فوتو: ۆيدەودان الىنعان كادر
ايەلدىڭ ايتۋىنشا, مىسىعىن كادىمگى جۇك تاسپاسىنا شىعارىپ جىبەرگەن. چەموداندار ءبىرىنىڭ ۇستىنە ءبىرى قۇلاپ جاتقان جەردە تاسىمالداعىش تا اۋدارىلىپ, بىرنەشە رەت دومالاپ كەتكەن. بولعان جاعداي جانۋارعا اۋىر كۇيزەلىس اكەلگەن. ءوزى دە مۇنداي قىزمەت ساپاسىنا اشۋلى ەكەنىن جەتكىزدى.
«بۇل – جۇك ەمەس, ءتىرى جان. جانۋارلارعا قالايشا بۇلاي نەمقۇرايدى قاراۋعا بولادى؟ مىسىق قاتتى كۇيزەلىسكە ءتۇستى, ال مەن مۇنداي «قىزمەتكە» اشۋلىمىن», دەدى جولاۋشى.
جانۋارلارعا قاتىگەزدىك كورسەتكەندەر 5 جىلعا دەيىن باس بوستاندىعىنان ايىرىلۋى مۇمكىن
سونداي-اق ول اۋە كومپانياسىن جانۋار تاسىمالىنا جاۋاپكەرشىلىكپەن قاراۋعا شاقىردى.
«ەگەر جانۋارلاردى تاسىمالداۋدى مويىندارىڭىزعا الساڭىزدار, ولارعا ادامشا قاراۋدى ۇيرەنىڭىزدەر», دەپ جازدى ول.
جانۋارلار تۋرالى زاڭعا ەنگىزىلگەن تۇزەتۋلەر: دەرەكتەر, تسيفرلار جانە وزگەرىستەردىڭ سەبەپتەرى
وقيعاعا بايلانىستى الماتى اۋەجايىنداعى كولىكتەگى پوليتسيا باسقارماسى تەكسەرۋ جۇرگىزىلىپ جاتقانىن, ناتيجەسىنە سايكەس قولدانىستاعى زاڭناما اياسىندا قۇقىقتىق باعا بەرىلەتىنىن مالىمدەدى.
بۇعان دەيىن ءۇي جانۋارىن قاراۋسىز قالدىرعاندارعا ايىپپۇل ەنگىزىلەتىنى تۋرالى حابارلاعانبىز.
