فوتو: gov.kz (ارحيۆ)
باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتى بازاسىندا قۇرىلعان قىلمىستىق قاۋىپتەردى بولجاۋ ورتالىعى ۇلكەن دەرەكتەردى, ۆەدومستۆوارالىق اقپارات الماسۋدى جانە جاساندى ينتەللەكت قۇرالدارىن پايدالانۋ ارقىلى سىرتقى جانە ىشكى قاۋىپتەردىڭ الدىن الۋ جونىندەگى ۇسىنىمدار قامتىلعان 192 اقپاراتتىق حاتتى مەملەكەتتىك ورگاندارعا جولداعان.
باس پروكۋراتۋرانىڭ مالىمەتىنشە, 38 الاياقتىق ينتەرنەت-رەسۋرس بۇعاتتالدى. سونىمەن قاتار بۇقارالىق اقپارات قۇرالدارى ارقىلى حالىققا الاياقتىقتىڭ جاڭا تاسىلدەرى مەن ساقتىق شارالارى جونىندە تۇراقتى تۇردە اقپارات بەرىلىپ كەلەدى – ازاماتتارعا ارنالعان 16 ەسكەرتۋ جاريالاندى.
ورتالىق ەنگىزگەن شەشىمدەردىڭ قاتارىندا مەدياكەڭىستىك پەن ينتەرنەت-الاياقتىقتاردى مونيتورينگتەۋ جۇيەلەرى, «e-ءوتىنىش» جۇيەسىندەگى ازاماتتاردىڭ وتىنىشتەرىن تالداۋ, سونداي-اق كوشەدەگى جانە قايتالاما قىلمىستىلىقتى بولجاۋ مودەلدەرى بار.
1414-تەن حابارلاما: باس پروكۋراتۋرا الاياقتارعا الدانىپ قالماۋ جولىن ايتتى
سونىمەن قاتار باس پروكۋراتۋرا ىشكى ىستەر مينيسترلىگىمەن بىرلەسىپ قىلمىستىق ىستەردى تەرگەۋ پروتسەسىنە جاساندى ينتەللەكت (جي) ەنگىزۋ جوباسىن ىسكە اسىرىپ جاتىر.
قاناتقاقتى جوبا استانا قالاسى مەن اقمولا وبلىسىنىڭ بىرقاتار پوليتسيا بولىمشەلەرىندە جۇزەگە اسىرىلىپ جاتىر. جوبا شەڭبەرىندە تەرگەۋدى جوسپارلاۋ, جاۋاپتاردى ترانسكريپتسيالاۋ جانە تالداۋ, سونداي-اق ۇدەرىستىك قۇجاتتاردى اۆتوماتتى تۇردە قالىپتاستىرۋ مودۋلدەرى ەنگىزىلدى.
جالپى, «تسيفرلىق كومەكشى» مودۋلدەرى ارقىلى 231 تەرگەۋ جوسپارى, 72 جاۋاپ الۋ حاتتاماسى, 65 ايىپتاۋ اكتىسى جانە قىلمىستى سارالاۋ تۋرالى 15 قاۋلى قالىپتاستىرىلعان.
SMS-بلاستەر مەن ديپفەيك: باس پروكۋراتۋرا 18 جاڭا كيبەرقاۋىپتى انىقتادى
باس پروكۋراتۋرا «زاڭ مەن ءتارتىپ» قاعيداتتارىن نىعايتۋ, قوعامدىق قاۋىپسىزدىك دەڭگەيىن ارتتىرۋ جانە ءتيىمدى «حالىق ۇنىنە قۇلاق اساتىن مەملەكەت» قۇرۋ ماقساتىندا تسيفرلىق شەشىمدەردى دامىتۋ جۇمىسىن جالعاستىرادى.
