شاعىن جانە ورتا بيزنەستى قولداۋ قارقىنى ساقتالادى

پرەزيدەنت جانىنداعى ورتالىق كوممۋنيكاتسيالار قىزمەتىندە «دامۋ» كاسىپكەرلىكتى دامىتۋ قورى» اق باسشىسى مەن قىزمەتكەرلەرى ءباسپاسوز ءماسليحاتىن وتكىزدى.  وندا بۇقاراعا وسى كۇندەرى ورىن الىپ وتىرعان تەڭگەنىڭ ەركىن باعامىنا وراي ايتارلىقتاي كۇردەلى احۋالدىڭ بولمايتىنىنا  بايلانىستى بىرقاتار مالىمەتتەر تارقاتىلىپ ايتىلدى. بۇل رەتتە قوردىڭ باسقارما توراعاسىنىڭ ورىنباسارى داۋلەت ابىلقايىروۆ شاعىن جانە ورتا بيزنەس سۋبەكتىلەرىن قارجىلاندىرۋ تەك قانا تەڭگەمەن جۇزەگە اسىرىلىپ, سوندىقتان تەڭگە باعامىنىڭ تۇزەتىلۋى «دامۋ» قورى زاەمشىلارىنا كەرى اسەر ەتپەيتىنىن اتاپ ءوتتى. دەگەنمەن,  ول شەتەلدىك ۆاليۋتامەن بەرىلگەن نەسيەلەردى سۋبسيديالاۋعا رۇقسات ەتىلەتىندىگىن ايتا كەلە, قازىرگى ۋاقىتتا «دامۋ» قورى باعدارلاماسى بويىنشا جالپى سوماسى  53 ملرد. تەڭگەنى قۇرايتىن  27 كومپانيا ءۇشىن شەتەل ۆاليۋتاسىنداعى نەسيەلەرىن سۋبسي­ديالاۋ  جۇزەگە اسىپ جاتقان­دىعىن جەتكىزدى. ونىڭ ىشىندە ۆاليۋتالىق ءتۇسىمى بار 11 كاسىپورىن «بيزنەستىڭ جول كارتاسى-2020»  بيزنەستى قولداۋ مەن دامىتۋدىڭ بىرىڭعاي باعدارلاماسىنىڭ «ۆا­ليۋتا­لىق تاۋەكەلدەردى تومەن­دەتۋ» اتتى ءۇشىنشى باعىتى بويىنشا قايتا قارجىلاندىرىلدى. بۇل رەتتە  «دامۋ» قورى قارىز الۋشىلارىنىڭ اراسىنداعى شەتەل­دىڭ ۆاليۋتا نەسيەلەرىنىڭ ۇلە­سى از عانا جانە بار بولعانى 3, 85% قۇراي­تىندىعى اتالىپ ءوتىلدى. سونىمەن قاتار, ول   اتالعان قوردىڭ 228 ملن. دوللارعا ازيا دامۋ بانكىنەن ءۇشىنشى ترانشتى تارتۋ جوسپارىمەن تانىستىرىپ,  بۇعان قوسا شاعىن جانە ورتا بيزنەستى نەسيەلەندىرۋ تەڭگەلەي ىسكە اسىرىلاتىندىعى جونىندە  كەڭىنەن اڭگىمەلەدى. د.ابىلقايىروۆتىڭ ايتۋىنشا, «دامۋ» قورىنىڭ ۆاليۋتالىق قاتەرى ەكىنشى دەڭگەيلى بانكتەردىڭ اقش دوللارىن تەڭگەگە ايىرباستاۋ بويىنشا ۆاليۋتالىق-پايىزدىق ايىرباس وپەراتسياسى جولىمەن حەدجيرلەنەدى. ءۇشىنشى ترانش اعىمداعى  جىلدىڭ سوڭىنا دەيىن تۇسەدى دەپ كۇتىلۋدە. ولار شوب سۋبەكتىلەرى ءۇشىن اينالىم قاراجاتى مەن نەگىزگى قوردى ساتىپ الۋ­عا باعىتتالادى, دەدى ول. سون­داي-اق, ادب باعدارلاماسى شا­عىن جانە ورتا بيزنەستىڭ قىزمەت سالا­لارىن كەڭىنەن قامتۋدى قامتا­ما­سىز ەتەتىن سالالىق شەكتەۋ­لەر­دىڭ بول­مايتىندىعىن قاراس­تىرا­تىندىعىن ايتا كەلە, قوسىمشا ءۇش مىڭ جۇمىس ورنى قۇرىلادى دەپ جوسپارلانىپ وتىرعاندىعىنا توقتالدى. جانە دە  ازيا دامۋ بانكىندەگى قارجىلاي باعدارلاماعا 1300-دەن استام  قارىز الۋشىنى قاتىستىرۋ قاراستىرىلۋدا. بۇل ورايدا تەڭگە باعامىن تۇزەتۋ كاسىپكەرلىك احۋالعا سالقىنىن تيگىزە قويمايتىنىن, كەلەشەكتە كاسىپكەرلەر جۇمىسىنىڭ جاندانا ءتۇسۋ ىقتيمالدىعى اتالىپ ءوتىلدى.  «دامۋ» قورى شاعىن جانە ورتا بيزنەسكە قولداۋ كورسەتۋ قارقىنىن تومەندەتپەيدى,  كەرىسىنشە, ولارعا كومەك قولىن سوزۋدا ءبىزدىڭ تاراپتان وڭ جاعدايلار جاسالاتىن بولادى, دەدى. ونىڭ ايتۋىنشا, «بيزنەستىڭ جول كارتاسى-2020» بيزنەستى قولداۋ مەن دامىتۋدىڭ بىرىڭعاي باعدارلاماسىنىڭ ناتيجەسى بويىنشا  5 536 قارىز الۋشى 1 143 ملرد.تەڭگە كولەمىندە نەسيە العان.  اعىمداعى جىلى سۋبسيديالاۋ قۇرالىنا قولجەتىمدىلىك ايتارلىقتاي ءوسىپ,  مونو جانە شاعىن قالالار مەن اۋىلدىق ەلدى مەكەن كاسىپكەرلەرى ءۇشىن 10% مولشەرىندەگى سۋبسيديالاۋ سالالىق شەكتەۋسىز بەرىلۋدە, دەدى.  سونداي-اق, ول  وڭدەۋ ونەركاسىبىنىڭ باسىم سالالارىنداعى كاسىپكەرلەر ءۇشىن سۋبسيديالاۋ مولشەرى 10%-عا دەيىن كوتەرىلسە,  ەكونوميكانىڭ وزگە دە باسىم سەكتورلارى ءۇشىن سۋبسيديا­لاۋ مولشەرى 7%-عا تەڭ ەكەندىگىن كولدەنەڭ تارتتى. ەلميرا ماتىباەۆا, «ەگەمەن قازاقستان».