ۆيدەودان الىنعان كادر
2026 جىلدىڭ 3 ناۋرىزىنان باستاپ ول سەربيا, ۆەنگريا, اۆستريا, گەرمانيا جانە فرانتسيا ەلدەرى ارقىلى جاياۋ ءجۇرىپ ءوتتى. بارلىعى 53 كۇن ىشىندە شامامەن 3000 شاقىرىم جولدى ەڭسەردى.
پاريجدە ونى ديپلوماتتار مەن يۋنەسكو وكىلدەرى قارسى الدى. جول وتە قيىن بولعان: اۆتوباندارمەن جۇرۋگە تىيىم سالىنعاندىقتان, ول كوبىنە ورمان جولدارىمەن جانە ۆەلوسيپەد جولدارىمەن جۇرگەن. ءتىپتى ارباسى بۇزىلىپ قالعان, بىراق ءوزى ساپارىن سوڭىنا دەيىن اياقتاعان.
ول 2022 جىلى قازاقستاننىڭ 17 وبلىسىن جاياۋ ارالاپ, 8000 شاقىرىم جۇرگەن. 2023 جىلى اتىراۋدان شىعىپ, گرۋزيا ارقىلى تۇركيانىڭ ستامبۋل قالاسىنا جەتكەن. 2024 جىلى وسكەمەننەن باستاپ, التاي مەن موڭعوليا ارقىلى قىتايدىڭ پەكين قالاسىنا بارعان.
ەڭبەگى ەلەنىپ, وعان «سپورت سالاسىنىڭ قۇرمەتتى قىزمەتكەرى» اتاعى بەرىلدى.
ەندى ول 2027 جىلى اقش-ىڭ 8 شتاتىن جاياۋ ءوتىپ شىعۋدى جوسپارلاپ وتىر. ول ادامدارعا كۇن سايىن جۇرۋگە جانە ءوز-وزىنە سەنۋگە كەڭەس بەرەدى.
