بۇگىن استانادا دزيۋدودان الەم چەمپيوناتى باستالادى

استانا. 24 تامىز. بۇگىن استانادا دزيۋدودان الەم چەمپيوناتى باستالادى. 30 تامىزعا دەيىن جالعاساتىن جارىستا 137 مەملەكەتتەن كەلگەن 823 اتلەت باق سىنايدى. ولاردىڭ 495-ءى ەرلەر بولسا, 328-ءى ايەلدەر. بۇل تۋرالى قازاقستان دزيۋدو فەدەراتسياسىنىڭ ءباسپاسوز قىزمەتىنە سىلتەمە جاساعان egemen.kz حابارلادى. الەمدىك دودا «الاۋ» مۇز ايدىنىندا وتكىزىلەدى. چەمپيوناتتىڭ ترانسلياتسياسى 150 مەملەكەتكە تارايدى. ەلىمىزدە پالۋانداردىڭ بەلدەسۋلەرى KazSport تەلەارناسىنان تىكەلەي ەفيردە كورسەتىلەدى. سايىستىڭ ۇيىمداستىرۋشىلارى حالىقارالىق دزيۋدو فەدەراتسياسى, مادەنيەت جانە سپورت مينيسترلىگى, استانا قالاسىنىڭ اكىمدىگى, سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسى. ال باستى دەمەۋشىلەر «سامۇرىق-قازىنا» ۇلتتىق ءال-اۋقات قورى» اق مەن «قازمۇنايگاز» ۇلتتىق كومپانياسى» اق. وسى سىندا ەل نامىسىن مىنا دزيۋدوشىلار قورعايدى: ەرلەر ەلدوس سمەتوۆ (60 كگ.) رۋستام ىبراەۆ (60 كگ.) ايبەك يماشەۆ (66 كگ.) (كوماندالىق جارىس) ازامات مۇقانوۆ (66 كگ.) ەلدوس جۇماقانوۆ (66 كگ.) جانساي سماعۇلوۆ (73 كگ.) (كوماندالىق جارىس) عابيت ەسىمبەتوۆ (66 كگ.) (كوماندالىق جارىس) داستان ىقىباەۆ (73 كگ.) رينات يبراگيموۆ (81 كگ.) (كوماندالىق جارىس) ءازيز قالقامان ۇلى (81 كگ.) سامات ەسەن (90 كگ.) (كوماندالىق جارىس) يسلام بوزباەۆ (90 كگ.) ماكسيم راكوۆ (100 كگ.) ەرجان شىنكەەۆ (+100 كگ.). ايەلدەر الەكساندرا پودريادوۆا (48 كگ.) وتگونتسەتسەگ گالدباراح (48 كگ.) لەناريا مينگازوۆا (52 كەلى) ولەسيا كۋتسەنكو (52 كگ.) نازگۇل قۇباشەۆا (57 كگ. (كوماندالىق جارىس) ماريان ۋرداباەۆا (63 كگ.) ءدىلبار ومىراليەۆا (70 كگ.) جانار قاشكىن (70 كگ.) البينا امانگەلديەۆا (78 كگ.) گۇلجان يسانوۆا (+78 كگ.) زارينا ابدۋراسۋلوۆا (+78 كگ.) (كوماندالىق جارىس). ەلامان قوڭىر. دەرەك: egemen.kz. سۋرەت: worldjudo2015.kz.