پارلامەنت

ەل اراسىندا پارلامەنت سەناتىنىڭ دەپۋتاتتارى راشيت اكىموۆ پەن جابال ەرعاليەۆ اقمولا وبلىسىنىڭ ەڭبەكشىلدەر اۋداندىق ءماسليحاتىنىڭ كەزەكتى 41-سەسسياسىنا قاتىستى, دەپ حابارلادى پالاتانىڭ ءباسپاسوز قىزمەتى. سەسسيادا اۋدان اكىمى ا.قيى­قوۆ قازاقستان پرەزيدەنتى ن.ءا.نازارباەۆتىڭ «نۇرلى جول – بولاشاققا باستار جول» جولداۋىن ىسكە اسىرۋ جونىندەگى اتقارىلعان جۇمىستار تۋرالى ايتىپ بەردى. ول, سونداي-اق,  جىل باسىنان بەرى 6049,9 ميلليون تەڭگەنىڭ ونىمدەرى وندىرىلگەنى جونىندە حاباردار ەتتى. وتكەن جىلمەن سالىستىرعاندا ءونىم ءوندىرۋ 5,2 پايىز وسكەنى, ءوندىرىس كولەمىنىڭ يندەكسى 107,2 پايىزعا جەتكەنى اتاپ ءوتىلدى. اۋىل شارۋاشىلىعى ونىمدەرىن ءوندىرۋ 32,9 پايىزعا ارتتى. اۋدان­دا يندۋستريالاندىرۋ كارتاسى بو­يىنشا جۇمىستار جۇرگىزىلىپ جاتىر. ال سەنات دەپۋتاتى جابال ەر­عاليەۆ «بەس ينستيتۋتتىق رەفورمانى ىسكە اسىرۋ جونىندەگى «100 ناقتى قادام» باعدارلاماسىنىڭ باستى ماسەلەلەرىنە توقتالدى. ەلىمىزدىڭ دۇنيەجۇزىلىك ساۋدا ۇيىمىنا ەنۋىنىڭ ارتىقشىلىقتارى جانە زەينەتاقىمەن قامتاماسىز ەتۋ تۋرالى زاڭنامانى جەتىلدىرۋ جونىندە اتقارىلعان ىستەرگە توقتالدى. سەناتورلار وقۋ-وندىرىستىك كوم­­­بيناتىندا بولدى جانە وندا جىلۋ جۇيەسىنىڭ قىسقى ماۋسىمعا ازىرلىگىمەن تانىستى. *  *  * سەنات دەپۋتاتتارى مۇرات باقتيار ۇلى مەن بەكمىرزا ەلامانوۆ جانە ءماجىلىس دەپۋتاتى الماس تۇرتاەۆ قىزىلوردا وبلىسىندا تۇرعىندارمەن كەزدەستى. كەزدەسۋ بارىسىندا مۇرات باق­تيار ۇلى 2015-2017 جىلدارعا ارنالعان رەسپۋبليكالىق بيۋدجەت تۋرالى زاڭنىڭ قابىلدانعانىن, الەم بويىنشا مۇناي باعاسىنىڭ تومەندەۋىنە بايلانىستى بيۋدجەت كولەمىنىڭ كەمىگەنىن اتاپ ءوت­­تى. سونداي-اق, «نۇرلى جول» باع­­دارلاماسى ارقىلى ۇلتتىق قوردان قارجى الىنىپ, بارلىق الەۋمەتتىك كەپىلدىكتەردىڭ ساق­تا­لىپ وتىرعانىن جەتكىزدى. ال بەكمىرزا ەلامانوۆ ەلىمىزدە كاسىپكەرلىكتى قولداۋعا بايلانىس­تى ءبىراز زاڭدارعا وزگەرىستەر ەنگى­زى­­لەتىنىنە, شارۋاشىلىق سۋب­ەك­­تىلەرى كولىك سالىعىنان بو­سا­تىلاتىنىنا توقتالدى. سو­نى­مەن قاتار, دۇنيەجۇزىلىك ساۋ­­دا ۇيىمىنا كىرگەندە اۋىل شا­ر­ۋا­شىلىعىن سۋبسيديالاۋدى 5-6 جىل­عا دەيىن قىسقارتپاۋعا رۇقسات الىنعانىن اتادى. سەناتورلار وبلىسقا ساپا­رى با­رىسىندا جاڭاقورعان اۋدا­نىن­داعى بىرقاتار نىسانداردى ارالاپ كوردى. ودان كەيىن اۋداندىق ءماس­­ليحات دەپۋتاتتارىمەن, ءبولىم باس­شىلارىمەن جۇزدەستى. اۋدان اكىمدىگىندە وتكەن كەزدەسۋدى اۋدان اكىمى رۋسلان رۇستەموۆ جۇرگىزدى. دەپۋتاتتار ەلباسى ن.نازارباەۆ ۇسىنعان بەس ينستيتۋتتىق رەفورما جانە ونى جۇزەگە اسىرۋ جونىندەگى «100 ناقتى قادام» – ۇلت جوسپارىن جان-جاقتى ءتۇسىندىردى. – پرەزيدەنت جاريالاعان «ۇلت جوسپارى» – ەلىمىزدىڭ دامۋ جولى اي­­­­قىندالعان تاريحي قۇجات. الداعى جىلدارى اتقارار مىندەتتەردىڭ نەگىزگى باعىتى. مەملەكەت مەجەسى – ءبا­سەكەگە قابىلەتتى وتىزدىققا ەنۋ. ءاربىر قادام قوعام ومىرىندەگى ما­ڭىزدى سالانى قامتىعان. ەندىگى كەزەك سول مىندەتتەردى جۇزەگە اسى­رۋعا جۇمىس ىستەۋ, – دەدى بەك­مىرزا ەلامانوۆ.