سلوۆاكيالىق ارىپتەسىمەن كەزدەستى

قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆتىڭ سلوۆاكيا سىرتقى ىستەر مينيسترلىگىنىڭ مەملەكەتتىك حاتشىسى, ەو-نىڭ ورتالىق ازيا بويىنشا ارنايى وكىلى قىزمەتىنەن ۇمىتكەر پەتەر بۋريانمەن كەزدەسۋى ءوتتى. كەزدەسۋ بارىسىندا حالىق­ارا­لىق كۇن ءتارتىبىنىڭ كەڭ اۋقىمدى ءما­سەلەلەرى, سونىڭ ىشىندە قازاقستان مەن ەو ىنتىماقتاستىعى, كوپجاق­تى ينستيتۋتتار شەڭبەرىندە ىقپال­داستىعى جانە قازاقستان-سلوۆاكيا ەكىجاقتى قاتىناستارى دامۋىنىڭ باسىمدىقتارى تالقىلاندى. سۇحباتتاستار ورتالىق ازيا تۇ­راقتىلىعى مەن قاۋىپسىزدىگىن قام­تا­ماسىز ەتۋ ىسىندە قازاقستان ۇلەسىن اتاپ ءوتتى. اۋعانستاندى قالپىنا كەلتىرۋ جونىندەگى حالىقارالىق ارەكەتتەر اياسىندا قاۋىپسىزدىك, شەكارالاردا ىقپالداستىقتى كۇشەيتۋ, ەسىرتكى تاسىمالى, ادام ساۋداسى, لاڭكەستىك پەن ەكسترەميزمگە قارسى تۇرۋ سالالارىندا ەو-نىڭ ورتالىق ازيا وڭىرىمەن ىنتىماقتاستىقتى جالعاستىرۋ قاجەتتىلىگى اتالىپ ءوتتى. وسى تۇرعىدا 11 ناۋرىزدا دۋشانبەدە وتكەن قاۋىپسىزدىك ماسەلەلەرى بويىنشا جوعارى دەڭگەيدەگى «ەو-وا» ۇنقاتىسۋىنىڭ 2-ءشى وتىرىسى ماقۇلداندى. ە.ىدىرىسوۆ ساۋدا-ەكونو­مي­كالىق جانە ينۆەستيتسيالىق ىنتى­ماق­تاستىق تۋرالى ءسوز قوزعاپ, قازاق­ستان مەن ەو اراسىنداعى ساۋدا اينالىمى سوڭعى 10 جىلدا 13 ەسە, ال قازاقستان ەكونوميكاسىنا تارتىلعان ەۋروپالىق ينۆەستيتسيالاردىڭ كولەمى 10 ەسە ارتقانىن اتاپ ءوتتى. قازاقستان ساۋدا اينالىمىنىڭ جانە ەلگە تارتىلعان شەتەل ينۆەس­تيتسيالارىنىڭ جارتىسى ەۋروپا ەلدەرىنىڭ ۇلەسىنە تيەدى. سونىمەن قاتار, قازاقستان جانە سلوۆاكيا اراسىنداعى ساۋدا اينالىمى كولەمىنىڭ وڭ ەكپىنى دە اتاپ ءوتىلدى. بۇگىندە قازاقستان-سلوۆاكيا قا­تى­ناستارىندا جوعارى دەڭگەيدەگى بەلسەندى سايا­سي ۇنقاتىسۋلار ءجيى وتەدى, كەلىسىمشارتتىق-قۇقىق­تىق بازا دا جەتىلدىرىلۋدە. سونى­مەن قاتار, پارلامەنتارالىق ىنتى­ماق­تاس­تىقتىڭ جوعارى دەڭگەيى مەن ەكو­نوميكالىق جانە عىلىمي-تەحني­كالىق ىنتىماقتاستىق بويىنشا قۇ­رىلعان قازاقستان-سلوۆاكيا پارلا­مەنتارالىق كوميسسياسى جۇمى­سىنىڭ ماڭىزدىلىعى دا ەرەكشە اتاپ ءوتىلدى. «ەگەمەن-اقپارات».