فوتو: istockphoto.com
كولىكتەگى پوليتسيانىڭ مالىمەتىنشە, ۇشاق قونعاننان كەيىن اۋە كومپانياسىنىڭ وكىلدەرى ەر ادامدى الماتى اۋەجايىنداعى جەلىلىك پوليتسيا ءبولىمىنىڭ قىزمەتكەرلەرىنە تاپسىرعان.
قۇقىق قورعاۋ ورگاندارىنىڭ دەرەگىنە سايكەس, الماتى قالاسىنىڭ تۇرعىنى ۇشاق بورتىندا ماس كۇيدە بولعان, ەكيپاج مۇشەلەرىنىڭ تالاپتارىنا باعىنباعان, بالاعات سوزدەر ايتىپ, باسقا جولاۋشىلارعا قولايسىزدىق تۋدىرعان.
اتىراۋ وبلىسىندا بۇزاقىلىق دەرەگىمەن 121 ادامعا سوت ۇكىمى شىقتى
ەر ادامعا قاتىستى اكىمشىلىك قۇقىقبۇزۋشىلىق تۋرالى كودەكستىڭ ءۇش بابى: قوعامدىق ورىنعا ماس كۇيىندە كەلۋ, اۋە كەمەسىندە ءتارتىپ ەرەجەلەرىن بۇزۋ جانە ۇساق بۇزاقىلىعى ءۇشىن اكىمشىلىك ءىس قوزعالدى.
ۇساق بۇزاقىلىق ءىسى الماتى قالاسىنىڭ مامانداندىرىلعان اۋدانارالىق اكىمشىلىك سوتىنا پروتسەسسۋالدىق شەشىم قابىلداۋ ءۇشىن جولداندى.
ايتا كەتەيىك, استانا قالاسىنىڭ پروكۋراتۋراسى جول قوزعالىسى ەرەجەلەرىن جۇيەلى ءارى ورەسكەل بۇزاتىن جۇرگىزۋشىلەرگە قاتىستى جاۋاپكەرشىلىكتىڭ قاتاڭداتىلعانىن مالىمدەدى. ەندى اگرەسسيۆتى جۇرگىزۋ مەن قاۋىپتى مانەۆر جاساۋ تەك ايىپپۇلمەن شەكتەلمەي, «ۇساق بۇزاقىلىق» رەتىندە باعالانىپ, جۇرگىزۋشىنى 15 تاۋلىككە دەيىن قاماۋعا الۋعا نەگىز بولادى.
