پاۆلوداردا پاراليمپيالىق ويىندار ءوتتى (فوتو)

پاۆلودار. 26 تامىزپاۆلودار قالاسىندا قازاقستان رەسپۋبليكاسىنىڭ ءىV جازعى پاراليمپيالىق ويىندار ءوتتى. بۇل تۋرالى egemen.kz ءتىلشىسى حابارلادى. «دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعى» رمقك ديرەكتورى كىدىربەك رىسبەكتىڭ ايتۋىنشا, تامىز ايىنىڭ 19 مەن 23 ارالىعىندا وتكەن جارىسقا  ەلىمىزدىڭ بارلىق وبلىستارىنان 600 ۇزدىك سپورتشى قاتىستى. ولار سۋدا ءجۇزۋ, پاۋەرليفتينگ, وق اتۋ, جەڭىل اتلەتيكا, ۆولەيبول, ۇستەل تەننيسى جانە دە اربامەن بيلەۋ سياقتى 7 پاراليمپيالىق سپورت تۇرىنەن 424 مەدال جيىنتىعىن ساراپقا سالدى. «ويىننىڭ قورتىندىسى بويىنشا سپورتشىلار مەن كوماندالار ءار ءتۇرلى دارەجەلى ديپلومدارعا يە بولىپ, كۋبوكتار, مەدالدار جانە دە باعالى سىيلىقتارمەن ماراپاتتالدى. بۇل سىن 2016 جىلى ريو-دە جانەيرو قالاسىندا وتەتىن پاراليمپيالىق ويىندارعا ليتسەنزيالار ۇتىپ الۋدىڭ دايىندىعى رەتىندە وتكىزىلدى.جارىس پاۆلودار قالاسىنىڭ «شىمىر» ءجۇزۋ باسسەينى, شجق «سپورتتىق كلۋب» كمك, «بايانتاۋ» سپورت سارايى, س. تورايعىروۆ اتىنداعى پمۋ ستاديونى, «اوتدتو» اتىس ءتيرى, ورتالىق ستاديوندا ءوتتى», ەددى ول. ال «شتاتتىق ۇلتتىق كوماندالار جانە سپورت رەزەرۆi ديرەكتسياسى» رمقك ديرەكتورىنىڭ ورىنباسارى الەكسەي كريۋچكوۆتىڭ ايتۋىنشا, مۇمكىندىگى شەكتەۋلى ادامداردىڭ قوعامعا ينتەرگراتسياسىنىڭ جاقسى مۇمكىندىگى بار, ول – سپورت. ءبىزدىڭ ەلىمىز سپورتپەن شۇعىلدانۋدى ولارعا قول جەتىمدى ەتۋگە بارىنشا جاعداي جاساپ جاتىر. «بۇگىنگى تاڭدا قازاقستاندا دەنە مۇمكىندىكتەرى شەكتەۋلى ادامدارعا ارنالعان 10 سپورتتىق ۇيىم, وڭتۇستىك قازاقستان مەن قاراعاندى وبلىستارىندا ەكى مامانداندىرىلعان سپورت مەكتەبى جۇمىس ىستەۋدە. پەتروپاۆل قالاسىندا جوعارعى سپورتتىق شەبەرلىك مەكتەبىنىڭ دەنە مۇمكىندىكتەرى شەكتەۋلى تۇلعالارعا ارنالعان سپورتتىق ءبولىمىنىڭ جۇمىسى ءساتتى ءجۇرىپ جاتىر. سونىمەن قاتار, پاۆلودار وبلىسىنىڭ سپورتتىق جانە مۇگەدەكتىك ويىن تۇرلەرى بويىنشا بالالار مەن جاستار سپورت مەكتەبىندە, قىزىلوردا قالاسىنداعى مۇگەدەكتىك سپورت تۇرلەرىنىڭ ءبولىمى «مۇز ايدىنى» سپورتتىق كەشەنىندە مۇمكىندىگى شەكتەۋلى جاندارعا بارلىق جاعداي جاسالعان», ەددى ول. جىل سايىن مادەنيەت جانە سپورت مينيسترلىگى تاراپىنان ءارتۇرلى دارەجەدەگى مۇگەدەكتەر اراسىندا70-كە جۋىق چەمپيوناتتار, جارىستار مەن تۋرنيرلەر وتكىزىلەدى. ولارعا ءتورت مىڭنان استام سپورتشى-مۇگەدەكتەر قاتىسادى. وعان قوسا حالىقارالىق سايىستارعا قاتىسۋ ءۇشىن ولارعا قارجىلاي كومەك كورسەتىلەدى. داستان كەنجالين. دەرەك, سۋرەت: «دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعى» رمقك.