مەملەكەتتىك كىرىستەر كوميتەتى جۇيە ىسكە قوسىلعاننان بەرى 44 000-نان استام تاۋار دەكلاراتسياسى وڭدەلگەنىن حابارلادى.
بۇل جۇيە تاۋار تاسىمالىندا تاۋەكەلدەر بولماسا دەكلاراتسيانى 2-3 مينۋتتا راسىمدەيدى, ال تاۋەكەلدەردى انىقتاعان جاعدايدا زاڭناماعا سايكەس قوسىمشا كەدەندىك تەكسەرۋلەر جۇرگىزەدى.
جۇيە ىسكە قوسىلعالى بەرى 4 980 زاڭبۇزۋشىلىق انىقتالىپ, ناتيجەسىندە بيۋدجەتكە قوسىمشا 2,7 ميلليارد تەڭگە كەدەندىك تولەمدەر وندىرىلگەن.
كوميتەت مالىمەتىنشە, جۇيە ىسكە قوسىلعالى مەديتسينالىق جانە زاۋىت قۇرىلىسىنا قاجەتتى قۇرىلىس ماتەريالدارىن كەدەندىك رەسىمدەۋ كەزىندە تۋىنداعان ماسەلەلەر ءتيىستى مينيسترلىكتەرمەن تۇبەگەيلى شەشىلگەن.
سونداي-اق جۇيە جەكە شوتتاردا اقشا قاراجاتى بولعان كەزدە تاۋارلاردى شىعارۋدان باس تارتۋعا قاتىستى جەكەلەگەن جاعدايلاردا سىرتقى ساۋداعا قاتىسۋشىلاردىڭ دەربەس شوتتارىندا اقشا قاراجاتىنىڭ بولماۋىنا بايلانىستى باس تارتۋ كەدەن زاڭناماسىنا سايكەس زاڭدى تۇردە جاسالعانىن انىقتادى.
وسىلايشا, زاڭسىز باس تارتۋ تۋرالى اقپارات شىندىققا جاناسپايدى. «KEDEN» اقپاراتتىق جۇيەسىنىڭ جۇمىس ىستەۋىنە بايلانىستى دەكلاراتسيادان باس تارتىلعان جانە جەكە شوتىندا قاراجات بولعان جاعدايدا سالىق تولەۋشى ەسەپتەن شىعارىلعان قاراجاتتى قايتارۋ ءۇشىن بەلگىلەنگەن تارتىپپەن ەلىمىزدىڭ قارجى مينيسترلىگىنىڭ مەملەكەتتىك كىرىستەر كوميتەتىنە جۇگىنۋگە قۇقىلى ەكەنىن اتاپ وتكەن ءجون.
جۇك ۇشاقتارىن اكەلۋگە 12 جىلدىق كەدەندىك جەڭىلدىك ەنگىزىلەدى
«KEDEN» اج ىسكە قوسىلعالى بەرى ەكسپورت فۋنكتسياسى بويىنشا 7080 دەكلاراتسيا شىعارىلدى. بارلىق تەكسەرۋ تاۋەكەلدەردى باسقارۋ جۇيەسى اياسىندا جانە كەدەن زاڭناماسىن قاتاڭ ساقتاي وتىرىپ جۇرگىزىلدى. وسىلايشا, «KEDEN» اقپاراتتىق جۇيەسى قالىپتى جۇمىس ىستەپ, تۋىنداعان ماسەلەلەر جەدەل تۇردە شەشىلەدى. بارلىق كەدەندىك ءراسىم قولدانىستاعى زاڭناماعا سايكەس جۇزەگە اسىرىلادى جانە اشىقتىقتى, زاڭدىلىقتى قامتاماسىز ەتۋگە, مەملەكەتتىڭ ەكونوميكالىق مۇددەلەرىن قورعاۋعا باعىتتالعان», دەلىنگەن مەملەكەتتىك كىرىستەر كوميتەتى تاراتقان حابارلامادا.
