قوستاناي. 18 مامىر. قوستاناي وبلىسىنىڭ اۋماعىندا قوستاناي وبلىسىنىڭ توتەنشە جاعدايلار دەپارتامەنتى جانە رەسەي فەدەراتسياسى چەليابى جانە قورعان وبلىستارىنىڭ توتەنشە جاعدايلار باس باسقارماسى بىرلەسىپ, ءىرى ورمان جانە دالا ورتتەرى سالدارىنان بولاتىن ترانسشەكارالىق توتەنشە جاعدايلاردىڭ الدىن الۋ جانە ولاردى جويۋ جونىندەگى ءوزارا ءىس-قيمىل جاساۋدى ۇيىمداستىرۋ بويىنشا بىرلەسكەن كوماندالىق-شتابتىق وقۋ-جاتتىعۋلارىن وتكىزدى. بۇل تۋرالى egemen.kz حابارلادى.
قوستاناي وبلىستىق توتەنشە جاعدايلار دەپارتامەنتىنىڭ باستىعى, ورتكە قارسى قىزمەت پولكوۆنيگى تالعات كاكىموۆ وتكىزىلىپ وتىرعان وقۋ-جاتتىعۋدا الداعى ۋاقىتتا بولۋى ىقتيمال توتەنشە جاعدايلاردا شەكارالىق مەملەكەتتەردىڭ تج شۇعىل-كەزەكشى قىزمەتىندەگى جەكە قۇرامنىڭ ءوزارا ءىس-قيمىل بىرىكتىرۋى تەكسەرىلگەنىن اتاپ كەتتى. شەكارانى رۇقسات ەتىلگەن ورىندا ءوتۋىنىڭ جانە رۇقسات ەتىلمەگەن ورىندا ءوتۋىنىڭ ىقشامدالعان ءتارتىبى بويىنشا ءوزارا قيمىلدار پىسىقتالدى. سونىمەن قاتار وقۋ-جاتتىعۋ بارىسىندا ترانسشەكارالىق توتەنشە جاعدايلار تۋرالى اقپاراتتاردى جەدەل بەرۋ جانە بىرىككەن ارەكەتتەردىڭ قايتىپ وڭدەلۋى بويىنشا شۇعىل-كەزەكشىلىك قىزمەتىندەگى جەكە قۇرامنىڭ تاجىريبەلىك داعدىلارى جەتىلدىرىلدى.
كوماندالىق-شتابدىق جاتتىعۋلار قوستاناي وبلىسى فەدوروۆ اۋدانىنىڭ كەڭارال ەلدى مەكەنىنە جاقىن ماڭداعى چەليابى وبلىسىنىڭ شەكاراسىندا وتكىزىلدى. قازاقستان جانە رەسەي شەكارالىق ءورت بولىمشەلەرىنىڭ قۇتقارۋشىلارىمەن ترانسشەكارالىق اۋماقتاعى ورمان جانە دالا ءورتىن جويۋ بويىنشا بىرىككەن ءىس-قيمىلدارى پىسىقتادى.
جاتتىعۋعا قازاقستان تاراپىنان 16 تەحنيكا جانە جەكە قۇرامداعى 46 ادام, ەرىكتى ورتكە قارسى قۇرىلىم, رەسەي تاراپىنان 3 بىرلىك تەحنيكا, 16 ادام قاتىستى.
جاتتىعۋ قورىتىندىسىندا ەكى ەلدىڭ قۇتقارۋشى بولىمشەلەرىنىڭ جوعارعى ۇيىمداستىرۋشىلىعى جانە رەتتەلگەنى اتالدى.
ءنازيرا جارىمبەتوۆا.
دەرەك, سۋرەت: egemen.kz
