فوتو: Depositphotos.com
قالالىق سوت 20 ساۋىردە قارۋمەن شابۋىل جاساعان ەر ادامعا قاتىستى ۇكىم شىعارعان. وعان ورتاشا قاۋىپسىزدىك مەكەمەسىندە 5 جىل باس بوستاندىعىنان ايىرۋ جازاسى تاعايىندالعان.
ءىس ماتەريالدارىنا سايكەس, وقيعا 2025 جىلعى 22 قاراشادا بولعان. ەر ادام Instagram جەلىسىنەن ءوزىنىڭ قاتىسۋىمەن تۇسىرىلگەن بەينەروليكتى كورگەن. ۆيدەودا ونىڭ يتتەردى دورەكى ءارى اگرەسسيۆتى تۇردە ۇيرەتىپ جاتقانى كورسەتىلگەن. جازبا استىندا الەۋمەتتىك جەلى قولدانۋشىلارى بالاعات سوزدەر مەن قورلايتىن پىكىرلەر قالدىرعان.
سوتتالۋشى اتالعان جاريالانىمعا بەيتانىس ءجاسوسپىرىمنىڭ قاتىسى بار دەپ ويلاعان.
سوت قاۋلىسىندا كورسەتىلگەندەي, ماس كۇيدە بولعان ەر ادام اۋلاعا شىعىپ, سول جەردە جۇرگەن ەكى كامەلەتكە تولماعان بالانىڭ بىرىنە شابۋىل جاساعان.
«ەر ادام جابىرلەنۋشىنى قۇلاتىپ, بەتىنە پىشاققا ۇقساس زاتتى تاقاپ, وڭ جاق بەت تۇسىنا جاراقات سالعان. جاسوسپىرىمدەر قارسىلىق كورسەتىپ, قاشىپ قۇتىلعان», دەلىنگەن قۇجاتتا.
سوتتالۋشى ءوز كىناسىن ءىشىنارا مويىندادى. ونىڭ ايتۋىنشا, ول كەسەتىن زاتتى ءوزىن قورعاۋ ماقساتىندا العان, ال ءجاسوسپىرىمدى ابايسىزدا جاراقاتتاپ العانىن مالىمدەگەن.
قورعاۋشى تاراپ ونىڭ ارەكەتىن دەنساۋلىققا جەڭىل زيان كەلتىرۋ بابىنا قايتا سارالاۋدى سۇرادى.
الايدا سوت بۇل ۋاجدەرمەن كەلىسپەي, ەر ادامدى ناقتى مەرزىمگە باس بوستاندىعىنان ايىرۋ جازاسىنا كەستى.
اتىراۋدا جاسوسپىرىمدەر 14 جاستاعى وقۋشىنى بىرنەشە ساعات بويى ۇرىپ-سوققان
