قىزىلوردالىق تۇلەكتەر «سەرپىن-2050» جوباسىنىڭ گرانت يەگەرى اتاندى

قىزىلوردا. 24 تامىز. قىزىلوردا وبلىسى جاڭاقورعان اۋدانىندا «سەرپىن-2050» جوباسىنىڭ گرانت يەگەرلەرىن شىعارىپ سالۋ قۇرمەتىنە سالتاناتتى جيىن ءوتتى. بۇل تۋرالى egemen.kz ءتىلشىسى حابارلادى. جيىنعا اۋدان اكىمى رۋسلان رۇستەم ۇلى مەن «سەرپىن-2050» الەۋمەتتىك جوباسى رەسپۋبليكالىق ۇيلەستىرۋ كەڭەسىنىڭ توراعاسى مۇرات ابەنوۆ قاتىستى. اتالمىش جوباعا دەگەن اۋدان جاستارىنىڭ قىزىعۋشىلىعى راسىندا دا جوعارى بولدى. مىسالى, وتكەن جىلى 75 جاس سەرپىنشى اتانسا, بيىلعى تالاپكەر سانى ەسەلەنە تۇسكەن. اۋدان بويىنشا 78 وقۋشى كوللەدجدەرگە, 194 وقۋشى جوعارى وقۋ ورىندارىنا وزدەرىنىڭ قۇجاتتارىن تاپسىرعان. سونىڭ ناتيجەسىندە 122 جاس جوعارعى وقۋ ورىندارىنا, 66 جاس كوللەدج گرانتتارىنىڭ يەگەرى اتاندى. اۋدان اكىمى ر.رۇستەموۆ «سەرپىن-2050» باعدارلاماسىنىڭ تيىمدىلىگى جاستاردىڭ ءبىلىم الۋىنا جول اشىپ قانا قويماي, مەملەكەت قولداۋىمەن الەۋمەتتىك جاعىنان كوتەرمەلەۋگە دە زور مۇمكىندىك بەرەتىندىگىن ايتىپ, جاڭاقورعاندىق جاس تۇلەكتەردى بولاشاقتا ساپالى ءبىلىم الىپ, بىلىكتى مامان بولىپ, ەل يگىلىگى جولىندا ايانباي ەڭبەك ەتۋگە شاقىردى. مۇنان كەيىن ءسوز العان «سەرپىن-2050» گرانت يەگەرلەرى وزدەرى تۇلەپ ۇشقان التىن ۇيا مەكتەپتەرىنە العىس ءبىلدىرىپ, سەنىمدى اقتايتىندارىنا سەندىردى سالتاناتتى كەش سوڭى اۋدان جاستارىنىڭ ارنايى كونتسەرتتىك باعدارلاماسىمەن جالعاستى. ەرجان بايتىلەس. دەرەك, سۋرەت: egemen.kz.