فوتو: اشىق دەرەككوز
«مەملەكەت باسشىسى قاسىم-جومارت كەمەل ۇلى توقاەۆ بالا قورعاۋ جانە قولداۋ ماسەلەلەرىنە ءاردايىم ەرەكشە كوڭىل بولەدى. ءار بالانىڭ ءومىرى ماڭىزدى, ونىڭ قۇقىقتارى, ءال-اۋقاتى, قاۋىپسىزدىگى مەملەكەت قورعاۋىندا. وسى ماقساتتا ەلىمىزدە بارلىق قاجەت زاڭ قابىلدانىپ, ارنايى قىزمەتتەر قۇرىلدى جانە ءالى دە قۇرىلىپ جاتىر. ارقايسىڭىز بالالار قورعاۋشىسى بولا الاسىزدار. ەڭ باستىسى – وزىڭىزگە نەمەسە باسقا بالاعا كومەك قاجەت بولعان جاعدايدا بۇل تۋرالى ايتۋعا جانە حابارلاۋعا قورىقپاڭىزدار», دەدى د. زاكيەۆا.
كونستيتۋتسيالىق سوت: بالالاردىڭ زاڭدى مۇددەلەرىن قورعاۋ – باسىم باعىت
بالا قۇقىقتارىن قورعاۋ جونىندەگى ۋاكىلدىڭ ەسكە سالۋىنشا, بۇگىندە قازاقستاندا بالا قۇقىقتارى زاڭنامالىق جانە ينستيتۋتسيونالدىق دەڭگەيلەردە بەكىتىلگەن. پرەزيدەنت قاسىم-جومارت كەمەل ۇلى توقاەۆتىڭ تاپسىرماسىمەن, كەيىنگى بىرنەشە جىلدا بالالاردى قورعاۋ جۇيەسى مەن ينفراقۇرىلىمىن قالىپتاستىرۋعا باعىتتالعان ماڭىزدى رەفورمالار جۇرگىزىلىپ, زاڭدار مەن باعدارلامالار قابىلداندى.
د. زاكيەۆانىڭ ايتۋىنشا, قولدانىستاعى بارلىق مەحانيزمدەر مەن الداعى جىلدارعا ارنالعان ءىس-قيمىل جوسپارى, جۇمىستى جەتىلدىرۋ, جاڭا تاسىلدەردى ەنگىزۋ, قىزمەتكەرلەردى وقىتۋ, جالاقى ارتتىرۋ, سونداي-اق قاۋىپسىزدىك, الەۋمەتتىك قورعاۋ, دەنساۋلىق ساقتاۋ جانە ءبىلىم بەرۋ سالالارىنداعى وزەكتى مىندەتتەردى شەشۋ ماسەلەلەرى جىل باسىندا قابىلدانعان «قازاقستان بالالارى» ۇلتتىق ستراتەگياسى مەن باعدارلاماسىندا كورىنىس تاپتى.
«بالالاردى قورعاۋ سالاسىنداعى ەڭ ماڭىزدى وقيعالاردىڭ ءبىرى – 2024 جىلدان بەرى جۇرگىزىلگەن جۇمىس ناتيجەسىندە ءار وڭىرلىك اكىمدىكتەر قۇرىلىمىندا بالالاردىڭ قۇقىقتارىن قورعاۋ باسقارمالارىنىڭ قۇرىلۋى. ولاردىڭ قۇرىلۋى مەن قىزمەتتەرى «بالا قۇقىقتارى تۋرالى» زاڭدا بەكىتىلدى, بارلىق قاجەت راسىمدەر ءوتىپ, قاۋلىلار قابىلداندى, قۇرىلىم مەن شتات قالىپتاستىرىلىپ جاتىر. بۇل – بالالاردى قورعاۋ سالاسى ءۇشىن ۇلكەن جەتىستىك. بۇعان دەيىن جەرگىلىكتى اتقارۋشى ورگاندار جۇيەسىندە بالالاردىڭ قۇقىقتارىن قورعاۋمەن اينالىساتىن جەكە قۇرىلىم بولعان جوق. وسىعان بايلانىستى ءبىز سىزدەردى وڭىرلىك بالالاردىڭ قۇقىقتارىن قورعاۋ باسقارمالارىمەن تانىستىرىپ, پايدالى اقپاراتپەن بولىسكىمىز كەلەدى», دەپ تۇيىندەدى بالا قۇقىقتارىن قورعاۋ جونىندەگى ۋاكىلى دينارا زاكيەۆا.
ايدا بالاەۆا: بالا قاۋىپسىزدىگى – مەملەكەتتىك ساياساتتىڭ نەگىزگى باسىمدىقتارىنىڭ ءبىرى
