حوككەي. الەم چەمپيوناتى. جارتىلاي فينالعا شىققاندار بەلگىلى بولدى

استانا. 15 مامىر. چەحيادا ءوتىپ جاتقان حوككەيدەن الەم چەمپيوناتىنىڭ جارتىلاي فينالىنا شىققان قۇرامالار بەلگىلى بولدى. بۇل تۋرالى egemen.kz حابارلادى. كەشە شيرەك فينالدىق باسەكەلەر ءوتىپ, ناتيجەسىندە اقش, كانادا, رەسەي جانە چەحيا قۇرامالارى جارىستى جالعاستىرۋعا مۇمكىندىك الدى. شيرەك فينالدىق ويىنداردىڭ ناتيجەلەرى: 14 مامىر اقش – شۆەيتساريا 3:1 (0:1, 2:0, 1:0); كانادا – بەلارۋس 9:0 (4:0, 2:0, 3:0); شۆەتسيا – رەسەي 3:5 (0:2, 1:1, 2:2); فينليانديا – چەحيا 3:5 (1:1, 1:2, 1:2). جارتىلاي فينالدىق ويىندار 16 مامىردا وتەدى. بۇل سىندا كانادا چەحيامەن كۇش سىناسسا, فينالعا بەرىلەر ەكىنشى جولدامانى اقش پەن رەسەي ساراپقا سالادى. بۇل قۇرامالار توپتىق كەزەڭدە ءبىر-بىرىمەن كەزدەسكەن بولاتىن. سول كەزدە كانادا چەحيانى 6:3 ەسەبىمەن جەڭسە, اقش رەسەيدەن 4:2 ەسەبىمەن باسىم تۇسكەنى ەسىمىزدە. الەم چەمپيوناتى 17 مامىردا اياقتالاتىنىن ايتا كەتەيىك. ەلامان قوڭىر. دەرەك: egemen.kz. سۋرەت: championat.com.