فوتو: اشىق دەرەككوز
الدىن الا اقپاراتقا سايكەس, ۋرمات ۇسەنوۆ پەن ءۇش ادام زاڭسىز كاليان تەمەكىسىن ساتۋ جانە زاڭسىز كاسىپكەرلىك جۇرگىزۋ ءىسى بويىنشا كۇدىكتى رەتىندە تانىلعان. كۇدىكتىلەر اراسىندا ەكى قىرعىزستان ازاماتىمەن بىرگە قازاقستان ازاماتى دا بار بار.
تەرگەۋ ورگاندارى ولارعا قازاقستان قىلمىستىق كودەكسىنىڭ 214-بابى («زاڭسىز كاسىپكەرلىك قىزمەتتى ۇيىمداستىرۋ») جانە 264-بابى («ترانسۇلتتىق ۇيىمداسقان قىلمىستىق توپ قۇرۋ») بويىنشا ايىپ تاعىپ وتىر. تەرگەۋ دەرەكتەرىنە سايكەس, كەلتىرىلگەن زالال كولەمى شامامەن 26 ميلليون تەڭگەنى قۇرايدى. تەكسەرۋ بارىسىندا قۇنى 46 ميلليون تەڭگەدەن اساتىن 1,6 توننادان استام كاليان تەمەكىسى تاركىلەنگەن.
الماتى سوتى 10 ناۋرىزدا كۇدىكتىلەردى ەكى اي مەرزىمگە قاماۋعا الۋ تۋرالى شەشىم شىعارعان.
قىرعىزستان العاش رەت بۇۇ قاۋىپسىزدىك كەڭەسىنىڭ مۇشەسى اتاندى
ايتا كەتەيىك, دانيار ۇسەنوۆ 2009-2010 جىلدارى قىرعىزستاننىڭ 14-پرەمەر-ءمينيسترى بولعان. 2010 جىلعى بيلىك اۋىسىمىنان كەيىن ول ەلدەن كەتىپ, كەيىن سىرتتاي سوتتالعان.
ەسكە سالا كەتەيىك, بۇعان دەيىن قىرعىزستاندا قامشىبەك تاشيەۆ پەن باسقا جوعارى لاۋازىمدى تۇلعالارعا قاتىستى سىبايلاس جەمقورلىق جانە مەملەكەتتىك توڭكەرىس جاساۋ ايىپتارىمەن جابىق سوت پروتسەسى وتكەن بولاتىن.
