فوتو: الماتى وبلىسىنىڭ اكىمدىگى
وندا قاجەتتى قاۋىپسىزدىك شارالارى تولىعىمەن قامتاماسىز ەتىلگەن. سۋ ءتۇبى زەرتتەلىپ, تازارتىلدى. قورشاۋلار مەن ەسكەرتۋ بەلگىلەرى ورناتىلىپ, قۇتقارۋشىلاردىڭ كەزەكشىلىگى ۇيىمداستىرىلدى. قاۋىپسىزدىك جانە سانيتارلىق تالاپتار ساقتالعان جاعاجايلاردا عانا شومىلۋعا رۇقسات ەتىلەدى.
پرەمەر-مينيستر 1 ماۋسىمعا دەيىن بارلىق جاعاجايلار مەن باسسەيندەردى تەكسەرۋدى تاپسىردى
بۇگىندە قوناەۆ قالاسىنداعى كوممۋنالدىق جاعاجايلاردى دامىتۋعا ەرەكشە كوڭىل بولىنگەن. ماسەلەن, №5 جاعاجاي وتكەن جىلى تولىق اباتتاندىرىلىپ, پايدالانۋعا بەرىلدى. اۋماعىندا فۋتبول, ۆولەيبول جانە بالالار ويىن الاڭدارى, ۆوركاۋت-ايماقتار, فۋدكورتتار, پيرس, دۋش كابينالارى, كيىم اۋىستىراتىن ورىندار مەن اۆتوتۇراق قاراستىرىلعان. قاۋىپسىزدىكتى قامتاماسىز ەتۋ ماقساتىندا قۇتقارۋ بەكەتتەرى, مەديتسينالىق پۋنكت, SOS باتىرمالارىمەن جابدىقتالعان بەينەباقىلاۋ جۇيەسى جۇمىس ىستەيدى. ال №6 جانە №7 كوممۋنالدىق جاعاجايلاردا اباتتاندىرۋ جۇمىستارى جالعاسىپ جاتىر.
قاپشاعاي سۋ قويماسى جاعالاۋىندا ورنالاسقان جەكەمەنشىك دەمالىس ايماقتارى مەن ويىن-ساۋىق كەشەندەرى دە تۇرعىندار مەن تۋريستەرگە قىزمەت ەتەدى.
تۇركىستانداعى 9 ملرد تەڭگەگە سالىنىپ بىتپەگەن جاعاجايعا تاعى 5 ملن دوللار بولىنبەك
ايتا كەتەيىك, رۇقسات ەتىلمەگەن جەرلەردە, اعىسى قاتتى ايماقتاردا, سونداي-اق شاعىن كەمەلەرگە جاقىن ماڭدا شومىلۋعا قاتاڭ تىيىم سالىنادى. سەبەبى بۇل ازاماتتاردىڭ ءومىرى مەن دەنساۋلىعىنا قاۋىپ توندىرەدى. قازىرگى تاڭدا توتەنشە جاعدايلار دەپارتامەنتى مۇددەلى مەملەكەتتىك ورگاندارمەن بىرلەسىپ, شومىلۋ ماۋسىمىنا دايىندىق بويىنشا كەشەندى جۇمىستار جۇرگىزىپ جاتىر. پروكۋراتۋرا, پوليتسيا جانە كولىك ينسپەكتسياسىنىڭ قاتىسۋىمەن, ونىڭ ىشىندە ۇشقىشسىز ۇشۋ اپپاراتتارىن قولدانا وتىرىپ, جۇيەلى تۇردە رەيدتەر وتكىزىلىپ وتىر.
ەسكە سالايىق, ۇكىمەت باسشىسى تجم اكىمدىكتەرمەن بىرلەسىپ, سۋ ايدىندارى, جاعاجايلار, باسسەيندەر مەن تۋريستىك ايماقتارعا تەكسەرۋ جۇرگىزۋ قاجەت ەكەنىن ايتقان بولاتىن.
