ءىس-شارالاردى «ش.ايمانوۆ اتىنداعى قازاقفيلم» كينوستۋدياسى جانىنداعى «قازاقانيماتسيا» شىعارماشىلىق بىرلەستىگى ۇيىمداستىردى.
استاناداعى ۇلتتىق اسكەري-پاتريوتتىق ورتالىقتا, ەكىباستۇزداعى جاستار باستامالارىن دامىتۋ ورتالىعىندا مەرەكەلىك ويىن-ساۋىق باعدارلامالارىنان كەيىن كورەرمەنگە تولىقمەتراجدى «التىن ادام» انيماتسيالىق ءفيلمى ۇسىنىلدى. تۋىندىعا باتىلدىق, ادىلدىك, مەيىرىمدىلىك پەن وتانسۇيگىشتىك سەكىلدى قۇندىلىقتار ارقاۋ بولعان.
الماتى قالاسىنداعى «ارمان» كينوتەاترىندا كورسەتىلىمدەر ەكى زالدا قاتار ءوتتى. قىزىل زالدا بىلتىر جارىق كورگەن قىسقامەتراجدى انيماتسيالىق فيلمدەر توپتاماسى كورسەتىلسە, كوك زالدا بالالارعا ارنالعان «جابايى» كوركەم ءفيلمى ۇسىنىلدى. فيلم ادام مەن جانۋار اراسىنداعى دوستىق, قامقورلىق پەن ادالدىق تاقىرىپتارىن قوزعايدى.
ۇيىمداستىرۋشىلاردىڭ ايتۋىنشا, مۇنداي مادەني ءىس-شارالار بالالاردىڭ بوس ۋاقىتىن مازمۇندى وتكىزۋگە مۇمكىندىك بەرىپ قانا قويماي, ۇلتتىق كينو مەن انيماتسيا ونەرىن كەڭىنەن ناسيحاتتاۋعا باعىتتالعان.
