“قازاقتەلەكوم” ۇجىمدىق بلوگىنىڭ كىندىگى كەسىلدى

تاياۋ كۇندەرى – “قازاقتەلەكوم” اق باسشىلىعى ءوزىنىڭ كورپوراتيۆتىك بلوگىن قۇرعانى تۋرالى ءباسپاسوز ءماسليحاتىندا مالىمدەپ, جارتى جىلدىقتى قورىتىندىلادى. اقپاراتتىق تەحنولوگيالار زامانىندا عالامتوردا ءوز ءۇنىڭنىڭ بولۋى – بۇل تەلەكوممۋنيكاتسيالىق كومپانياعا لايىقتى ءۇردىس. زامانا ۇدەرىسى باسقا ەمەس, ءوز دەگەنىن جاساتادى. ال پىكىر-ۇسىنىس ءبىلدىرىپ, كوزقاراسىڭدى قورعاۋدا بلوگ قۇرۋ تاپتىرماس ءادىس ءارى ينتەرنەتتىڭ ەڭ ۇتىمتى يگىلىگىنىڭ ءبىرى دە وسى. ەندىگى جەردە كەز-كەلگەن ادامنان باستاپ, “قازاقتەلەكومنىڭ” قىزمەتىن پاي­­- دا­لاناتىندار, توپ-مەنەدجەر­لەر­مەن بىرگە وپەراتوردىڭ  قاراپايىم قىز­مەتكەرىنە دەيىن www.blog.telecom.kz ۆەب-سايتى ارقىلى ءوزارا ەركىن پىكىر الماساتىن بولادى. بۇل تۋرالى كومپانيانىڭ باسقارما مۇشەلەرى الماتىدا وتكەن ارنايى ءباسپاسوز ءماسليحاتىندا باياندادى. ەلەۋلى وقيعانى بۇقاراعا جاريا ەتۋ بارىسىندا “قازاقتەلەكوم” اق باسقارما توراعاسى قۋانىشبەك ەسە­كەەۆ كومپانيادا بۇگىندە باس­قارۋدىڭ زاماناۋي ادىستەرى ەنگىزىلىپ, ونىڭ ءبىرى –  كورپوراتيۆتىك بلوگ ارقىلى اقپاراتتىق ءوزارا ارەكەت ەتۋ بولىپ تابىلاتىندىعىن اتادى. – قازىرگى تاڭدا كومپانيا قازاق­ستان­دىقتاردىڭ يگىلىگى ءۇشىن باي­لانىس قىزمەتىنىڭ سان الۋان ءتۇرىن ۇسىنۋدا. سوندىقتان  ينتەرنەتكە شى­عىپ, بلوگ سالاسىندا جۇمىس باس­تاۋعا شەشىم قابىلدادىق. مەنىڭشە, كورپوراتيۆتىك بلوگ ارقىلى ابونەنتتەردىڭ قىزمەتتەردى قولدانۋى كەزىندە تۋىندايتىن كوپتەگەن ماسەلەلەردى شەشە الامىز, – دەدى قۋانىشبەك ەسەكەەۆ. سونىمەن قاتار, “قازاق­تەلە­كومنىڭ” بيىلعى العاشقى 6 ايداعى تازا تابىسى 20 ملرد. 635 ميلليون تەڭگەنى قۇراعان. بۇل وتكەن جىلدىڭ وسى كەزەڭىمەن سالىستىرعاندا 2 ەسە ارتىق. جانە ۇستىمىزدەگى جىلدىڭ 6 ايىندا كومپانيا قۇنى 24,1 ميل­لي­ارد تەڭگە قۇرايتىن قۇرال-جابدىقتار, جۇمىس جانە قىزمەت تۇرلەرىن ساتىپ الۋعا 5,5 مىڭنان استام كەلىسىم-شارت جاساعان. ونىڭ ىشىندە قازاقستاندىق ۇلەس 62,3 پايىز, ال اعىمداعى جوسپارلىق كورسەتكىش 54,5 پايىز ەدى. تەك جارتى جىلدىڭ ىشىندە جاڭا 126 437 تەلەفون ءنومىرى ورناتىلعان. بۇگىندە ەلىمىزدىڭ ءاربىر 100 تۇرعىنىنا 22,7 نومىردەن كەلەدى.  وسىلايشا “قازاقتەلەكوم” اق ءوزىنىڭ بۇقارا الدىنداعى قىزمەتىن كۇشەيتۋدى ۇزدىكسىز جالعاستىرىپ كەلە جاتقان­دىعىن دايەكتەۋدە. – ءبىز ءوز كليەنتتەرىمىزبەن جۇمىس ىستەۋدى بارىنشا جاقسارتىپ كەلەمىز. ويتكەنى ابونەنتتەرمەن تىعىز باي­لا­نىستا بولۋىمىز مول تابىسقا باس­تايدى. ءدال قازىرگى كەزدە “قا­زاق­تەلەكومنىڭ” قىزمەتىن تۇ­تى­ناتىن­داردىڭ سانى 3,5 ميلليوننان استى, – دەدى كومپانيانىڭ باس كوممەر­تسيالىق ديرەكتورى اسقار ەسەر­كەگەنوۆ. ال, جاڭا اشىلعان كورپوراتيۆتىك بلوگىنا كەلەتىن بولساق, ول ەلىمىزدەگى العاشقى بلوگينگ. بۇل عالامتور سالاسى دامىعان تۇستا تۋىنداپ وتىرعان قاجەتتىلىك ەكەندىگىن جو­عارىدا