استانا. 6 ناۋرىز. تەننيستەن دەۆيس كۋبوگى جارىسىندا اندرەي گولۋبەۆ قارسىلاسى اندرەاس سەپپيدەن 1:3 (3:6, 3:6, 7:6 (7:5), 2:6) ەسەبىمەن جەڭىلدى. بۇل تۋرالى egemen.kz حابارلادى.
ويىن بارىسىندا سەپپيدىڭ شەبەرلىگى باسىم بولعانىن مويىنداۋىمىز كەرەك. يتاليالىق تەننيسشى ATP رەيتينگىندە 35-ورىندا تۇرسا, ءبىزدىڭ سپورتشى الەمنىڭ 91-راكەتكاسى.
دوپتى ويىنعا اندرەي گولۋبەۆ قوستى. سالعان جەردەن قارسىلاسىنا ۇپاي ۇستاتقان ول ءبىرىنشى سەتتە ءۇش ۇپاي ولجالادى. كەلەسى كەزەڭدە اندرەيدىڭ ءبىر دوبىن ءوز پايداسىنا شەشكەن اندرەاس ءوز مۇمكىندىكتەرىن ءمۇلت جىبەرمەي ەسەپتى ەسەلەدى. وتانداسىمىز تەك ءۇشىنشى سەتتە لايىقتى قارسىلىق كورسەتە الدى. سونىڭ وزىندە سەپپي سەتتى وڭايلىقپەن بەرگەن جوق. جەڭىمپاز تاي-برەيك ارقىلى انىقتالىپ, گولۋبەۆ جەڭىسكە جەتتى. سول كەزدە «داۋلەت» ۇلتتىق تەننيس ورتالىعىنا جينالعان قالىڭ جانكۇيەر كەلەسى سەتتەن زور ءۇمىت كۇتىپ, اندرەيدىڭ سەنساتسيا جاسايتىنىنا سەنگەندەي بولعان. دەگەنمەن, ءبىز كۇتكەن ناتيجە تىركەلمەدى. ءتورتىنشى سەتكە بار-جوعى 35 مينۋت جۇمساعان يتاليالىق تەننيسشى قارسىلاسىنا ەكى گەيمدى عانا بەرىپ, ويىندى ءوز پايداسىنا اياقتادى.
ايتا كەتەيىك, بۇل دەۆيس كۋبوگى جارىسى الەمدىك توبىنىڭ 1/8 فينالدىق ويىنى. دياس دوسقاراەۆ جاتتىقتىراتىن قازاقستان قۇراماسى بۇگىن يتاليامەن جارىس جولىنا شىقتى. ازىرگە قوس كوماندا اراسىنداعى جالپىەسەپ 1:1. بۇعان دەيىن ەلىمىزدىڭ ءنومىرى ءبىرىنشى تەننيسشىسى ميحايل كۋكۋشكين قارسىلاسىن جەڭىپ, كوماندامىزدى العا شىعارعان بولاتىن.
ەندى ەرتەڭ كورتقا جۇپتاسىپ ونەر كورسەتەتىن تەننيسشىلەر شىعادى. بۇل سىندا ەل نامىسىن الەكساندر نەدوۆەسوۆ پەن اندرەي گولۋبەۆ قورعاسا, يتاليا اتىنان فابيو فونيني مەن پاولو لورەنتستسي جۇبى وينايدى.
استانادا ءوتىپ جاتقان جارىس 8 ناۋرىز كۇنى اياقتالاتىنىن ايتا كەتەيىك.
ەلامان قوڭىر.
دەرەك: egemen.kz.
سۋرەت: daviscup.com.
استانا. 6 ناۋرىز. تەننيستەن دەۆيس كۋبوگى جارىسىندا اندرەي گولۋبەۆ قارسىلاسى اندرەاس سەپپيدەن 1:3 (3:6, 3:6, 7:6 (7:5), 2:6) ەسەبىمەن جەڭىلدى. بۇل تۋرالى egemen.kz حابارلادى.
ويىن بارىسىندا سەپپيدىڭ شەبەرلىگى باسىم بولعانىن مويىنداۋىمىز كەرەك. يتاليالىق تەننيسشى ATP رەيتينگىندە 35-ورىندا تۇرسا, ءبىزدىڭ سپورتشى الەمنىڭ 91-راكەتكاسى.
دوپتى ويىنعا اندرەي گولۋبەۆ قوستى. سالعان جەردەن قارسىلاسىنا ۇپاي ۇستاتقان ول ءبىرىنشى سەتتە ءۇش ۇپاي ولجالادى. كەلەسى كەزەڭدە اندرەيدىڭ ءبىر دوبىن ءوز پايداسىنا شەشكەن اندرەاس ءوز مۇمكىندىكتەرىن ءمۇلت جىبەرمەي ەسەپتى ەسەلەدى. وتانداسىمىز تەك ءۇشىنشى سەتتە لايىقتى قارسىلىق كورسەتە الدى. سونىڭ وزىندە سەپپي سەتتى وڭايلىقپەن بەرگەن جوق. جەڭىمپاز تاي-برەيك ارقىلى انىقتالىپ, گولۋبەۆ جەڭىسكە جەتتى. سول كەزدە «داۋلەت» ۇلتتىق تەننيس ورتالىعىنا جينالعان قالىڭ جانكۇيەر كەلەسى سەتتەن زور ءۇمىت كۇتىپ, اندرەيدىڭ سەنساتسيا جاسايتىنىنا سەنگەندەي بولعان. دەگەنمەن, ءبىز كۇتكەن ناتيجە تىركەلمەدى. ءتورتىنشى سەتكە بار-جوعى 35 مينۋت جۇمساعان يتاليالىق تەننيسشى قارسىلاسىنا ەكى گەيمدى عانا بەرىپ, ويىندى ءوز پايداسىنا اياقتادى.
ايتا كەتەيىك, بۇل دەۆيس كۋبوگى جارىسى الەمدىك توبىنىڭ 1/8 فينالدىق ويىنى. دياس دوسقاراەۆ جاتتىقتىراتىن قازاقستان قۇراماسى بۇگىن يتاليامەن جارىس جولىنا شىقتى. ازىرگە قوس كوماندا اراسىنداعى جالپىەسەپ 1:1. بۇعان دەيىن ەلىمىزدىڭ ءنومىرى ءبىرىنشى تەننيسشىسى ميحايل كۋكۋشكين قارسىلاسىن جەڭىپ, كوماندامىزدى العا شىعارعان بولاتىن.
ەندى ەرتەڭ كورتقا جۇپتاسىپ ونەر كورسەتەتىن تەننيسشىلەر شىعادى. بۇل سىندا ەل نامىسىن الەكساندر نەدوۆەسوۆ پەن اندرەي گولۋبەۆ قورعاسا, يتاليا اتىنان فابيو فونيني مەن پاولو لورەنتستسي جۇبى وينايدى.
استانادا ءوتىپ جاتقان جارىس 8 ناۋرىز كۇنى اياقتالاتىنىن ايتا كەتەيىك.
ەلامان قوڭىر.
دەرەك: egemen.kz.
سۋرەت: daviscup.com.
