«قازگيدرومەت» مالىمەتىنشە, كەي ايماقتاردا نايزاعاي ويناپ, جاڭبىر جاۋىپ, جەل كۇشەيەدى.
استانادا كۇن بۇلتتى بولعانىمەن, جاۋىن-شاشىن كۇتىلمەيدى. تۇندە اۋا تەمپەراتۋراسى +2…+4°C شاماسىندا بولىپ, جەر بەتىندە ۇسىك بايقالۋى مۇمكىن, ال كۇندىز +21…+23°C-قا دەيىن جىليدى.
الماتىدا كۇن اشىق, جاۋىن-شاشىنسىز: تۇندە +10…+12°C, كۇندىز +24…+26°C بولادى.
شىمكەنتتە اۋا رايى قۇرعاق ءارى ىستىق, كۇندىزگى تەمپەراتۋرا +30°C-قا دەيىن كوتەرىلەدى.
اقتاۋدا كۇن بۇلتتى, جاڭبىر جاۋىپ, نايزاعاي كۇتىلەدى. مۇندا تۇندە +7…+9°C, كۇندىز +14…+16°C بولادى.
اقتوبەدە جاۋىن-شاشىنسىز, تۇندە +1…+3°C, كۇندىز +16…+18°C شاماسىندا بولماق. اتىراۋدا دا كۇن اشىق, تەمپەراتۋرا تۇندە +5…+7°C, كۇندىز +18…+20°C ارالىعىندا ساقتالادى.
جەزقازعان, قاراعاندى, كوكشەتاۋ جانە پاۆلودار قالالارىندا جاۋىن-شاشىنسىز, كۇندىزگى تەمپەراتۋرا +21…+26°C شاماسىندا جىلى بولادى. قوستاناي مەن پەتروپاۆلدا دا اۋا رايى تۇراقتى, كۇندىز +17…+22°C ارالىعى ساقتالادى.
وڭتۇستىك وڭىرلەردە, اتاپ ايتقاندا, قىزىلوردا مەن تۇركىستاندا, كۇن ىستىق ءارى قۇرعاق بولىپ, اۋا تەمپەراتۋراسى +30…+32°C-قا دەيىن جەتەدى. تاراز بەن تالدىقورعاندا دا كۇن اشىق, +26…+28°C شاماسىندا جىلى بولادى.
باتىس وڭىرلەردىڭ كەيبىرىندە, اسىرەسە ورالدا, جاڭبىر جاۋىپ, نايزاعاي ويناپ, جەلدىڭ ەكپىنى 15-20 م/س-قا دەيىن كۇشەيۋى مۇمكىن. وسكەمەن مەن سەمەيدە كۇن اشىق, جاۋىن-شاشىنسىز, كۇندىز +24…+26°C شاماسىندا بولادى دەپ بولجانعان.
