قوستانايداعى قازاق-تۇرىك ليتسەيىندە تاعى دا بالالار استان ۋلاندى

قوستاناي. 21 مامىر. وبلىس ورتالىعىنداعى قازاق-تۇرىك ليتسەيىندە وقۋشىلاردىڭ استان تاعى جاپپاي ۋلانۋى ورىن الدى.  بۇل تۋرالى egemen.kz حابارلادى. استان ۋلانۋدان توعىز وقۋشى زارداپ شەككەن, ولاردىڭ جەتەۋى قوستاناي قالالىق اۋرۋحاناسىنا, 2 وقۋشى قالالىق بالالار اۋرۋحاناسىنا تۇسكەن. انىق بولعانىنداي, جوعارى جانە تومەنگى سىنىپتاردىڭ وقۋشىلارى جەڭىل دارەجەدە ۇشىنعان. وبلىس اكىمدىگى اپپاراتىنىڭ كەڭەيتىلگەن ماجىلىسىندە وبلىس اكىمى نۇرالى سادۋاقاسوۆ وبلىستىق ءبىلىم باسقارماسىنىڭ باسشىسى ءاليا تورتقاراەۆاعا بالالاردىڭ ۋلانۋ سەبەبىن ءۇش كۇننىڭ ىشىندە انىقتاۋدى تاپسىردى. تورتقاراەۆانىڭ مالىمەتىنشە, قازاق-تۇرىك ليتسەيىنە جىلدىڭ باسىندا ىدىسدار مەن اسحانا جابدىعىن جاڭارتۋ ءۇشىن قارجى بولىنگەن. ەسكە سالا كەتسەك, بىلتىردان بەرى جىل تاۋلىگى كولەمىندە قوستاناي وبلىسىندا بالالاردىڭ ءۇش رەت جاپپاي ۋلانۋى ورىن الدى. ۇزىنكول اۋدانىنداعى مەكتەپتە 54 بالا, قازاق-تۇرىك ليتسەيىندە 37 بالا اۋرۋحاناعا ءار ءتۇرلى دارەجەدەگى جاعدايدا تۇسكەن بولاتىن. وتكەن جىلى قازاق-تۇرىك ليتسەيىندەگى ۋلانۋعا اسپازداردان تابىلعان ستافيلاكوكك سەبەپ  بولعان. ءنازيرا جارىمبەتوۆا. دەرەك, سۋرەت: egemen.kz