فوتو: باسەكەلەستىكتى قورعاۋ جانە دامىتۋ اگەنتتىگى
اۋەجايدىڭ اۆياوتىندى بولشەك ساۋدادا وتكىزۋ كەزىندە مونوپوليالىق جوعارى باعالاردى بەلگىلەۋگە جانە ۇستاپ تۇرۋعا جول بەرگەنى بەلگىلى بولدى. وسىعان بايلانىستى ۋاكىلەتتى ورگان تاراپىنان ءتيىستى شارالار قابىلداندى.
تەرگەپ-تەكسەرۋ قورىتىندىسى بويىنشا اكىمشىلىك قۇقىق بۇزۋشىلىق تۋرالى كودەكستىڭ 159-بابى 3-بولىگىنە سايكەس ءىس قوزعالدى. كەيىن بۇل ءىس سوتتا قارالىپ, ءتيىستى شەشىم شىعارىلدى.
ءبىرىنشى ساتىداعى سوتتىڭ قاۋلىسىمەن, سونداي-اق شىعىس قازاقستان وبلىستىق سوتىنىڭ 2026 جىلعى 14 قاڭتارداعى شەشىمىمەن «وسكەمەن اۋەجايى» اق اكىمشىلىك جاۋاپكەرشىلىككە تارتىلدى.
سوت شەشىمىنە سايكەس, كاسىپورىنعا شامامەن 8,9 ملن تەڭگە كولەمىندە ايىپپۇل سالىندى, سونداي-اق شامامەن 10,6 ملن تەڭگە مونوپوليالىق تابىس مەملەكەت كىرىسىنە تاركىلەندى.
قازىرگى ۋاقىتتا اتالعان سومالار تولىق كولەمدە بيۋدجەتكە تولەنگەنى بەلگىلى بولدى.
