فوتو: اقوردا
«قازىر قازاقستان جاڭا تۇرپاتتى ەلگە اينالدى. ءبىز ءبىرتۇتاس ءارى جاسامپاز ۇلت رەتىندە دامۋدىڭ داڭعىل جولىنا تۇستىك. كەيىنگى جىلداردى ەلىمىز ءۇشىن تاريحي بەتبۇرىس كەزەڭى دەۋگە تولىق نەگىز بار. اۋقىمدى رەفورمالار بارلىق سالاعا تىڭ سەرپىن بەرۋدە. تۇبەگەيلى وزگەرىستەر, اسىرەسە, قوعامدىق ساناعا زور سىلكىنىس اكەلدى. ىشكى ساياساتتىڭ مازمۇنى جاڭاردى, باعىت-باعدارى ايقىندالا ءتۇستى.
ەل ىشىندە جاناشىرلىق, ەڭبەكقورلىق, ۇقىپتىلىق, ۇنەمشىلدىك قاسيەتتەرى ورنىعا باستادى. ازاماتتارىمىزدىڭ كوزقاراسى جانە ۇستانىمى وزگەرۋدە. حالقىمىز ادىلەتتى, مادەنيەتتى, تازا جانە قاۋىپسىز ەلدە ءومىر ءسۇرۋدى قالايدى. سوندىقتان جۇرتىمىز ءتارتىپ بۇزۋشىلىققا, زاڭسىزدىققا تۇتاس قوعام بولىپ توسقاۋىل قويۋدا. الايدا, الدىمىزدا تۇرعان جۇمىس – وتە اۋقىمدى. بۇل جۇمىستى ءبارىمىز ءبىر ەل, ءبىرتۇتاس حالىق بولىپ مىندەتتى تۇردە ويداعىداي ورىندايمىز», دەدى پرەزيدەنت.
قاسىم-جومارت توقاەۆ: بۇل ءار جەتىستىككە ءماز بولىپ, جايباراقات وتىراتىن زامان ەمەس
قاسىم-جومارت توقاەۆ ناعىز ساربازدىڭ ابىروي-بەدەلى, ەڭ الدىمەن, وتان الدىنداعى ءمىنسىز قىزمەتىنە قاراي ولشەنەتىنىن اتاپ ءوتتى.
«مەن بىلتىر اسكەري وقۋ ورىندارىنىڭ ۇزدىك تۇلەكتەرىن قولداۋ جونىندە باستاما كوتەردىم. ولارعا قالىپتاسقان داستۇرگە ساي «لەيتەنانت» ەمەس, «اعا لەيتەنانت» شەنىن تاپسىرۋ قاجەت ەكەنىن ايتتىم. سوعان سايكەس ناقتى تاپسىرما بەردىم. مىنە, بۇگىن وسى باستاما ناقتى جۇزەگە اسىرىلماق. سىزدەر وقۋدى ءبىتىرىپ, بىردەن «اعا لەيتەنانت» شەنىن الاتىن تۇڭعىش تۇلەك بولاسىزدار. بۇل – وزدەرىڭىزگە ارتىلعان زور سەنىم جانە ۇلكەن جاۋاپكەرشىلىك.
قازاقتىڭ ءبىرتۋار باتىرى ساعادات نۇرماعامبەتوۆتىڭ «اتاقتى العاننان ونى ارقالاپ ءجۇرۋ قيىن» دەگەن ءسوزى بار. شىن مانىندە, ناعىز ساربازدىڭ ابىروي-بەدەلى ونىڭ شەنىمەن ەمەس, ەڭ الدىمەن, وتان الدىنداعى ءمىنسىز قىزمەتىنە قاراي ولشەنەدى. كوپتەگەن جاستارىمىز سىزدەرگە قاراپ بوي تۇزەيدى, ۇلگى الادى. ءبارىڭىز دە انتقا ادال بولىپ, قازاق ساردارى دەگەن اتاققا ءاردايىم لايىق بولاسىزدار دەپ سەنەمىن.
بۇگىن القالى جيىنعا وزات تۇلەكتەردىڭ اتا-انالارى دا قاتىسىپ وتىر. سىزدەر قازاقستاننىڭ ءدال وسىنداي وتانشىل ازاماتتارىنا ءتالىم-تاربيە بەردىڭىزدەر. بارشاڭىزعا شىنايى ريزاشىلىعىمدى بىلدىرەمىن. جاس وفيتسەرلەردىڭ العاشقى اسكەري شەنى قۇتتى بولسىن! قىزمەتتەرىڭىزگە تابىس تىلەيمىن! تۋىمىز ءاردايىم كوكتە جەلبىرەسىن! قازاق ەلى ماڭگى بولسىن!», دەدى مەملەكەت باسشىسى.مەملەكەت باسشىسى: تاۋەلسىزدىكتىڭ 35 جىلدىعىن ناقتى ناتيجەلەرمەن قارسى الۋىمىز كەرەك
ءىس-شارا اياسىندا س. نۇرماعامبەتوۆ اتىنداعى قۇرلىق اسكەرلەرى اسكەري ينستيتۋتى, ۇلتتىق قاۋىپسىزدىك كوميتەتى اكادەمياسى, ۇلتتىق قاۋىپسىزدىك كوميتەتى شەكارا اكادەمياسى, ىشكى ىستەر مينيسترلىگىنىڭ ب. بەيسەنوۆ اتىنداعى قاراعاندى اكادەمياسى, ۇلتتىق ۇلان اكادەمياسى, م. عابدۋللين اتىنداعى ازاماتتىق قورعاۋ اكادەمياسىنىڭ ۇزدىك تۇلەكتەرىنە «اعا لەيتەنانت» شەنى تاپسىرىلدى.