اتادىق. وندا ابونەنتتەر كومپانيانىڭ باسشىلارىنان باستاپ, توپ-مەنەدجەرلەرى مەن قاراپايىم قىزمەتكەرىنە دەيىن تىكەلەي بايلانىسقا شىعىپ, كوكەيدەگى ساۋالعا ناقتى جاۋاپ الادى. “قازاقتەلەكوم” باسشىلىعىنىڭ ايتۋىنشا,  ۇجىمدىق بلوگ ارقىلى ونلاين كونفەرەن­تسيالاردى دا وتكىزۋگە بولادى. –  كورپوراتيۆتىك بلوگينگ دەگەن جال­پى قازاقستان ءۇشىن جاڭا قۇ­بىلىس. ءبىزدىڭ بلوگتىڭ كەلەرمەندەرى باس­تاپقىدا كەمشىلىكتەرىمىز بولسا,  تۇسىنە قارايدى دەپ ويلايمىز. جانە كليەنتتەرىمىزدىڭ بارلىق تۇسىنىك­تەمەلەرى مەن تىلەكتەرىنە جاۋاپ­كەر­شىلىكپەن قاراپ, جەدەل ءۇن قاتىسىپ وتىراتىن بولامىز, – دەيدى  “قازاقتەلەكوم” اق ستراتەگيالىق باسقارۋ جونىندەگى باس ديرەكتورى باتىر ماحانبەتاجيەۆ. كومپانيا جەتەكشىلىگى جاڭادان تۇ­ساۋى كەسىلگەن بلوگ ارقىلى وڭىرلەردەگى ابونەنتتەردىڭ دە “قازاق­تەلەكومنىڭ” قىزمەتىنە بايلانىستى  قانداي دا ءبىر تۇيتكىلدى تالاپتارى بولسا ءبىلىپ وتىرۋعا مۇمكىندىك تە تۋاتىندىعىن ايتادى. “قازاقتەلەكوم” اق اقپاراتتىق تەحنولوگيالار جونىندەگى باس ديرەكتورى مارات ابدىلدابەكوۆ بلوگتىڭ Wordpress  پلاتفورماسىندا قۇرىلعاندىعىن جانە ول ۇدايى جاڭارتىلىپ وتىراتىندىعىن اتادى. كىندىگى كەسىلگەن بلوگتىڭ  قازاقشا ارىپتەردى قولدايتىن  پلاتفورمادا ورنالاسۋى قۇپتارلىق-اق. مۇنىڭ ءوزى دە ۇلتتىق وپەراتورىمىزدىڭ مەملەكەتتىك تىلگە قۇرمەتى مەن وڭدى قادامى دەپ ءبىلۋ كەرەك. – ۇجىمدىق بلوگ ينتەرنەت قاۋىم­داستىقتىڭ بايلانىس وپەرا­توردىڭ قىزمەتىنە دەگەن پىكىر, ۇسىنىستارىن سارالاپ بەرىپ وتىرادى. ەڭ باستىسى بۇل تاۋەلسىز كوزقاراستار, – دەدى اسقار الىبەك ۇلى. نە دەسەك تە, “قازاقتەلەكوم” اق كورپوراتيۆتىك بلوگى – قازاقستاندىق  كور­پوراتيۆتىك بلوگينگتەردىڭ العاش­قىسى. كومپانيا جەتەكشىلەرى ال­داعى 2-3 جىلدا ەلىمىزدە بۇل جاڭاشىلدىق باستاما جاپپاي بەلەڭ الاتىنىنا سەنىمدى. ۇجىمدىق بلوگ ونلاين كونفەرەنتسيالارىن وتكىزۋگە دە مول مۇمكىندىك بەرەدى. “قا­زاق­تەلەكوم” الداعى ۋاقىتتا كەڭ جولاقتى “مەگالاين” ينتەرنەت جەلىسىن پايدالانۋشىلارعا دا جاڭا قىزمەت تۇرلەرىن ۇسىنباق. ال اۋىلدىق تەلەفون تۇتىنۋشىلارى ءۇشىن CDMA جەلىسىن تارتىپ بەرۋ جالعاسا بەرمەك. بۇگىندە بۇل جاڭا بۋىندى تەلەكوممۋنيكاتسيا جۇيەسىنە 240 مىڭنان استام اۋىل حالقى قوسىلىپ ۇلگەرگەن. سول سياقتى جارتى جىلدا ەلىمىزدە ينتەرنەتكە كەڭ جولاقتى قوسىلىستى قولدانۋشىلار سانى  1 698 686 ادامعا جەتكەن. ابونەنتتەردىڭ قاپەرىندە بولۋعا ءتيىستى, تاعى ءبىر اتاپ وتەرلىك ماڭىزدى ءجايت – كومپانيا باعا ساياساتىندا دا تۇراقتىلىق تانىتىپ, تەلەكوممۋنيكاتسيا نارىعىندا تاريفتىك قۇندى ەداۋىر تومەندەتكەن. ناقتى ايتقاندا وتاندىق تۇ­تىنۋشىلار ءۇشىن شەتەلمەن جانە تمد-مەن سويلەسۋ  80 پايىزعا ارزانداعان. اقيقاتىندا ءوز ميسسياسىن تابىستى اتقارىپ كەلە جاتقان, “وپەراتورلاردىڭ وپەراتورى” اتانعان قازاقستاندىق كومپانيادا اتقارىلىپ جاتقان اۋقىمدى تىرلىكتەر تولاسسىز. ايناش ەسالي, الماتى.