ءسوز بولىپ وتىرعان جەيدە – گرەتتسكيدىڭ 1988 جىلعى ستەنلي كۋبوگىنىڭ فينالىندا كيگەن ويىن فورماسى. ول Goldin Auctions اۋكتسيونىندا 2,8 ميلليون اقش دوللارىنا (شامامەن 1,2 ميلليارد تەڭگە) ساتىلعان.
بۇل فورما Adidas كومپانياسى شىعارعان جانە تاريحي ويىنداردىڭ بىرىندە قولدانىلعان. 1988 جىلعى فينالدىڭ ءتورتىنشى ماتچىندا «بوستون بريۋينز» بەن «ەدمونتون ويلەرز» كەزدەسىپ, ويىن 6:3 ەسەبىمەن اياقتالعان بولاتىن.
بۇعان دەيىن, 2022 جىلى ءدال وسى دجەرسي 1,452 ميلليون دوللارعا ساتىلىپ, سول كەزدە رەكورد ورناتقان ەدى. ال جاڭا ساتىلىم بۇل سومانى ەكى ەسەگە جۋىق ارتتىرىپ, حوككەي فورمالارى اراسىنداعى ەڭ قىمبات زات اتاندى.
ايتا كەتەيىك, ۋەين گرەتتسكي – ۇلتتىق حوككەي ليگاسىنىڭ اڭىزى, ليگا تاريحىنداعى ەڭ ۇزدىك بومباردير سانالادى. ول «ەدمونتون ويلەرز» كلۋبىمەن بىرگە ءتورت رەت ستەنلي كۋبوگىن جەڭىپ العان.
