباسپاسوز قىزمەتى.