فوتو: Depositphotos
ەۋروكوميسسيانىڭ مالىمەتىنشە, پلاتفورما زاڭسىز ونىمدەردىڭ تارالۋىنا بايلانىستى تاۋەكەلدەردى ءتيىستى دەڭگەيدە انىقتاپ, باعالاي الماعان. مۇنداي جاعداي ەۋرووداق ەلدەرىندەگى تۇتىنۋشىلارعا زيان كەلتىرۋى مۇمكىن.
«قۇپيا ساتىپ الۋشى» ادىسىمەن جۇرگىزىلگەن تەكسەرۋ بارىسىندا بىرقاتار ەلەۋلى زاڭبۇزۋشىلىقتار انىقتالعان.
- زاريادتاعىش قۇرىلعىلاردىڭ ەداۋىر بولىگى قاۋىپسىزدىك بويىنشا نەگىزگى سىناقتاردان وتپەگەن;
- كوپتەگەن بالالار ويىنشىقتارى قاۋىپتى بولىپ شىققان – ولاردىڭ قۇرامىندا زياندى زاتتار بولعان نەمەسە ۇساق بولشەكتەرگە بايلانىستى تۇنشىعۋ قاۋپىن تۋدىرعان.
سونىمەن قاتار ەو پلاتفورمانىڭ الگوريتمدەرىنە دە نازار اۋداردى. رەتتەۋشىلەردىڭ پىكىرىنشە, تاۋارلاردى ۇسىنۋ جۇيەسى مەن ينفليۋەنسەرلەر ارقىلى جارنامالاۋ قاۋىپتى ونىمدەردىڭ تارالۋىنا ىقپال ەتۋى مۇمكىن.
ەندى Temu ءبىر اي ىشىندە زاڭبۇزۋشىلىقتاردى جويۋ جوسپارىن ۇسىنۋى ءتيىس. وسىدان كەيىن ەۋروپالىق كوميسسيا تۇپكىلىكتى شەشىم قابىلداپ, تالاپتاردى ورىنداۋ مەرزىمىن بەلگىلەيدى.
كومپانيانىڭ ءوزى ايىپپۇلمەن كەلىسپەيتىنىن جانە ونى شامادان تىس كوپ دەپ سانايتىنىن مالىمدەدى.
ايتا كەتەيىك, بۇل – DSA اياسىنداعى ەكىنشى ءىرى ايىپپۇل. بۇعان دەيىن X پلاتفورماسىنا جارناما مەن اككاۋنتتاردىڭ اشىقتىعى جەتكىلىكسىز بولعانى ءۇشىن 120 ميلليون ەۋرو كولەمىندە سانكتسيا سالىنعان ەدى.
13 ملن تەڭگە ايىپپۇل: قازاقستاندا قانداي گۇلدەردى جۇلۋعا بولمايدى؟
