فوتو: اشىق دەرەككوز
ستەپنوگورسك اكىمدىگى قالانى قىسقى جانە جازعى كۇتىپ-ۇستاۋ جۇمىستارىن جوسپارلاۋ كەزىندە بيۋدجەت زاڭناماسىنىڭ تالاپتارىن بۇزعان.
«اتاپ ايتقاندا, زاڭبۇزۋشىلىقتار سمەتالىق قۇننىڭ نەگىزسىز جوعارى كورسەتىلۋىنە, ارتىق ءارى ەكونوميكالىق تۇرعىدان نەگىزدەلمەگەن جۇمىس كولەمدەرىنىڭ ەنگىزىلۋىنە, سونداي-اق زاڭناماعا سايكەس كەلمەيتىن جانە باسەكەلەستىك ورتانى شەكتەيتىن تالاپتاردىڭ قويىلۋىنا بايلانىستى بولدى», دەپ حابارلادى اقمولا وبلىسىنىڭ پروكۋراتۋراسى.
وسىعان بايلانىستى پروكۋراتۋرا جالپى سوماسى 1,1 ميلليارد تەڭگەنى قۇرايتىن 9 مەملەكەتتىك ساتىپ الۋ كونكۋرسىنىڭ كۇشىن جويدى.
ەلىمىزدە جول قۇرىلىسىنا بولىنگەن بيۋدجەت تالان-تاراجعا تۇسكەن
«سمەتالىق قۇن تومەندەتىلىپ, بيۋدجەتتەن نەگىزسىز جۇمسالۋى مۇمكىن بولعان 386 ميلليون تەڭگە كولەمىندەگى شىعىندار الىنىپ تاستالدى. سونىڭ ناتيجەسىندە مەملەكەتتىك قاراجات ۇنەمدەلدى. جول بەرىلگەن زاڭبۇزۋشىلىقتار ءۇشىن قالا اكىمىنىڭ ورىنباسارى مەن مەملەكەتتىك اكتيۆتەر ءبولىمىنىڭ باسشىسى تارتىپتىك جاۋاپكەرشىلىككە تارتىلدى», دەلىنگەن حابارلامادا.
ۆەدومستۆو وڭىردەگى بيۋدجەت قاراجاتىنىڭ ماقساتتى ءارى ءتيىمدى پايدالانىلۋى پروكۋراتۋرا ورگاندارىنىڭ تۇراقتى باقىلاۋىندا ەكەنىن اتاپ ءوتتى.
اۋىل كلۋبىنىڭ باسشىسى 10 جىل بويى بيۋدجەت قارجىسىن جىمقىرعان
