فوتو: اشىق دەرەككوز
سوتتا ايىپتالۋشىنىڭ ءبىر جىلدان استام ۋاقىت بويى كامەلەتكە تولماعان بالاسىن اسىراۋ جونىندەگى سوت شەشىمىن ورىنداۋدان جالتارعانى انىقتالدى. ونىڭ اليمەنت بويىنشا 4 ملن تەڭگە كولەمىندە بەرەشەك قالىپتاسقان.
سوت ورىنداۋشىلارى ەندى اليمەنت شوتتارىنان اقشا وندىرە المايدى
بۇعان دەيىن بورىشكەر وسىعان ۇقساس قۇقىقبۇزۋشىلىق ءۇشىن قىلمىستىق جاۋاپتىلىققا تارتىلىپ, الايدا راقىمشىلىق اكتىسىن قولدانۋعا بايلانىستى جازادان بوساتىلعان. سوعان قاراماستان, ءتيىستى قورىتىندى جاساماي, اتا-انالىق مىندەتتەرىن ورىنداۋدان جالتارۋىن جالعاستىرعان.
سوت ۇكىمى زاڭدى كۇشىنە ەنگەن جوق.
بيىلعى جىلدىڭ 4 ايىندا باتىس قازاقستان وبلىسىندا اليمەنت تولەۋدەن جالتارعان بورىشكەرلەرگە قاتىستى قىلمىستىق كودەكستىڭ 139-بابى بويىنشا 21 قىلمىستىق قۇقىقبۇزۋشىلىق تىركەلدى. ونىڭ ىشىندە 7 ءىس تاراپتاردىڭ تاتۋلاسۋىنا بايلانىستى توقتاتىلعان, ال 5 ءىس بويىنشا ايىپتاۋ ۇكىمدەرى شىعارىلعان, قالعان قىلمىستىق ىستەر وندىرىستە.
وسىعان بايلانىستى پروكۋراتۋرا سوت شەشىمىن ورىنداماعانى ءۇشىن قىلمىستىق جاۋاپتىلىق كوزدەلگەنىن ەسكە سالادى.
