وسى ورايدا ۇلىتاۋ وبلىسىندا جي تەحنولوگيالارىن ءبىلىم جۇيەسىنە ەنگىزۋ جوسپارعا ساي جۇزەگە اسىرىلىپ جاتىر. ماسەلەن, ايماقتاعى 87 ءبىلىم وشاعىندا «تسيفرلىق ساۋات» جانە «ينفورماتيكا» پاندەرى اياسىندا, سونداي-اق پاندىك وقىتۋدا دا جاساندى ينتەللەكت ەلەمەنتتەرى كومەكشى قۇرال رەتىندە قولدانىلادى.
سونداي-اق ءبىلىم بەرۋ ۇيىمدارىندا Testter.kz (EdooX.com), BilimLand, Google Workspace for Education پلاتفورماسىنداعى Gemini جۇيەسى, Roqed AI, Aqyl AI پلاتفورمالارى پايدالانىلىپ, ءبىلىم الۋشىلاردى ۇبت, مودو جانە حالىقارالىق زەرتتەۋلەرگە (PISA, TIMSS, PIRLS) دايارلاۋ قولعا الىنعان.
ايتالىق, پلاتفورمالاردى ءبىلىم الۋشىلاردى ۇلتتىق بىرىڭعاي تەستىلەۋگە, وقۋشىلاردىڭ ءبىلىم جەتىستىگىن مونيتورينگىلەۋگە, سىرتقى باقىلاۋلار, حالىقارالىق زەرتتەۋلەرگە دايىنداۋ ماقساتىندا وقۋ ۇدەرىسىندە قولدانادى. سونىمەن قاتار جەكە وقۋ تراەكتورياسىن قالىپتاستىرۋ مەن ينتەراكتيۆتى تسيفرلىق كونتەنت ازىرلەۋ مۇمكىندىگى قامتاماسىز ەتىلگەن. زاماناۋي تسيفرلىق ءبىلىم پلاتفورمالارىن ەنگىزۋ ءبىلىم ساپاسىن ارتتىرادى.
جالپى, وبلىس كولەمىندە 5 341 پەداگوگتىڭ 3 547-ءسى تسيفرلاندىرۋ جانە جاساندى ينتەللەكتى قولدانۋ باعىتتارى بويىنشا وقىتۋدان ءوتتى. بۇل كورسەتكىش وبلىس پەداگوگتەرىنىڭ 66 پايىزدان استامىن قامتيدى. سونىمەن بىرگە پەداگوگيكالىق كەڭەستەر مەن ادىستەمەلىك الاڭداردا جاساندى ينتەللەكتىنى قولدانۋدىڭ ەتيكالىق نورمالارى مەن دەرەكتەردى قورعاۋ تالاپتارى جانە اكادەميالىق ادالدىق قاعيداتى ءتۇسىندىرىلدى. وقۋ ۇدەرىسىنە جاساندى ينتەللەكتىنى كەزەڭ-كەزەڭىمەن ەنگىزۋ بويىنشا پراكتيكالىق ۇسىنىمدار بەرىلەدى.
جارلىققا سايكەس, 2026 جىلعى 1 تامىزعا دەيىن قاناتقاقتى جوبانى ىسكە اسىرۋ اياسىندا مەكتەپتەردى تەحنيكالىق جابدىقتارمەن, ونىڭ ىشىندە تۇراقتى جوعارى جىلدامدىقتى ينتەرنەتپەن قامتاماسىز ەتۋ كوزدەلگەن.
بۇگىندە وبلىستاعى بارلىق 87 ءبىلىم بەرۋ ۇيىمى ينتەرنەت جەلىسىنە تۇراقتى قوسىلعان. وتكەن جىلى 46 مەكتەپ قاناتقاقتى رەجىمدە «Starlink» جەرسەرىكتىك تەحنولوگياسىنا قوسىلىپ, شامامەن 150 مبيت/سەكۋند جىلدامدىققا قول جەتكىزدى. بۇل شالعاي اۋىل مەكتەپتەرىندەگى وقۋشىلاردىڭ ساپالى تسيفرلىق ءبىلىم رەسۋرستارىنا تەڭ قولجەتىمدىلىگىن قامتاماسىز ەتۋگە جول اشىپ وتىر.
وبلىستىق ءبىلىم باسقارماسى باسشىسىنىڭ ورىنباسارى ماراتبەك جاقىپبەك ۇلىنىڭ ايتۋىنشا, ايماقتا پەداگوگتەردىڭ جاساندى ينتەللەكت تەحنولوگيالارىن قولدانۋ دارىستەرى جۇيەلى تۇردە ءوتىپ كەلەدى.
«بۇگىندە ورلەۋ» بىلىكتىلىكتى ارتتىرۋ ۇلتتىق ورتالىعى مۇرىندىق بولىپ, 3 مىڭ پەداگوگ جي تەحنولوگيالارىن مەڭگەرۋ ءۇشىن ارنايى وقىتۋدان ءوتتى. سونىمەن قاتار «Ustazga AI» جوباسى اياسىندا «Amanat» پارتياسىمەن بىرلەسىپ, 547 پەداگوگكە مامانداندىرىلعان بىلىكتىلىكتى ارتتىرۋ كۋرسى ۇيىمداستىرىلدى. اتالعان كۋرستار پراكتيكالىق باعىتتا قۇرىلىپ, جي قۇرالدارىن ساباققا ەنگىزۋ, يننوۆاتسيالىق ادىستەردى قولدانۋ جانە وقۋ ۇدەرىسىنىڭ تسيفرلىق ترانسفورماتسياسىن قامتاماسىز ەتۋگە ارنالعان», دەدى ول.
شىنىندا, ءبىلىم جۇيەسىن كەشەندى تسيفرلىق ترانسفورماتسيالاۋ – ۋاقىت تالابى. سوندىقتان ونى ءتيىمدى پايدالانۋ وقىتۋ ساپاسىن ارتتىرىپ, پەداگوگتەردىڭ كاسىبي الەۋەتىن كۇشەيتۋگە, ءاربىر وقۋشىعا ساپالى ءبىلىم بەرۋگە مۇمكىندىك بەرەدى.
ۇلىتاۋ وبلىسى
