قازاقستاندا ءبىرىنشى رەت Cisco Connect-2015 كونفەرەنتسياسى وتەدى

الماتى. 21 مامىر. ورتالىق ازياداعى Cisco Connect كونفەرەنتسياسى الماتى قالاسىندا وسى جىلدىڭ 29-30 قىركۇيەگىندە وتەدى. بۇل تۋرالى egemen.kz ءتىلشىسى حابارلادى. Cisco Connect – بۇل رەسەي اۋماعى مەن ونىڭ ماڭىنداعى مەملەكەتتەر اراسىنداعى ءىرى كونفەرەنتسيا بولىپ تابىلادى. جيىندا اقپاراتتىق تەحنولوگيالىق كومپانيالاردىڭ توپ-مەنەدجەرلەرى, سالا ماماندارى مەن باسشىلارى, كاسىپكەرلەر, جۋرناليستەر مەن ستۋدەنتتەر باس قوسادى. بۇعان دەيىن Cisco Connect كونفەرەنتسياسىنا 43 دەمەۋشى-كومپانيا, 70 مەدياارىپتەستەر قاتىسىپ, جينالعاندار سانى رەكوردتىق كورسەتكىش – 3374 ادامعا جەتكەن. ايتا كەتەيىك, كونفەرەنتسيا وتكەن جىلى ماسكەۋدە ۇيىمداستىرىلعان بولاتىن. وسى جىلى ەلىمزدە وتكىزىلەتىن جيىندا ابدەن دامىپ كەلە جاتقان ينتەرنەتتىڭ كەلەشەگى, ونىڭ بىرىكتىرۋشى كۇشى مەن عالامدىق جەلىگە كۇن سايىن جالعانىپ جاتقان ادامدار, قۇرىلعىلار مەن ۇدەرىستەر ايتىلىپ, قاتىسۋشىلاردىڭ تالقىسىنا تۇسەدى. Cisco Connect بولجامى بويىنشا 2020 جىلعا قاراي ينتەرنەتكە 50 ميللياردتان استام قۇرىلعى جالعانىپ, تەحنولوگيالىق كومپانيالاردىڭ كەلەشەگىنە ۇلكەن جول اشىلماق. ايناش ەسالي. دەرەك, سۋرەت: egemen.kz.