فوتو: اشىق دەرەككوز
تاشيەۆتىڭ قورعاۋشىسى يكراميدين ايتقۇلوۆتىڭ مالىمدەۋىنشە, سوت قورعاۋشىلارعا ءۇش قۇپيا كۋاگەردىڭ جاۋاپ الۋ حاتتامالارىمەن تانىسۋعا مۇمكىندىك بەرمەگەن. وسىعان بايلانىستى ادۆوكاتتار سۋدياعا قارسىلىق ءبىلدىردى.
جابىرلەنۋشى تاراپتىڭ سوزىنشە, قىلمىستىق ءىس ماتەريالدارىندا ءۇش جاسىرىن كۋاگەردىڭ ايعاقتارى بار. الايدا بۇل قۇجاتتار بۇعان دەيىن ادۆوكاتتارعا ۇسىنىلماعان. ولار زاڭ بويىنشا كۋاگەردىڭ جەكە باسىنا قاتىستى مالىمەتتەر عانا قۇپيا ساقتالۋى كەرەك ەكەندىگىن, ال ايعاقتاردىڭ مازمۇنى پروتسەسكە قاتىسۋشىلارعا قولجەتىمدى بولۋى كەرەكتىگىن ايتىپ وتىر.
قىرعىزستان العاش رەت بۇۇ قاۋىپسىزدىك كەڭەسىنىڭ مۇشەسى اتاندى
سوت وتىرىسىنا كۋاگەر رەتىندە بىشكەكتىڭ بۇرىنعى مەرى يسا ومىرقۇلوۆ پەن قىرعىزستاننىڭ وزبەكستانداعى بۇرىنعى ەلشىسى يبراگيم ءجۇنىسوۆ شاقىرىلدى. ەكەۋى دە باسشىلىقتا بولعان جىلدارى «75 حات» دەپ اتالعان قۇجاتقا قول قويعان.
ايتا كەتەيىك, بۇعان دەيىن قىرعىزستاننىڭ بۇرىنعى پرەمەر-ءمينيسترى دانيار ۇسەنوۆتىڭ ۇلى ۋرمات ۇسەنوۆ الماتى قالاسىنداعى تەرگەۋ يزولياتورىنا قامالعانىن جازعان ەدىك. ول كاليان تەمەكىسىن ساتۋ مەن زاڭسىز كاسىپكەرلىك جۇرگىزۋ ءىسى بويىنشا كۇدىكتى رەتىندە تانىلىپ وتىر.
