فوتو: istockphoto.com
ءىس ماتەريالدارىنا سايكەس, ايىپتالۋشىنىڭ مەديتسينالىق قىزمەتپەن اينالىسۋعا ليتسەنزياسى دا, ءتيىستى سەرتيفيكاتى دا بولماعان. سوعان قاراماستان ول ءوزىن مامان رەتىندە تانىستىرىپ, تومەنگى قاباققا بلەفاروپلاستيكا جاسايتىنىن ايتقان. وپەراتسيا ءۇشىن ول پاتسيەنتتەن 100 مىڭ تەڭگە العان. بۇعان دەيىن جابىرلەنۋشى ونىڭ كومەگىنە جۇگىنىپ, قۇلاق قالقانىن تۇزەتۋ (وتوپلاستيكا) وپەراتسياسىن دا جاساتقان.
«2025 جىلدىڭ ءساۋىر ايىندا ول العاش رەت مەديتسينالىق كلينيكاعا بارىپ, ايىپتالۋشىمەن جەكە تانىسقان. اڭگىمە بارىسىندا ول ايىپتالۋشىدا ديپلوم مەن ءتيىستى سەرتيفيكاتتاردىڭ بار-جوعىن سۇراعان. بۇعان جاۋاپ رەتىندە ايىپتالۋشى اۋىزشا تۇردە ءوزىنىڭ جوعارى مەديتسينالىق ءبىلىمى مەن قاجەتتى سەرتيفيكاتتارى بار ەكەنىن ايتقان», دەلىنگەن سوت حابارلاماسىندا.
ەكس-دەپۋتاتقا كوسمەتيكالىق وتا جاساعان كلينيكادان زاڭبۇزۋشىلىقتار انىقتالدى
تەكسەرۋ ناتيجەسىندە ايىپتالۋشى ءوز كىناسىن مويىندادى. سونداي-اق ول كامەلەتكە تولماعان ەكى بالاسى بار ەكەنىن ايتىپ, جەڭىل جازا سۇرادى. سوت ونى 1,5 جىل باس بوستاندىعىنان ايىرىپ, مەديتسينالىق قىزمەتپەن اينالىسۋعا 3 جىلعا تىيىم سالدى. سونداي-اق كىنالىگە 5 ملن تەڭگە مورالدىق وتەماقى جانە 369 مىڭ تەڭگە ەمدەلۋ شىعىندارىن وتەۋ مىندەتتەلدى.
ەسكە سالا كەتەيىك, بۇعان دەيىن الماتىداعى جەكە كلينيكادا ليپوساكتسيادان كەيىن بلوگەر ءارى كاسىپكەر ساۋلە ەرماحانوۆا قايتىس بولعان ەدى.
